Je 27:4 - Sơ̆p Hlabơar Nơ̆r 'Bok Kei-Dei

⁴ Pơkă athei lu sư năm roi kơ yŏng lu sư khan: “Kră Yang Tih Hloh, 'Bok Kei-Dei Isơrael, khan: Lu iĕm athei khan kơ yŏng iĕm:

Je 27:4 ပူးပေါင်းရင်းမြစ်များ

Le 5:1

Đơ̆ng rŏng kơ noh, Môis păng Arôn năm apinh Pharaôn khan thoi âu: Kră Yang 'Bok Kei-Dei kon pơlei Isơrael đei khan: Ăn bĕ kon pơlei Inh năm, wă kơ lu sư năm kơkuh kơ Inh tơ char glă.

Je 10:10

Mă-lei Kră Yang jơ̆ 'Bok Kei-Dei sĭt; Sư jơ̆ Kră Yang 'Bok Kei-Dei arih; Pơtao ling-lang. Mưh Sư hil teh đak pơpơ̆; đĭ-đăng dêh char ưh kơ kĕ pŭ iŏk ôh dôm tơdrong Sư hil mĭl.”

Je 10:16

Tơmam Kră Yang 'Bok Kei-Dei 'măn kơ Jakôp ưh kơ trŏ thoi noh ôh, yua kơ Sư boih pơjing kơ đĭ-đăng tôm tơmam, mă bơngai Isơrael kư̆m adrĕch adrung Sư; Kră Yang Tih Hloh noh anăn Sư.

Je 25:27

“Ih khan bĕ kơ lu sư: Kră Yang Tih Hloh 'Bok Kei-Dei Isơrael, khan: ‘Huch bĕ mă suai, hăk lê̆, pơ̆k lê̆ pă iung, yua kơ đao gưm Inh ăn truh tơ lu iĕm!

Je 27:3

Na, gơih nơ̆r âu ăn kơ lu pơtao char Eđôm, Môap, Ammôn, Tirơ păng pơtao char Siđôn, hơtă 'bơ̆t lu bơngai mă lu năm pơtao wơh tơ pơlei Jêrusalem tơ'bơ̆p Sêđekia, pơtao đe Juđa.

Je 27:5

Inh boih Tơ'ngla pơjing kơ teh, kon bơngai păng lu kon sem brem kơpal teh đơ̆ng tơdrong mơsêh mơyang păng đơ̆ng ti pran kơtang Inh. Inh ăn teh âu kơ bu mơ̆ng kơ Inh lăp.

Je 28:14

'Nâu Kră Yang Tih Hloh, 'Bok Kei-Dei bơngai Isơrael khan: Inh gô tơ'băk 'long ăt păng bơsei tơ ako rim adrĕch adrung âu, wă kơ lu sư pơm đĭch kơ Nebukatnessar pơtao Babilôn păng chu jang kơ sư, mă lu sem bri Inh kư̆m đei jao boih kơ sư.”

Je 51:19

Kră Yang 'Bok Kei-Dei Jakôp ưh kơ thoi lu noh, yua kơ Sư boih Tơ'ngla pơjing tôm tơmam. Adrĕch adrung Isơrael jing tơmam gĭt Sư. Anăn Sư Kră Yang Tih Hloh.