Je 27:16 - Sơ̆p Hlabơar Nơ̆r 'Bok Kei-Dei

¹⁶ Inh kư̆m khan kơ lu 'bok soi păng đĭ-đăng kon pơlei âu: “Kră Yang khan: ‘'Nĕ pă mơ̆ng nơ̆r lu bơngai khan lê̆ adrol kơ iĕm khan: Dôm lu tơmam yua lăm hnam Kră Yang ưh pă đunh boih Babilôn gô pơdrâu tơwih tơ âu! Noh lu sư khan lê̆ adrol hơlĕnh kơ lu iĕm.

Je 27:16 ပူးပေါင်းရင်းမြစ်များ

II Pot 24:13

Thoi nơ̆r Kră Yang hlôi khan, pơtao Babilôn iŏk lê̆ đĭ dôm lu tơmam kăp đơ̆ng lăm hnam akŭm kơkuh kơ Kră Yang păng dôm lu tơmam gĭt đơ̆ng lăm hnam pơtao, teng iŏk lu tơmam yua lăm hnam akŭm kơkuh kơ Kră Yang mă Sôlômôn pơtao đe Isơrael hlôi pơm hăm maih.

Êsai 9:15

Lu bơngai pơgơ̆r pơm kơ kon pơlei âu năm jrok trong bơih păng lu bơngai sư chông puh kơ sư hơlĕnh.

Je 27:10

Lu sư bơtho khan lê̆ adrol hơlĕnh, tơdah lu iĕm lui kơ lu sư đe chông ba lu iĕm ataih đơ̆ng teh đak iĕm, na Inh pơpuh tơlĕch lu iĕm păng lu iĕm gô lôch hiong đĭ.

Je 27:14

Apinh iĕm 'nĕ kơ mơ̆ng hŏ dôm nơ̆r lu bơngai khan lê̆ adrol khan: ‘Lu iĕm huay kơ chu jang kơ pơtao Babilôn. Noh tơdrong hơlĕnh đĕch mă lu sư khan lê̆ adrol kơ lu iĕm.”

Je 28:3

Lăm 'bar sơnăm đơ̆ng rŏng, dôm tơmam gĭt lăm hnam Kră Yang mă đêl Nebukatnessar pơtao Babilôn iŏk đơ̆ng anih âu ba tơ char Babilôn, na Inh gô iŏk pơdrâu tơ anih âu.’ ”

Da 1:2

Kră Yang 'Bok Kei-Dei jao Jêhôiakim, pơtao đe Juđa păng đei tơmam đơ̆ng hnam Kră Yang 'Bok Kei-Dei lăm ti Nebukatnessar. Sư anhăk ba tơmam noh brŏk tơ dêh Babilôn, tơmơ̆t lăm rông yang sư păng 'măn lê̆ tơ lăm hnam mong tơmam ăn kơ yang sư kơdih.