Je 27:15 - Sơ̆p Hlabơar Nơ̆r 'Bok Kei-Dei

¹⁵ Kră Yang khan: “Inh ưh kơ đei wơh lu sư, lu sư yua anăn Inh khan lê̆ adrol hơlĕnh. Tơdah lui kơ lu sư Inh gô pơpuh tơweh lu iĕm păng pơlôch pơđĭ lu iĕm păng lu bơngai khan lê̆ adrol noh.”

Je 27:15 ပူးပေါင်းရင်းမြစ်များ

II Ho 25:16

Mă-lei kơplah 'bok khan lê̆ adrol oei pơma, pơtao khan plơ̆: “Nhôn hăm đei pôk ih chă đon kơ inh? Weh bĕ, ih 'maih lôch hă?” 'Bok khan lê̆ adrol noh ngăn na khan: “Inh băt Kră Yang wă pơlôch pơrăm ih, yua kơ ih đei pơm boih tơdrong noh păng ưh kơ wă mơ̆ng nơ̆r inh.”

Je 14:14

Kră Yang khan kơ inh: “Lu bơngai khan lê̆ adrol yua anăn Inh na pơma hơlĕnh, Inh ưh kơ đei wơh lu sư ôh, kư̆m ưh kơ đei tơtă dah pơma athei lu sư mơ̆n. Lu sư khan lê̆ adrol kiơ̆ thoi lu sư chă pơm 'bôh ưh kơ tơpă, chă hlang pơpơn kư̆ kă wă pơhlŭ lu iĕm kiơ̆ kơ lu sư tơchĕng đon kơdih.”

Je 20:6

Ơ Phashur, ih kơdih hăm lu bơngai mă oei lăm hnam ih, đĭ-đăng gô pơm bơnă. Ih gô năm tơ Babilôn gô lôch păng 'bŭ hloi tơ noh, hơdai hăm lu bôl buăl ih, wă khan lu bơngai mă ih đei pơma khan lê̆ adrol hơlĕnh kơ lu sư.

Je 23:15

Thoi noh Kră Yang Tih Hloh khan gah lu bơngai khan lê̆ adrol noh: “Inh gô ăn kơ lu sư sa 'long tăng păng nhă đak hơkăm, yua kơ đơ̆ng lu bơngai khan lê̆ adrol lăm pơlei Jêrusalem, tơdrong pơm yoch kơnê̆ dêh rai jơ̆p kơ dêh char.”

Je 23:21

Inh ưh kơ đei wơh lu bơngai khan lê̆ adrol noh, mă-lei lu sư oei năm chă roi nơ̆r Sư kơdih. Inh ưh kơ đei athei lu sư mă-lei lu sư oei khan lê̆ adrol.

Je 23:25

Inh đei kơtơ̆ng nơ̆r lu bơngai khan lê̆ adrol hơlĕnh yua anăn Inh khan! ‘Inh apo 'bôh, inh apo 'bôh.’

Je 27:10

Lu sư bơtho khan lê̆ adrol hơlĕnh, tơdah lu iĕm lui kơ lu sư đe chông ba lu iĕm ataih đơ̆ng teh đak iĕm, na Inh pơpuh tơlĕch lu iĕm păng lu iĕm gô lôch hiong đĭ.

Je 29:8

Kră Yang Tih Hloh, 'Bok Kei-Dei bơngai Isơrael khan: “'Nĕ pă lê̆ lu 'bok khan lê̆ adrol păng lu pơjâu oei hơdai iĕm chă hơlĕnh kơ iĕm; păng kư̆m 'nĕ pă hlŭ mơ̆ng kiơ̆ nơ̆r lu sư apo,

Je 29:9

yua kơ lu sư khan lê̆ adrol hơlĕnh hăm anăn Inh. Inh ưh kơ đei wơh lu sư ôh.” Noh Kră Yang khan.

Je 38:22

Đĭ-đăng lu bơngai drŏ-kăn oei oei lăm hnam pơtao Juđa đe gô ba lu sư ăn kơ bơngai pơgơ̆r linh pơtao Babilôn; lu bơngai drŏ-kăn noh gô khan yak rah pơma rah: ‘Dôm lu buăl juăt pơtao pơhlŭ pơtao jei boih; jơ̆ng ih đom lăm hlŭt boih, lu buăl ih kơdŭn achăng lê̆ ih.’

Mathiơ 15:14

Na iĕm 'nĕ mah hiơ̆k tơdrong sư ơh noh, yua kơ lu sư bơngai bơtho đe ră mă-lei dang bơngai măt tol. Dah bơngai măt tol chông ba bôl sư măt tol bre sư nơnăm gô huŏng tơ sơlŭng đĕch ưh kơ yua kiơ kơ bre sư ôh.”

Mathiơ 24:24

yua kơ năr noh kơnh đei lơ bơngai pơm Krist, đei lơ bơngai khan sư bơngai pơtruh nơ̆r 'Bok Kei-Dei. Lu sư kư̆m gơh pơm tơdrong mơsêh wă kơ lu bơngai mă 'Bok Kei-Dei rơih boih lui kơ lu sư pơhlŭ.

Tơdrông Tơ'bôh 19:20

Na gah sem brem mă kơnê̆ ei păng sem brem mă 'bar mă gơh pơm tơdrong hlĭch chrơp, wă kơ kon pơlei pơla lui kơ tơdrong sư pơm noh na chơ̆m đŏng yâu sem brem kơnê̆ tơ klĕng lu bơngai mă kơkuh kơ rup sư noh, gah bre sư 'Bok mă hao aseh păng lu linh Sư blah rôp tơhuŏng hloi bre sư oei arih tơ dơnâu ŭnh.