Je 25:4 - Sơ̆p Hlabơar Nơ̆r 'Bok Kei-Dei

⁴ Kră Yang oei gô wơh đĭch đam sư, lu bơngai khan lê̆ adrol, năm roi tơbăt ăn kơ lu iĕm, mă-lei iĕm kuă kơ mơ̆ng, kư̆m ưh kơ 'maih wă pơgling đon mơ̆ng.

Je 25:4 ပူးပေါင်းရင်းမြစ်များ

II Ho 24:19

Kră Yang wơh lu 'bok khan lê̆ adrol năm tơ lu sư, wă dui lu sư wih brŏk tơ Kră Yang; mă-lei lu sư ưh kơ wă mơ̆ng.

II Ho 33:10

Kră Yang bơtho khan kơ Manase păng kon pơlei sư; mă-lei lu sư ưh kơ wă mơ̆ng.

Je 16:12

Gah lu iĕm kư̆m yoch kơnê̆ hloh kơ lu yă 'bok lu iĕm sơ̆, yua kơ rim 'nu lu iĕm yak kiơ̆ trong jơhngơ̆m kơnê̆ păng arăng kơ̆l lu iĕm, ưh pă wă mơ̆ng nơ̆r Inh.

Je 17:23

Mă-lei, lu sư ưh kơ wă mơ̆ng; ưh kơ wă pơgling đon; arăng kơ̆l ưh kơ wă mơ̆ng păng kư̆m ưh kơ wă chu Inh bơtho.”

Je 18:12

Mă-lei lu sư oei khan: ‘Măk ai kơ nhôn. Lu nhôn oei kiơ̆ kơ đon nhôn kơdih, rim 'nu kư̆ kiơ̆ kơ jơhngơ̆m đon arăng kơnê̆ kơdih.’ ”

Je 19:15

“Kră Yang Tih Hloh, 'Bok Kei-Dei lu bơngai Isơrael khan: ‘'Nâu, Inh gô ăn tơdrong răm truh kơ pơlei 'nâu hăm lu pơlei jum dăr thoi Inh khan lê̆, yua kơ lu sư arăng kơ̆l, kuă kơ mơ̆ng nơ̆r Inh.”

Je 22:21

Inh đei bơtho khan boih kơ ih kơplah ih hiôk jơnap, mă-lei ih khan Inh ưh kơ wă mơ̆ng ôh. 'Nâu tơdrong ih đei pơm boih đơ̆ng ih oei 'lơ̆p sơ̆, ih oei ưh kơ wă mơ̆ng nơ̆r Inh.

Je 25:3

“Đơ̆ng sơnăm mă mơjĭt-pêng lăm chăl Jôsia, kon drŏ-nglo Ammôn, pơtao đe Juđa dĭng truh dang ei đei 'bar-jĭt pêng sơnăm, nơ̆r Kră Yang pơma hăm inh. Đơ̆ng năr noh, inh iung đơ̆ng hrôih ling-lang roi tơbăt kơ iĕm, mă-lei iĕm ưh kơ wă mơ̆ng.

Je 25:7

Kră Yang khan: ‘Mă-lei lu iĕm ưh kơ wă mơ̆ng nơ̆r Inh, rai tơblĕk Inh hăm tơmam đơ̆ng ti lu iĕm pơm na pŭ iŏk tơdrong pơrăm iĕm kơdih.’

Je 26:5

păng tơdah lu iĕm ưh kơ wă mơ̆ng dôm nơ̆r đơ̆ng lu đĭch đam Inh, mă lu bơngai khan lê̆ adrol, Inh ling-lang wơh lu sư năm truh tơ iĕm, mă-lei lu iĕm kư̆m kuă kơ mơ̆ng lu sư,’ ”

Je 29:19

Kră Yang khan: “Noh yua kơ lu sư kuă kơ mơ̆ng nơ̆r Inh, Inh chơ̆n oei wơh lu bơngai khan lê̆ adrol, lu đĭch đam Inh năm tơbăt ăn kơ lu sư nơ̆r Inh; mă-lei lu iĕm kư̆m kuă kơ mơ̆ng lei-lăi.

Je 32:33

Lu sư ưh kơ hue lăng Inh, tơwih kơ Inh rŏng. Mă khan Inh oei adrin bơtho lu sư, mă-lei lu sư kuă kơ mơ̆ng, kuă kơ chu kiơ̆ nơ̆r Inh bơtho khan.

Je 36:31

Inh gô phak sư, phak lu kon sâu sư păng lu yŏng pơgơ̆r yua kơ tơdrong yoch lu sư. Inh gô ăn tơdrong truh kơ lu sư, lu kon pơlei Jêrusalem păng bơngai Juđa, tơdrong phak pơrăm Inh đei khan tơbăt lê̆ kơ lu sư adrol boih, mă-lei lu sư ưh kơ wă mơ̆ng.”

Je 6:17

Inh 'măn boih lu bơngai gak wei-lăng tăp dăr kơ iĕm păng khan; ‘Pơgling đon lu iĕm mơ̆ng bĕ keng re.’ Mă-lei lu sư khan: “Lu nhôn ưh kơ wă mơ̆ng ôh.”

Sa 1:4

'Nĕ kơ pơm thoi 'bok yă lu iĕm sơ̆ thoi lu 'bok khan lê̆ adrol sơ̆ đei krao lu sư. Kră Yang Tih Hloh đei khan: ‘Dang ei weh bĕ đơ̆ng trong kơnê̆ păng đơ̆ng lu tơdrong pơm kơnê̆.’ Mă-lei lu sư ưh kơ mơ̆ng, kuă kơ mơ̆ng Inh, Kră Yang khan thoi noh.

Hêbrơ 12:25

Iĕm athei kơchăng, 'nĕ kơ sơngah kơ nơ̆r 'Bok Kei-Dei bơtho pơkă kơ iĕm. Tơ̆ng iĕm sơngah kuă kơ chu nơ̆r Sư pơma kơ iĕm, lei iĕm gô pŭ tơdrong phak thoi lu bơngai noh sơ̆ ưh kơ chu kơ nơ̆r Sư pơma kơ lu sư tơ ala teh âu, na 'Bok Kei-Dei phak lu sư. Na dang ei Sư pơma kơ bơ̆n đơ̆ng plĕnh, tơ̆ng bơ̆n sơngah kuă kơ chu kơ nơ̆r Sư, Sư wă phak lu bơ̆n tơpă.