Je 26:13 - Sơ̆p Hlabơar Nơ̆r 'Bok Kei-Dei

¹³ Na dang ei iĕm athei tơplih tơdrong arih iĕm păng tơdrong jang iĕm, mơ̆ng kiơ̆ bĕ nơ̆r Kră Yang 'Bok Kei-Dei lu iĕm, na Kră Yang gô tơplih đon tơdrong wă pơm kơ lu iĕm. Sư đei khan lê̆ adrol kơ lu iĕm băt.

Je 26:13 ပူးပေါင်းရင်းမြစ်များ

Le 32:14

Đơ̆ng noh Kră Yang tơplih tơdrong Sư tơchĕng wă pơm kơnê̆ lu kon pơlei pơla Sư.

Êsai 1:19

Tơdah lu iĕm wă păng chu yom Inh, Lei lu iĕm gô sa tơmam 'lơ̆ng hloh lăm teh âu.

Êsai 55:7

Lu bơngai kơnê̆ athei hŭt lê̆ tơdrong kơnê̆ sư kơdih; bơngai pơm kơnê̆ athei hŭt lê̆ dôm đon tơchĕng kơnê̆. Wih brŏk bĕ tơ Kră Yang, na Sư 'mêm mơnat, năm bĕ tơ Kră Yang 'Bok Kei-Dei lu bơ̆n yua kơ Sư ling-lang ưh kơ đei jô̆ yo tơdrong yoch bơ̆n.

Je 11:4

Inh đei tơtă boih hăm lu 'bok yă iĕm kơplah Inh chông tơlĕch lu sư đơ̆ng char Êyiptơ, lĕch đơ̆ng tơnuh kơdơ̆r đe rơ̆ mam.’ Inh khan: ‘Mơ̆ng bĕ nơ̆r Inh tơtă kơ lu iĕm păng pơm kiơ̆ bĕ dôm nơ̆r Inh đei bơtho tơtă, lei na lu iĕm jing kon pơlei pơla Inh, na Inh jing Kră Yang 'Bok Kei-Dei lu iĕm.

Je 18:11

Na dang ei, khan bĕ kơ bơngai Juđa păng kon pơlei Jêrusalem, Kră Yang khan: ‘'Nâu, Inh wă iung pơrăm lu iĕm, Inh hơmet wă pơrăm lu iĕm. Rim 'nu athei weh đơ̆ng trong kơnê̆, hơmet ming tơdrong arih sa păng tơdrong pơm kơdih!’

Je 18:8

Mă-lei tơdah adrĕch adrung mă Inh roi noh achăng lê̆ tơdrong yoch lu sư kơdih, lei Inh gô tơplih đon Inh mă wă pơrăm lu sư noh.

Je 26:19

‘Hesekia, pơtao đe Juđa păng đĭ kon pơlei Juđa wă pơlôch Mika mơ̆n hă? Ưh kơ trŏ yua kơ pơtao hli yom kơ Kră Yang, na krao apinh Kră Yang mơnat ăn; na Kră Yang tơplih đon huay kơ pơrăm lu sư thoi Kră Yang pơkă wă pơrăm lu sư. Bĕ lu bơ̆n 'nâu pă 'biơ̆ wă pŭ iŏk tơdrong pơrăm kơ lu bơ̆n kơdih.’ ”

Je 26:3

Băt lu sư gô mơ̆ng ih, na rim 'nu gô weh đơ̆ng tơdrong kơnê̆ wih tơ Inh, na Inh gô tơplih đon tơdrong Inh wă pơrăm lu sư, yua kơ tơdrong yoch kơnê̆ lu sư pơm.

Je 35:15

Inh đei lơ wơ̆t boih wơh đĭch đam Inh, lu bơngai khan lê̆ adrol năm khan kơ lu iĕm: Dang ei ăn đĭ kơ lu iĕm weh bĕ đơ̆ng yoch, tơplih bĕ tơdrong lu iĕm pơm; păng kư̆m 'nĕ kơ kiơ̆ lu yang nai, lei na lu iĕm gơh mơ̆t oei tơ lăm char mă Inh gô ăn kơ lu iĕm păng kơ 'bok lu iĕm. Mă-lei lu iĕm ưh kơ wă pơgling đon mơ̆ng kiơ̆ Inh.

