Je 27:5 - Sơ̆p Hlabơar Nơ̆r 'Bok Kei-Dei

⁵ Inh boih Tơ'ngla pơjing kơ teh, kon bơngai păng lu kon sem brem kơpal teh đơ̆ng tơdrong mơsêh mơyang păng đơ̆ng ti pran kơtang Inh. Inh ăn teh âu kơ bu mơ̆ng kơ Inh lăp.

Je 27:5 ပူးပေါင်းရင်းမြစ်များ

Bl 1:25

Kră Yang 'Bok Kei-Dei pơjing kơ lu sem bri kiơ̆ kơ adrĕch păng lu hơdrông kơep lep-ler, lu sem dơrong kiơ̆ kơ adrĕch. Kră Yang 'Bok Kei-Dei 'bôh tơdrong noh 'lơ̆ng.

Bl 9:6

Thoi noh bơngai bu mă pơlôch đe, na kư̆m đei đe nai pơlôch sư, yua kơ Kră Yang 'Bok Kei-Dei pơjing lu iĕm hơbŏ thoi rup sư.

I Pot 8:42

lu bơngai teh đak 'nguaih lu sư kơtơ̆ng Anăn Ih ti mơsêh mơyang Ih, mưh lu sư krao khan lăm hnam âu.

Esơra 1:2

Sirus pơtao Phersia, khan thoi âu: Kră Yang Kră Yang 'Bok Kei-Dei đei ăn kơ inh pơgơ̆r dôm lu dêh char lăm teh đak păng kơdih Sư athei inh pơm kơ Sư minh pôm hnam akŭm tơ pơlei Jêrusalem, lăm dêh Juđa.

Ne 9:22

Đơ̆ng noh Ih kư̆m ăn kơ lu sư đei teh đak păng lu kon pơlei pơla, Ih klah asong kơ lu sư teh đak oei, lu sư iŏk đơ̆ng teh đak Sihôn pơtao pơlei Hesbôn păng đơ̆ng teh đak Ok pơtao char Basan.

Horiso 102:25

Blŭng-a sơ̆ Ih pơjing teh đak păng lu plĕnh đơ̆ng ti Ih pơjing.

Horiso 96:5

Yua kơ đĭ-đăng yang mă kon pơlei kơkuh noh jơ̆ yang man kơdih; Mă-lei Kră Yang Sư pơjing plĕnh.

Le 20:11

yua kơ lăm tơdrâu năr Kră Yang đei pơjing plĕnh, teh, đak dơsĭ păng đĭ-đăng tơmam tơ lăm noh, năr tơpơh sư pơdơh: Na Kră Yang sơkat ăn pŭn hiôk kơ năr tơpơh wă 'măn pơm năr giĕng 'lơ̆ng rơgoh.

Le 6:6

Na ih khan bĕ hăm kon pơlei Isơrael: Inh boih Kră Yang, Inh gô ăn kơ lu iĕm rơngei đơ̆ng tơdrong jang gleh pơmat Inh gô dŏng pơklaih iĕm đơ̆ng pơm đĭch đam Inh gô chro tơpang ti mơsêh mơyang Inh, wă phak bơngai Êyiptơ mă trăp.

Êsai 42:5

Kră Yang Tơ'ngla pơjing lu plĕnh păng bơlang plĕnh, Sư Tơ'ngla lơ̆k bơlang bơih teh hăm dôm tơmam lĕch đơ̆ng noh. Tơ'ngla ăn kial dui jơhngơ̆m kơ kon bơngai păng ăn tơdrong arih lu bơngai yak năm kơpal teh. 'Nâu Kră Yang 'Bok Kei-Dei khan kơ đam Sư.

Êsai 44:24

Kră Yang, đei khan thoi âu: “Inh huai iŏk lu iĕm Inh pơjing lu iĕm đơ̆ng lăm klak. Inh bơih Kră Yang, Inh bơih Tơ'ngla pơm pơjing tôm tơmam. Minh 'nu Inh đĕch bơlang lu plĕnh, lơ̆k teh âu, ưh kơ đei bu 'nguaih kơ Inh.

Êsai 45:12

Inh bơih Tơ'ngla pơjing teh đak păng pơjing kon bơngai oei kơpal teh. Đơ̆ng ti Inh kơdih pơm, bơlang lu plĕnh păng pơjing lu sơnglŏng.

Êsai 48:13

Ti inh pơjing bơih hơnă teh Ti gah 'ma Inh đei bơlang bơih plĕnh; Inh krao plĕnh teh lu sư iung hơdai hloi.

Êsai 51:13

Iĕm hiơt bơih kơ Kră Yang Tơ'ngla pơjing lu iĕm, Sư bơih bơyar lu tăl plĕnh. Pơjing hơnă teh. Mă-lei rim năr iĕm hrăn hli tơtey ling-lang. Kơ lu bơngai pơjuă pơđep kơplah sư hil wă pơlôch iĕm? Mă-lei dang ei tơdrong lu bơngai hil blĕk pơjuă noh tơ yơ?

