Je 28:5 - Sơ̆p Hlabơar Nơ̆r 'Bok Kei-Dei

⁵ Na, Jêrêmi tơl hloi Hanania 'bok khan lê̆ adrol 'bơ̆t anăp lu 'bok soi păng kon pơlei oei dơ̆ng lăm hnam Kră Yang.

Je 28:5 ပူးပေါင်းရင်းမြစ်များ

I Ho 3:19

Kon drŏ-nglo Phêđaia noh: Sêrubabêl păng Simêi. Kon drŏ-nglo Sêrubabêl noh: Mêsulam păng Hanania; Sêlômit oh drŏ-kăn lu sư.

Je 19:14

Đơ̆ng rŏng kơ Jêrêmi brŏk đơ̆ng Tôphet anih mă Kră Yang wơh sư năm khan lê̆ adrol, sư dơ̆ng 'bơ̆t cham hnam Kră Yang păng khan tơbăt kơ đĭ-đăng kon pơlei:

Je 26:2

Kră Yang khan: “Ih athei dơ̆ng 'bơ̆t cham hnam Kră Yang, roi tơbăt ăn kơ đĭ-đăng bơngai đơ̆ng lu pơlei Juđa năm kơkuh kơ Kră Yang tơ hnam akŭm; roi tôm nơ̆r Inh đei roi tơbăt kơ ih, ih 'nĕ kơ hŭt lê̆ minh nơ̆r ayơ.

Je 28:1

Lăm sơnăm noh mơ̆n wă khan, lăm chăl Sêđekia 'nao pơtơm pơm pơtao đe Juđa, lăm khei pơđăm sơnăm mă puăn, Hanania kon drŏ-nglo Asur, bơngai khan lê̆ adrol đơ̆ng pơlei Gibeôn, pơma hăm inh lăm hnam Kră Yang 'bơ̆t anăp lu 'bok soi păng đĭ kon pơlei:

Je 7:2

“Dơ̆ng bĕ 'bơ̆t 'măng jang hnam Kră Yang, roi tơdrong 'nâu: ‘Mơ̆ng bĕ nơ̆r Kră Yang khan 'nâu: Ơ đĭ-đăng adrĕch Juđa lu bơngai mă mơ̆t trong 'măng jang 'nâu wă kơkuh kơ Kră Yang.’ ”