Je 26:20 - Sơ̆p Hlabơar Nơ̆r 'Bok Kei-Dei

²⁰ Kŭm đei minh 'nu bơngai nai dơ̆ng kư̆m yua anăn Kră Yang khan lê̆ adrol; noh Uri, kon drŏ-nglo Sêmaia đơ̆ng pơlei Kiriat Jêrim. Kŭm đei khan lê̆ adrol kơ tơdrong wă pơrăm pơlei tih păng char âu trŏ thoi nơ̆r Jêrêmi đei khan.

Je 26:20 ပူးပေါင်းရင်းမြစ်များ

I Pot 18:10

Inh pơma tơpăt 'bơ̆t anăp Kră Yang 'Bok Kei-Dei ih mă oei arih, ưh kơ đei minh pôm dêh char ayơ, minh adrĕch adrung ayơ mă yŏng inh ưh kơ đei athei lu sư chă ih; păng tơdah đe khan: Êli ưh kơ đei tơ âu, sư athei dêh char dah adrĕch adrung 'noh athei pơkă gah tơdrong khan lu sư ưh kơ 'bôh ih.

II Pot 23:37

Sư pơm tơdrong kơnê̆ 'bơ̆t anăp Kră Yang, pơm lei-lăi tôm tơdrong thoi đêl lu 'bok sư pơm boih sơ̆.

Je 2:30

“Inh đei teh bơtho boih kon sâu lu iĕm ưh kơ yua kiơ. Lu sư kư̆m ưh kơ wă chu Inh bơtho hơmet. Đao lu iĕm kơdih đei pơlôch boih lu bơngai khan lê̆ adrol iĕm thoi dăm-brang oei kăp sa.”

Je 36:19

Lu yŏng pơgơ̆r noh pơma hăm Baruk: “Ih hăm Jêrêmi năm ôn bĕ, 'nĕ ăn kơ bu băt anih măr iĕm oei.”

Jôsuê 15:60

Kariat Baal wă khan Kiriat Jearim păng Rapba; đĭ-đăng 'bar tŏ pơlei tih hăm pơlei iĕ lu sư.

Jôsuê 18:14

Đơ̆ng kơpal kông truh tơklă Bêt Hôrôn pah gơal; hơdral jur tơ gơal 'moi rok gah bơmơ̆t dĭng truh tơ'bưh kơ Kiriat Baal, wă khan Kiriat Jêrim pơlei bơngai Juđa, noh hơdral gah bơmơ̆t.

Jôsuê 9:17

Kon pơlei Isơrael yak năm năr mă pêng truh tơ pơlei lu sư, pơlei Gibeôn, Kêphira, Bêrôt păng Kiriat, Jêrim.

I Sam 6:21

Lu sư wơh bơngai năm khan kơ pơlei Kiriat Jêrim, khan lu bơngai Philistin tung ba pơdrâu boih Hom Pơgơ̆p Kră Yang, jur năm tơ âu tung iŏk kơ lu iĕm bĕ.

I Sam 7:2

Hom Pơgơ̆p Kră Yang đe ming lê̆ tơ Kiriat Jêrim đunh 'biơ̆ mơ̆n, mah 'bar-jĭt sơnăm, đĭ-đăng đe Isơrael nhơ̆m 'blŏk wih brŏk tơ Kră Yang.