Je 27:21 - Sơ̆p Hlabơar Nơ̆r 'Bok Kei-Dei

²¹ Kră Yang Tih Hloh, 'Bok Kei-Dei bơngai Isơrael khan kơ tơmam gĭt oei oei lăm hnam akŭm, lăm hnam pơtao đe Juđa păng pơlei tih Jêrusalem:

Je 27:21 ပူးပေါင်းရင်းမြစ်များ

II Pot 20:17

Jơ 'năr gô truh, dôm tơmam lăm hnam ih mong dôm lu mŭk tơmam mă yă 'bok ih đei pơsư̆ 'măn lê̆ đơ̆ng sơ̆ truh tơ dang ei đe gô iŏk pơđĭ, chĕp ba tơ dêh Babilôn. Kră Yang khan gô ưh pă đei kiơ oei oei dơ̆ng.

II Ho 36:18

Pơtao iŏk đĭ lu tơmam yua đơ̆ng lăm Hnam Kră Yang 'Bok Kei-Dei, tih dah iĕ lu tơmam gĭt lăm Hnam Kră Yang, lu tơmam gĭt pơtao păng tơmam gĭt lu yŏng pơgơ̆r, iŏk đĭ chĕp ba tơ dêh char Babilôn.

Esơra 1:11

Jô̆ đĭ-đăng kơsô̆ tơmam yua lăm hnam akŭm mă đe pơm păng hu păng maih ei pơđăm-rơbâu puăn-hrĕng tŏ. Kơplah lu bơngai Isơrael đe rôp pơm bơnă oei tơ Babilôn đei chông wih brŏk tơ pơlei Jêrusalem, na Sêsbasar kư̆m chĕp ba hloi dôm lu tơmam ei.

Esơra 1:7

Pơtao Sirus kư̆m pơdrâu dôm lu tơmam yua lăm hnam akŭm Kră Yang, mă đêl Nebukatnessar đei iŏk đơ̆ng pơlei Jêrusalem păng tah 'măn lăm hnam yang sư.

Êsai 39:6

Âu, năr gô truh, dôm tơmam lăm anih hnam pơtao ih, dôm tơmam mă 'bok ih 'măn lê̆ lăm hnam đơ̆ng sơ̆ truh năr 'nâu, gô chĕp ba pơđĭ tơ dêh char Babilôn, ưh pă đei lê̆ minh pôm tơmam kiơ dơ̆ng, Kră Yang khan thoi noh.

Je 20:5

Inh kư̆m gô jao dôm lu mŭk tơmam pơlei âu, mŭk tơmam đơ̆ng lu sư chă jang sa, tơmam gĭt mă đei dang ei, tơpă, Inh gô jao ăn dôm lu hu maih pơtao Juđa lăm ti lu bơngai ayăt, gô tơgar iŏk na chĕp ba tơ Babilôn.

Je 27:20

lu tơmam mă Nebukatnessar pơtao đe Babilôn ưh kơ tung ba, kơplah sư rôp ba Jêkônia kon drŏ-nglo Jêhôiakim, pơtao đe Juđa, hơdai hăm lu kră pơgơ̆r char Juđa đơ̆ng pơlei tih Jêrusalem, ba tơ char Babilôn pơm bơnă;

Je 27:22

‘Gô iŏk ba tơ char Babilôn păng 'măn lê̆ tơ noh dĭng truh năr Inh athei lu sư 'ba pơdrâu tơ anih 'nâu.” Noh Kră Yang khan!

Nhom 1:10

Lu bơngai ayăt yơ̆r ti boih wă iŏk dôm tơmam 'lơ̆ng sư; Yua kơ lu sư 'bôh boih lu kon pơlei tơmoi năm mơ̆t lăm anih rơgoh sư. Lu kon pơlei tơmoi noh Kră Yang đei khan: Ưh kơ gơh kơ mơ̆t ôh lăm khŭl sư;