Je 36:3

Mưh lu bơngai Juđa kơtơ̆ng đĭ-đăng tơdrong răm Inh wă pơm kơ lu sư, rŏ lăng lu sư gô tơbral achăng lê̆ tơdrong kơnê̆ lu sư kơdih, na Inh huay jô̆ yo tơdrong yoch kơnê̆ lu sư.”

Je 38:20

Jêrêmi khan: Đe ưh kơ pơjao ih kơ lu sư ôh. Apinh ih mơ̆ng kiơ̆ bĕ nơ̆r Kră Yang, mă inh đei roi kơ ih, wă kơ ih đei pŭn hiôk păng arih.

Je 42:10

Tơdah lu iĕm kư̆ oei tơ lăm teh đak âu, Inh gô tơiung lu iĕm ưh kơ pơrăm lu iĕm ôh, gô bơ̆ pơpôi pơtăm ưh kơ buch lê̆ ôh; Inh ưh kơ hiôk kơ tơdrong Inh pơrăm lu iĕm boih.

Êsêkiên 33:11

Khan bĕ kơ lu sư, Thoi Inh mă arih Kră Yang khan: Inh ưh kơ hiôk ôh kơ tơdrong lu bơngai yoch lôch, Inh hiôk dah sư achăng lê̆ trong tơdrong yoch sư na đei tơdrong arih; wih bĕ, wih bĕ, weh đơ̆ng trong tơdrong yoch iĕm, ơ hnam Isơrael. Yua kơ kiơ iĕm wă lôch?.

Jôel 2:14

Bu băt lê̆ adrol, rŏ lăng sư gô tơplih tơdrong tơchĕng, oei lê̆ pŭn hiôk kơ bơ̆n, wă khan ăn kơ bơ̆n oei gơh soi pơyơ̆r phe 'ba păng pơyơ̆r tơmam soi huch sa ăn kơ Kră Yang 'Bok Kei-Dei lu bơ̆n.

Jôna 3:9

Bu băt, Kră Yang 'Bok Kei-Dei gô tơplih đon tơchĕng sư, huay pă hil na bơ̆n gơh klaih đơ̆ng lôch?

Jôna 4:2

Sư krao khan kơ Kră Yang thoi âu: Ơ Kră Yang, noh hăm trŏ inh đei băt boih kơplah inh oei lăm dêh char nhôn sơ̆? Yua kơ noh na inh hăt hot kơdâu klĕnh tơ pơlei Tarisi. Yua kơ inh băt boih Ih jơ̆ Kră Yang 'Bok Kei-Dei iơ̆m dim, băt mơnat, hiơ̆ kơ hil, 'bĕnh hăm tơdrong 'mêm mơnat, ưh kơ wă pơrăm.

Both 32:36

Trŏ boih Kră Yang gô sek tơlang kơ kon pơlei Sư. 'Mêm mơnat kơ đĭch đam Sư. Kơplah Kră Yang 'bôh jơhngơ̆m lu sư gleh lap đĭ boih, ưh pă đei bu oei đĭch dah yŏng tơ'ngla lu sư.

Hêbrơ 5:9

Sư pơm dôm tơdrong tơnen 'blep thoi 'Bok Kei-Dei, na 'Bok Kei-Dei ăn kơ Sư pơm tơm gah tơdrong dŏng pơklaih dôm lu bơngai mă băt chu kơ Kon Sư, đơ̆ng tơdrong phak ăn arih ling-lang,

Lu 2:18

Kơplah Kră Yang rơih lu 'bok sek tơlang ăn kơ lu bơngai Isơrael, Sư oei hơdai hăm lu 'bok sek tơlang noh păng yua lu sư pơklaih lu bơngai Isơrael đơ̆ng ti lu bơngai mă ayăt kơ lu sư Kră Yang mơnat kơ lu sư ôr krao yua kơ ayăt lu bơngai pơm kơnê̆ pơjuă pơđep lu sư.