Je 29:1 - Sơ̆p Hlabơar Nơ̆r 'Bok Kei-Dei

¹ 'Nâu nơ̆r Jêrêmi đơ̆ng pơlei Jêrusalem chih gơih kơ lu đe kră mă oei arih, lu đe 'bok soi, lu 'bok khan lê̆ adrol păng đĭ-đăng kon pơlei mă pơtao Nebukatnessar rôp đơ̆ng pơlei Jêrusalem ba tơ char Babilôn pơm bơnă.

Je 29:1 ပူးပေါင်းရင်းမြစ်များ

II Pot 24:12

Na Jêhôiachin, pơtao đe Juđa, lu sư đe mĕ sư, đĭch đam sư, lu yŏng linh lu 'bok tih linh, năm kŭp kơ̆l yơ̆r ti kơ pơtao đe Babilôn. Lăm sơnăm mă tơhngam chăl pơtao đe Babilôn pơgơ̆r na rôp lu sư pơm bơnă.

II Ho 36:10

Truh lăm bơyan puih, pơtao Nebukatnessar wơh đe năm rôp chông ba sư tơ dêh char Babilôn, kư̆m iŏk dôm tơmam 'lơ̆ng gĭt đơ̆ng lăm Hnam Kră Yang, na pôk Sêdêkia ma sư pơm pơtao pơgơ̆r dêh char Juđa păng pơlei Jêrusalem.

Esther 9:20

Morđêkai chih răk dôm tơdrong noh, đơ̆ng noh gơih kơthơ ăn rim 'nu bơngai Juđa oei tơ lăm jơ̆p-jang char pơtao Asêrus pơgơ̆r, mă jê̆ mă ataih.

Je 28:17

Lăm sơnăm noh hloi khei tơpơh, Hanania 'bok khan lê̆ adrol lôch.

Je 28:4

Kră Yang khan: “Inh gô ba brŏk Jêkônia kon drŏ-nglo Jêhôiakim pơtao đe Juđa păng đĭ-đăng lu bơngai Juđa mă đe rôp pơm bơnă tơ Babilôn, kư̆m brŏk tơ anih âu dơ̆ng; yua kơ Inh gơ̆ lê̆ boih 'long ăt pơtao Babilôn.”

Je 29:20

Thoi noh ơ đĭ-đăng lu bơngai bơnă mă Inh đei puh đơ̆ng pơlei Jêrusalem năm tơ char Babilôn, mơ̆ng bĕ nơ̆r Kră Yang.”

Je 29:8

Kră Yang Tih Hloh, 'Bok Kei-Dei bơngai Isơrael khan: “'Nĕ pă lê̆ lu 'bok khan lê̆ adrol păng lu pơjâu oei hơdai iĕm chă hơlĕnh kơ iĕm; păng kư̆m 'nĕ pă hlŭ mơ̆ng kiơ̆ nơ̆r lu sư apo,

Je 51:61

Jêrêmi khan kơ Sêraia: Tơdah ih truh tơ char Babilôn, ih athei đŏk mă re nơ̆r 'nâu.

Jang 15:23

Lu jơ̆ng 'bang Yêsu hăm lu kră wei-lăng bơngai lui ăn kơ lu sư chĕp hla kơthơ. Hla kơthơ ei chih thoi âu: “Nhôn lu jơ̆ng 'bang Yêsu păng lu kră wei-lăng bơngai lui, bơ̆n 'nhŏng oh. Nhôn hmach bơnê kơ đĭ-đăng kơ iĕm lăm kon tơmoi lui kơ 'Bok Kei-Dei, lu iĕm mă oei tơ Pơlei Antiôs, dêh char Siri păng dêh char Salisia.

II Kor 7:8

Kơthơ inh chih kơ iĕm hơdrol ki inh kư̆m hmach kơ chih 'biơ̆ mơ̆n, pơm kơ iĕm sơ'ngon; mă-lei inh tơchĕng dơ̆ng đơ̆ng rŏng huay kơ hmach ôh, tơdrong sơ'ngon pơm kơ iĕm minh yuh đĕch.

Galati 6:11

Iĕm lăng. Kơthơ âu nơ̆r inh pơma, buăl nhôn chih; lăp wă jê̆ tôch âu na ti inh chih kơdih. Na inh chih chư phara 'biơ̆ kơ kơpal 'nâu.

Hêbrơ 13:22

Ơ 'nhŏng oh, apinh iĕm mơ̆ng 'biơ̆ dôm tơdrong inh chih bơtho iĕm lăm kơthơ âu hŏ, inh chih kư̆m ưh kơ lơ ôh tŏ sĕt đĕch.