Je 27:4

Pơkă athei lu sư năm roi kơ yŏng lu sư khan: “Kră Yang Tih Hloh, 'Bok Kei-Dei Isơrael, khan: Lu iĕm athei khan kơ yŏng iĕm:

Je 32:17

“Ơ Kră Yang! Ih boih Tơ'ngla yơ̆r ti man pơjing kơ plĕnh hăm teh âu hăm tơdrong mơsêh mơyang tih Ih. Ưh kơ đei tơdrong kiơ mă tơnat 'bơ̆t anăp Ih.

Je 51:15

Kră Yang boih Tơ'ngla pơjing kơ teh hăm tơdrong mơsêh mơyang Sư. Sư yua tơdrong hơgei Sư pơjing kơ teh đak kơjăp păng yua tơdrong gơh băt sư bơyar plĕnh.

Da 2:38

Kră Yang 'Bok Kei-Dei đei ăn boih tơ lăm ti pơtao dôm lu adrĕch kon bơngai, lu kon sem brem, lu sem păr, tơ jơ̆p-jang anih mă khan lu sư oei tơ yơ, Sư kư̆m đei ăn pơtao pơgơ̆r đĭ-đăng; thoi noh kơ̆l pơm hăm maih noh ih boih.

Da 4:14

Sư ôr krao thoi âu: Kăl 'long noh bĕ păng chơ̆ng lê̆ dơng sư, pơm kơ hla sư hơlŭng bĕ păng săi hŭt lê̆ plei sư; puh tơweh bĕ lu sem bri đơ̆ng tơm sư păng puh sem păr weh đơ̆ng dơng sư!

Da 4:17

Tơdrong hơgăt noh đơ̆ng lu yŏng mă wei-lăng pơkă păng nơ̆r lu bơngai 'lơ̆ng rơgoh đei roi tơbăt, wă kơ lu bơngai oei arih băt kơ Kră Yang 'Bok Kei-Dei Tih hloh pơgơ̆r lăm teh đak kon bơngai; Sư wă ăn kơ bu mơ̆ng kơ Sư wă păng gô tơiung lu bơngai răm-'băm tơ anih pơgơ̆r noh.

Da 4:22

Ơ pơtao, noh jơ̆ ih boih, ih pran kơtang tơdrong ih pơgơ̆r rai kơjung truh tơ plĕnh, tơdrong kĕ ih gom tơ jơ̆p lăm teh đak.

Da 4:25

Đe gô pơpuh lê̆ ih đơ̆ng lăm kon bơngai păng ih gô oei hơdai hăm kon sem brem tơ bri, ih gô sa 'nhĕt thoi rơmo păng akâu jăn ih tŭk gô gom hơiuh đĭ-đăng truh tơpơh sơnăm, dĭng mă truh tơ ih 'blŏk băt kơ Kră Yang 'Bok Kei-Dei Tih hloh pơgơ̆r lăm teh đak kon bơngai păng Sư ăn kơ bu mơ̆ng kơ Sư wă.

Da 5:18

Ơ pơtao, Kră Yang 'Bok Kei-Dei Tih hloh đei ăn boih tang-dŏ pơtao păng tơdrong pơgơ̆r tih, tơdrong pơyom, tơdrong ư-ang kơ pơtao Nebukatnessar 'bă ih.

Jang 14:15

“Ơ bre, iĕm wă pơm kiơ? Nhi kư̆m kon bơngai lei-lăi thoi iĕm mơ̆n. Nhi wă bơtho kơ iĕm Tơdrong 'Nao 'Lơ̆ng, wă kơ iĕm tŭk lê̆ dôm lu yang iĕm pơm kơkuh noh mă ưh kơ yua kiơ, na iĕm lui kiơ̆ kơ 'Bok Kei-Dei đĕch. 'Bok Kei-Dei arih ling-lang. Sư pơjing plĕnh teh, đak dơsĭ păng đĭ-đăng sem tơmam oei lăm ala teh đak.

Jang 17:24

'Bok Kei-Dei pơjing plĕnh teh păng đĭ-đăng sem tơmam oei lăm teh đak. Sư pơgơ̆r plĕnh teh, na Sư ưh kơ oei lăm hnam bơngai pơm ôh.

Jang 17:26

'Bok Kei-Dei pơjing đơ̆ng minh 'nu bơngai, mă-lei Sư pơjing kơ đĭ-đăng khŭl bơngai wă kơ bơngai bơ̆n oei jơ̆p kơ teh đak. Sư ată khŭl bơngai mơ'nah pơgơ̆r đunh dang yơ. Teh đak bơ̆n oei Sư kư̆m asong mơ̆n.

Both 2:19

Mưh iĕm năm truh jê̆ kon sâu Ammôn, 'nĕ kơ ayăt păng tơblah hăm lu sư hŏ; yua kơ Inh ưh kơ ăn kơ iĕm ôh dêh char đơ̆ng kon sâu Ammôn jing teh iĕm jang sa, đơ̆ng Inh ăn boih dêh noh kơ lu kon sâu Lot bơ̆jang sa.

