Je 27:10 - Sơ̆p Hlabơar Nơ̆r 'Bok Kei-Dei

¹⁰ Lu sư bơtho khan lê̆ adrol hơlĕnh, tơdah lu iĕm lui kơ lu sư đe chông ba lu iĕm ataih đơ̆ng teh đak iĕm, na Inh pơpuh tơlĕch lu iĕm păng lu iĕm gô lôch hiong đĭ.

Je 27:10 ပူးပေါင်းရင်းမြစ်များ

Le 22:18

Ih 'nĕ kơ lê̆ minh 'nu drŏ-kăn pơjâu arih ôh.

Je 14:14

Kră Yang khan kơ inh: “Lu bơngai khan lê̆ adrol yua anăn Inh na pơma hơlĕnh, Inh ưh kơ đei wơh lu sư ôh, kư̆m ưh kơ đei tơtă dah pơma athei lu sư mơ̆n. Lu sư khan lê̆ adrol kiơ̆ thoi lu sư chă pơm 'bôh ưh kơ tơpă, chă hlang pơpơn kư̆ kă wă pơhlŭ lu iĕm kiơ̆ kơ lu sư tơchĕng đon kơdih.”

Je 23:16

Kră Yang Tih Hloh khan: “'Nĕ pă mơ̆ng lu bơngai khan lê̆ adrol noh roi kơ iĕm. Lu sư roi ăn kơ iĕm tơdrong hơmĕng ưh kơ đei, lu sư khan lê̆ adrol kiơ̆ thoi lu sư chă đon kơdih, ưh kơ trŏ kơ đơ̆ng nơ̆r Kră Yang bơtho khan ôh.

Je 23:25

Inh đei kơtơ̆ng nơ̆r lu bơngai khan lê̆ adrol hơlĕnh yua anăn Inh khan! ‘Inh apo 'bôh, inh apo 'bôh.’

Je 27:14

Apinh iĕm 'nĕ kơ mơ̆ng hŏ dôm nơ̆r lu bơngai khan lê̆ adrol khan: ‘Lu iĕm huay kơ chu jang kơ pơtao Babilôn. Noh tơdrong hơlĕnh đĕch mă lu sư khan lê̆ adrol kơ lu iĕm.”

Je 27:15

Kră Yang khan: “Inh ưh kơ đei wơh lu sư, lu sư yua anăn Inh khan lê̆ adrol hơlĕnh. Tơdah lui kơ lu sư Inh gô pơpuh tơweh lu iĕm păng pơlôch pơđĭ lu iĕm păng lu bơngai khan lê̆ adrol noh.”

Je 27:16

Inh kư̆m khan kơ lu 'bok soi păng đĭ-đăng kon pơlei âu: “Kră Yang khan: ‘'Nĕ pă mơ̆ng nơ̆r lu bơngai khan lê̆ adrol kơ iĕm khan: Dôm lu tơmam yua lăm hnam Kră Yang ưh pă đunh boih Babilôn gô pơdrâu tơwih tơ âu! Noh lu sư khan lê̆ adrol hơlĕnh kơ lu iĕm.

Je 28:11

Đơ̆ng noh, Hanania tơbăt 'bơ̆t anăp đĭ kon pơlei: “Kră Yang khan: 'Blep lăm 'bar sơnăm Inh gô gơ̆ lê̆ 'long ăt Nebukatnessar pơtao đe Babilôn đơ̆ng ako rim kơ adrĕch adrung.’ ” Jêrêmi 'bok khan lê̆ adrol yak brŏk.

Je 28:16

Thoi noh, Kră Yang khan: 'Nâu; Inh gô ba ih weh đơ̆ng kơpal teh âu; sơnăm âu ih gô lôch; yua kơ ih đei pơma iung blah hăm Kră Yang.”

Je 32:31

“Iŏk đơ̆ng năr đe pơdơ̆ng sư sơ̆ khơ̆ dang ei pơlei tih âu tơblĕk wă kơ Inh hil, dĭng Inh mah pơrăm lê̆ sư đơ̆ng anăp Inh.

Je 8:19

Ei, mơ̆ng bĕ, lu kon pơlei Inh nhơ̆m hmoi đơ̆ng char ataih, “Kră Yang ưh pă oei lăm Siôn boih hă? Pơtao ưh pă oei lăm noh boih hă?” “Liơ lu sư pơ̆n tơblĕk Inh yua rup yang man, hăm rup yang traih ưh kơ yua đơ̆ng dêh tơmoi?”

Nhom 2:14

Lu bơngai khan lê̆ adrol iĕm 'bôh boih tơdrong hơlĕnh păng chă pơhlŭ iĕm. Lu sư ưh kơ đei tơ'bôh tơdrong yoch iĕm ôh, wă kơ lu iĕm huay kơ pơm bơnă. Tơ'bôh ăn kơ lu iĕm khan lê̆ adrol hơlĕnh păng chă pơhlŭ wă pơrăm iĕm.

Da 4:7

Dang ei lu bơngai pơm tih lu bơngai Kalđê păng lu pơjâu truh đĭ, inh roi ăn đĭ-đăng tơdrong inh apo 'bôh kơ lu sư, mă-lei lu sư ưh kơ đei bu gơh tơblang ăn kơ inh.

Sa 10:2

Yua kơ lu rup man chă pơma pơhlŭ lu pơjâu 'bôh hơlĕnh đĕch; lu sư roi tơdrong lu sư hơpo hơlĕnh, sư pơlung ngôi đĕch ưh kơ đei yua kiơ. Thoi noh na kon pơlei tơklah tơklang thoi triu, đe pơmat lu sư yua kơ ưh pă đei bơngai wei.

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

Both 18:10

Mă-lei iĕm 'nĕ kơ đei bơngai bu pơyơ̆r kon drŏ-nglo kon drŏ-kăn sư 'buh arih pơm tơmam soi, kơ yang, 'nĕ kơ pơm bơngai chă tơng lăng, bơngai mă juăt lăng sơnglŏng khan lê̆ adrol tơdrong wă truh, bơngai pơjâu tơwir,