Je 27:18 - Sơ̆p Hlabơar Nơ̆r 'Bok Kei-Dei

¹⁸ Dah lu sư bơngai khan lê̆ adrol tơpă păng đei nơ̆r Kră Yang, lei lê̆ lu sư krao khan apinh Kră Yang Tih Hloh, wă kơ tơmam gĭt oei oei lăm hnam Kră Yang, lăm hnam pơtao Juđa păng pơlei tih Jêrusalem, đe huay kơ iŏk ba tơ char Babilôn.

Je 27:18 ပူးပေါင်းရင်းမြစ်များ

Bl 20:17

Abraham krao apinh Kră Yang 'Bok Kei-Dei, na sư pơklaih ăn tơdrong jĭ pơtao Abimêlek, akăn sư hăm lu đam sư, thoi noh na đĭ-đăng lu sư đei hơ'lơ̆p ngăl dơ̆ng.

I Pot 18:24

Iĕm athei krao apinh anăn yang iĕm, gah inh krao apinh Anăn Kră Yang. Yang ayơ mă tơl tơwih ăn ŭnh soh 'long ŭnh, 'noh bơih Kră Yang 'Bok Kei-Dei. Na đĭ-đăng kon pơlei pơla tơl khan: Nơ̆r ih pơma 'noh trŏ bơih.

I Pot 18:26

Thoi noh lu sư iŏk rơmo dui ba tơ noh, kăt hlơ-hlah pơm hơmet, Đơ̆ng noh lu sư krao apinh hăm anăn yang Baal: Ơ Baal! Apinh tơl tơwih nơ̆r nhôn. Mă-lei ưh kơ đei nơ̆r tơl tơwih; lu sư suang pơplŏng tăp dăr kơ chơnang soi lu sư pơm 'noh, đơ̆ng pơgê hrôih truh tơ 'năr dơ̆ng.

II Ho 32:20

Pơtao Hesekia păng Êsai 'bok khan lê̆ adrol kon drŏ-nglo Amôt, krao khan kơ tơdrong 'nâu, krao khan ôr tŏk truh tơ plĕnh.

Je 15:1

Kră Yang khan kơ inh: “Mă khan Môis păng Samuel dơ̆ng 'bơ̆t anăp Inh, Inh kư̆m ưh kơ mơnat kơ kon pơlei 'nâu. Pơpuh tơweh bĕ lu sư đơ̆ng anăp Inh.

Je 18:20

Đe pơm 'lơ̆ng hăm trŏ apah tơdrong kơnê̆? Lei liơ lu sư sir boih sơlŭng wă tơhuŏng inh. Apinh Ih 'blŏk kơ inh ngăl dơ̆ng 'bơ̆t anăp Ih apinh Ih ăn kơ lu sư tơdrong 'lơ̆ng, apinh Ih 'nĕ pă hil kơ lu sư.

Je 42:2

năm apinh lung Jêrêmi: “Mơ̆ng bĕ nơ̆r lu nhôn apinh ih krao apinh Kră Yang 'Bok Kei-Dei ih tơgŭm lu nhôn, lu bơngai mă oei oei âu. Sơ̆ lu nhôn oei lơ kơdrâ̆m, dang ei oei pă tŏ sĕt, thoi ih 'bôh âu.

Je 7:16

Bĭ gah ih, 'nĕ pă krao khan ăn kơ adrĕch adrung 'nâu; kư̆m 'nĕ kơ ôr krao apinh yua kơ lu đe âu, ih kư̆m 'nĕ krao lung Inh, yua kơ Inh ưh kơ wă mơ̆ng ih ôh.

Êsêkiên 14:14

Dah mă đei pêng 'nu drŏ-nglo âu: Nôê, Đaniel, hăm Jop oei lăm char ei, lei lăp lu sư đĕch gơh klaih oei arih, yua kơ tơdrong tơpăt lu sư kơdih. Kră Yang Tih Hloh khan thoi noh.

Êsêkiên 22:30

Inh chă lăng minh 'nu bơngai lăm lu sư, wă man pơdơ̆ng ming dur, wă kơ tơplih kơ pơlei, lăm teh đak păng dơ̆ng chĭt bơlôh dur 'bơ̆t anăp Inh, wă kơ Inh huay kơ pơrăm teh đak lu sư; mă-lei Inh chă ưh kơ đei bu.

Malachi 1:9

“Lu iĕm đei pơm boih tơdrong noh, liơ Sư sơng iŏk minh 'nu lăm lu iĕm? 'Nâu dang ei Inh athei iĕm apinh bĕ tơdrong mơnat đơ̆ng Kră Yang 'Bok Kei-Dei, wă kơ Sư mơnat ăn,” Kră Yang Tih Hloh khan thoi noh.

I Sam 12:19

Đĭ-đăng lu sư khan kơ Samuel: Apinh ih krao khan apinh Kră Yang 'Bok Kei-Dei ih ăn kơ lu nhôn, wă kơ lu nhôn huay kơ lôch; lu nhôn đei apinh wă kơ đei pơtao noh nhôn pơthim ăn tơdrong yoch kơ lu nhôn.

I Sam 12:23

Gah inh, inh ưh kơ pơdơh kơ krao khan kơ iĕm. Wă kơ inh huay kơ pơm yoch hăm Kră Yang. Inh gô bơtho tơ'bôh lu iĕm băt kơ trong 'lơ̆ng păng tơpăt.

I Sam 7:8

Na khan kơ Samuel khan: Apinh ih krao khan kơ Kră Yang ling-lang, wă kơ Sư dŏng pơklaih nhôn đơ̆ng ti bơngai Philistin.