Both 2:21

Minh adrĕch kon pơlei tih păng lơ, hơbŏ sư tih kơjung thoi adrĕch kon pơlei Anakim, mă-lei Kră Yang pơrăm lê̆ lu sư 'bơ̆t anăp kon pơlei Amôn; kon pơlei Amôn puh tơgar iŏk dêh noh păng oei hloi tơ noh;

Both 2:7

Yua kơ Kră Yang 'Bok Kei-Dei iĕm ăn pŭn hiôk dôm tơdrong jang đơ̆ng tơpang ti iĕm pơm; Sư băt boih kơ tơdrong lu iĕm năm rok char glă să âu, lăm puăn-jĭt sơnăm 'nâu, Kră Yang 'Bok Kei-Dei iĕm oei hăm iĕm boih; huay kơ kơ'bah kiơ ôh.

Both 2:9

Kră Yang khan kơ inh: 'Nĕ kơ ayăt păng 'nĕ kơ tơblah hăm lu kon pơlei Môap; yua kơ Inh ưh kơ đei ăn kơ iĕm ôh dêh âu wă bơ̆jang sa, Inh ăn boih pơlei Ar kơ kon sâu Lot bơ̆jang sa.

Both 32:8

Mưh kơplah Kră Yang Tih Hloh klah asong ăn teh kơ kon pơlei. 'Bơ̆t Sư ăn kơ adrĕch adrung Ađam tơklah tơklang. Sư hơgăt ăn hơdral kơ rim adrĕch, kiơ̆ kơ kơ̆l kon pơlei bơngai Isơrael.a

Both 4:17

dah hơbŏ thoi rup kon sem brem mơmŏ kơpal teh, dah hơbŏ thoi rup kon sem brem đei pơnăr păr kơpal plĕnh,

Both 4:25

Mưh lu iĕm đei kon sâu păng oei tơ dêh noh đunh boih, tơdah lu iĕm pơm yoch kơnê̆ pơrăm akâu kơdih thoi pơm kơ rup yang dah rup sem brem kiơ, mă pơm tơdrong kơnê̆ kiơ 'bơ̆t anăp Kră Yang 'Bok Kei-Dei lu iĕm wă pơm kơ Sư blĕk.

Both 4:32

Thoi noh, iĕm athei apinh lăng iŏk đơ̆ng jơhnơr đei adrol kơ iĕm sơ̆, đơ̆ng năr Kră Yang 'Bok Kei-Dei pơjing kon bơngai kơpal teh, đơ̆ng tôch plĕnh âu truh tơ tôch plĕnh to, hăm tam đei tơdrong kiơ truh boih tih dah đei kơtơ̆ng tơdrong kiơ boih thoi noh?

Both 4:35

Đei tơ'bôh boih kơ lu iĕm dôm tơdrong noh, wă băt kơ Kră Yang 'noh boih Kră Yang 'Bok Kei-Dei, ưh kơ bu nai dơ̆ng.

Both 5:16

Athei lui yom kơ mĕ 'bă ih, kiơ̆ thoi Kră Yang tơtă boih kơ ih wă kơ ih gơh arih sot păng đei tơdrong pŭn hiôk tơ kơpal teh âu mă Kră Yang 'Bok Kei-Dei ih ăn kơ ih.

Both 9:29

Kon pơlei pơla âu jơ̆ kon pơlei Ih păng tơmam Ih, lu bơngai mă Ih hlôi yua tơdrong mơsêh pran kơtang tih chông tơlĕch lu sư đơ̆ng dêh Êyiptơ.

Kôlôsê 1:16

Yua kơ đơ̆ng Kon Sư na đei pơjing tôm tơdrong tơ kơpal plĕnh, tôm tơdrong tơ ala teh, tôm tơdrong măt gơh 'bôh, tôm tơdrong măt ưh kơ gơh 'bôh, mă tôm kơ lu yŏng pơgơ̆r lu yang, mă tôm kơ yŏng pơgơ̆r lu linh jang, 'Bok Kei-Dei yua Sư pơjing tôm tơdrong noh. Tôm tơdrong Kon Sư pơjing noh, wă kơ đĭ-đăng bơngai ư-ang kơ Sư.

Hêbrơ 1:2

Mă-lei gah chăl arih lu bơ̆n ahrei, Sư wơh Kon Sư kơdih năm pơtruh kơ bơ̆n. Sư kư̆m ăn kơ Kon Sư gơh pơjing plĕnh pơjing teh păng pơgơ̆r tôm tơdrong.

Tơdrông Tơ'bôh 4:11

“Ơ 'Bok Kei-Dei Kră Yang, pôm Ih đĕch mơsêh na trŏ kơ nhôn lui yom păng ư-ang kơ Ih tơpă, yua kơ Ih gơh pơjing kơdih lăm tôm tơdrong. Mă tôm tơdrong kiơ yua kơ Ih wă na Ih pơjing hloi.”