Je 27:8 - Sơ̆p Hlabơar Nơ̆r 'Bok Kei-Dei

⁸ “Tơdah khŭl bơngai ayơ, dêh char ayơ ưh kơ chu bơ̆jang kơ Nebukatnessar, pơtao Babilôn păng ưh kơ wă 'băk 'long ăt pơtao Babilôn tơ ako sư,” Kră Yang 'Bok Kei-Dei khan: “Na Inh gô yua đao gưm, pơngot rơwĕt, jĭ hơbuh, pơmat bơngai noh dĭng mă Inh ăn dêh char noh lăm ti pơtao Nebukatnessar pơrăm.

Je 27:8 ပူးပေါင်းရင်းမြစ်များ

Je 24:10

Inh gô ăn kơ lu sư lôch kơ đao gưm, lôch kơ pơngot rơwĕt, lôch hơbuh, pơrăm pơlôch pơgoh lu sư đơ̆ng lăm teh mă Inh đei ăn kơ lu sư păng lu 'bok yă lu sư sơ̆.”

Je 25:9

'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.

Je 27:11

Mă-lei adrĕch bơngai ayơ chu 'băk 'long ăt pơtao Babilôn păng chu yom kơ pơtao noh, na: Inh gô ăn kơ lu sư oei kơtă lăm dêh char sư kơdih, wă kơ choh jang sa păng oei tơ noh.” Noh Kră Yang.

Je 27:13

Yua kơ kiơ ih păng lu kon pơlei ih lê̆ đe pơlôch iĕm hăm đao gưm, pơngot rơwĕt, lôch hơbuh thoi Kră Yang đei khan kơ dêh char ayơ mă ưh kơ wă chu kiơ̆ kơ pơtao Babilôn?

Je 28:14

'Nâu Kră Yang Tih Hloh, 'Bok Kei-Dei bơngai Isơrael khan: Inh gô tơ'băk 'long ăt păng bơsei tơ ako rim adrĕch adrung âu, wă kơ lu sư pơm đĭch kơ Nebukatnessar pơtao Babilôn păng chu jang kơ sư, mă lu sem bri Inh kư̆m đei jao boih kơ sư.”

Je 28:4

Kră Yang khan: “Inh gô ba brŏk Jêkônia kon drŏ-nglo Jêhôiakim pơtao đe Juđa păng đĭ-đăng lu bơngai Juđa mă đe rôp pơm bơnă tơ Babilôn, kư̆m brŏk tơ anih âu dơ̆ng; yua kơ Inh gơ̆ lê̆ boih 'long ăt pơtao Babilôn.”

Je 29:17

lei, na 'nâu nơ̆r Kră Yang Tih Hloh khan: “Inh gô ăn đao gưm, pơngot rơwĕt păng tơdrong lôch hơbuh truh tơ lu sư, pơm ăn kơ lu sư thoi plei hơra ôm kơnê̆ dĭng mah đe pă gơh sa.

Je 29:18

Inh gô ăn đao gưm, pơngot rơwĕt păng jĭ hơbuh druh pơrăm lu sư, đe gô puh lê̆ lu sư tơ to tơ âu. Tơ jơ̆p-jang kơ dêh char lăm teh đak âu, lăng krưp, lu sư pŭ hơngiap đe blei hiap, đe che bơle, đe pơjăm pơjuă lu sư tơ rim adrĕch adrung mă Inh đei pơpuh lê̆ lu sư tơ noh.”

Je 40:9

Gêđalia kon drŏ-nglo Ahikam, sâu Saphan, sư pơkă pơkăm pơlung lu sư: “Iĕm 'nĕ kơ hli ôh bơ̆jang bĕ kơ lu bơngai Kalđê. Oei bĕ lăm dêh char âu, na awih awăn ăn kơ pơtao Babilôn. Na lu iĕm gô arih jang sa hiôk-hian.

Êsêkiên 14:21

Kră Yang Tih Hloh khan thoi âu: “Rai krưp kơnê̆ hloh dơ̆ng mưh Inh ăn puăn tơdrong sek tơlang trăp; tơdrong đao hơlă tơblah, tơdrong pơngot rơwĕt, tơdrong sem bri pơrăm păng tơdrong lôch hơbuh truh tơ Jêrusalem wă pơlôch đĭ bơngai păng sem dơrong.