Je 26:21 - Sơ̆p Hlabơar Nơ̆r 'Bok Kei-Dei

²¹ Pơtao Jêhôiakim, đĭ-đăng yŏng linh păng lu kră pơgơ̆r đei kơtơ̆ng nơ̆r Uri boih, pơtao wă pơlôch sư; mă-lei Uri kơtơ̆ng, hli dêh na kơdâu ôn tơ char Êyiptơ.

Je 26:21 ပူးပေါင်းရင်းမြစ်များ

I Pot 18:10

Inh pơma tơpăt 'bơ̆t anăp Kră Yang 'Bok Kei-Dei ih mă oei arih, ưh kơ đei minh pôm dêh char ayơ, minh adrĕch adrung ayơ mă yŏng inh ưh kơ đei athei lu sư chă ih; păng tơdah đe khan: Êli ưh kơ đei tơ âu, sư athei dêh char dah adrĕch adrung 'noh athei pơkă gah tơdrong khan lu sư ưh kơ 'bôh ih.

II Ho 16:10

Asa sư hil kơ bơngai khan lê̆ adrol noh dêh na rôp phak. Kơplah noh Asa kư̆m pơm kơnê̆ kơ lu kon pơlei hai.

II Ho 24:21

Lu sư hil plơ̆ kơ Sachari, kiơ̆ đơ̆ng pơtao athei klơ̆m pơlôch hăm tơmo 'bơ̆t cham Hnam Kră Yang.

Horiso 119:109

Tơdrong arih inh ngăl đei hli hơmơt, Mă-lei inh ưh kơ hiơt kơ khôi juăt Ih.

Tơdrông Pơđơk 29:25

Tơdrong hli kơ kon bơngai thoi hơđong hơ'năk; Mă-lei bơngai bu đei gơnang kơ Kră Yang oei hơđơ̆ng.

Je 26:10

Lu kră pơgơ̆r dêh Juđa kơtơ̆ng tơdrong noh, lĕch đơ̆ng hnam pơtao năm tơ hnam Kră Yang păng hơ-oei sek tơlang 'bơ̆t 'Măng Jang 'Nao hnam Kră Yang.

Je 36:26

Pơtao rai wơh Jêrahmêel kon drŏ-nglo pơtao, Sêraia kon drŏ-nglo Asriel păng Sêlemia kon drŏ-nglo Apđeel năm wă rôp chô̆ Baruk 'bok chih hla bơar păng Jêrêmi bơngai khan lê̆ adrol. Mă-lei Kră Yang ôn lê̆ bre sư.

Je 38:4

Lu yŏng pơgơ̆r khan kơ pơtao: “Pơlôch bĕ bơngai 'nâu, yua kơ sư pơma thoi noh, pơm ăn kơ đon lu linh mă oei oei lăm pơlei âu păng pơm kơ jơhngơ̆m kon pơlei rơdu. Bơngai âu ưh kơ chă trong wă pơklaih kon pơlei ôh, mă-lei chă trong wă pơrăm.”

Mathiơ 10:23

Dah đe pơm kơnê̆ kơ iĕm tơ pơlei âu, iĕm kơdâu bơtho pơlei nai dơ̆ng. Inh khan kơ iĕm tơpă, kơplah iĕm oei chă bơtho đe tam mă jơ̆p kơ dêh Isơrael, Inh Kon Bơngai jur boih.

Mathiơ 10:28

Iĕm 'nĕ hli kơ đe pơlôch akâu iĕm, mă-lei bơhngol iĕm sư ưh kơ gơh pơlôch ôh. Iĕm athei hli kơ 'Bok Kei-Dei đĕch, Sư gơh pơrăm akâu iĕm hăm bơhngol iĕm tơ dơnâu ŭnh.

Mathiơ 10:39

Bu ưh kơ chu lôch yua kơ tơdrong Inh, bơngai 'noh lôch hoh hoh đĕch, ưh kơ yua kiơ ôh. Bu chu lôch yua kơ tơdrong Inh, bơngai 'noh gô arih ling-lang.

Mathiơ 14:5

Yua kơ tơdrong noh na pơtao Hêrôt athei đe rôp tah Yôhan lăm hnam phak. Sư wă pơlôch kơplah noh hloi ră mơ̆n mă-lei sư ưh kơ pơ̆n, hli kơ lu kon pơlei pơla Juđê yua kơ lu bơngai Juđê băt kơ Yôhan bơngai pơtruh nơ̆r 'Bok Kei-Dei tơpă.

Markôs 6:19

Kơlih kơ Yôhan khan thoi noh na duch Hêrôđia hil kơ Yôhan, athei đe pơlôch sư, mă-lei ưh kơ gơh,