Je 25:30 - Sơ̆p Hlabơar Nơ̆r 'Bok Kei-Dei

³⁰ “Gah ih, roi tơbăt lê̆ bĕ dôm nơ̆r wă blah lu sư âu păng khan: ‘Kră Yang gô ôr tơkĕch đơ̆ng anih tơ kơpal; đơ̆ng anih 'lơ̆ng rơgoh Sư, sư gô ôr kơtang wă pơm kơ teh Sư, ôr jreo tơkĕch thoi đe pơjuă plei hơmu, Sư blah pơm kơ đĭ-đăng kon bơngai oei kơpal teh đak âu.

Je 25:30 ပူးပေါင်းရင်းမြစ်များ

II Sam 15:25

Pơtao khan dơ̆ng kơ Sadok 'bok soi: “Tung bĕ Hom pơgơ̆p Kră Yang 'Bok Kei-Dei wơ̆t tơ lăm pơlei tih. Tơdah inh đei tơdrong mơnat 'bơ̆t anăp Kră Yang sĭt Kră Yang ba inh wih, ăn kơ inh 'bôh dơ̆ng Hom Pơgơ̆p păng anih dan sư.

I Pot 9:3

Kră Yang khan kơ sư: “Inh kơtơ̆ng bơih dôm nơ̆r ih krao khan apinh 'bơ̆t anăp Inh. Inh 'măn lê̆ pha bơih Hnam 'nâu mă ih pơm wă kơ rơgoh, wă kơ anăn Inh oei lăm noh ling-lang; măt păng jơhngơ̆m Inh gô oei tơ noh ling-lang.

II Ho 30:27

Lu 'bok soi păng lu bơngai Lêwi iung sơkat pŭn hiôk ăn kơ kon pơlei; nơ̆r sơkat nơ̆r lu sư krao khan kơtơ̆ng truh tơ anih rơgoh Kră Yang, truh tơ plĕnh na Kră Yang tơl tơwih ăn pŭn hiôk.

Horiso 11:4

Kră Yang oei tơ Anih 'lơ̆ng rơgoh Sư; Tang-dŏ Pơtao Sư tơ plĕnh ti; Măt Sư nger lăng, Gơnur măt Sư tưk lăng kơchăm tơ kon bơngai,

Horiso 132:14

“Âu boih anih Inh mă pơdơh ling-lang hlŏng hloi. Inh gô oei tơ âu, Yua kơ inh wă thoi noh.

Horiso 46:6

Kon pơlei rŭng răng, dêh char noh pơpơ̆ ying-yông. Kră Yang 'Bok Kei-Deic sơkat, teh gô lek đĭ.

Horiso 58:5

Ưh pă 'maih mơ̆ng nơ̆r bơngai pơhlŭ; Mă pơhlŭ hơlĕnh hơgei dang yơ.

Horiso 78:65

Đơ̆ng noh Kră Yang hơdơ̆r thoi iung đơ̆ng tep. Thoi bơngai nuih pran jreo tơkĕch đơ̆ng tơdrô pơm.

Êsai 16:9

Na inh nhơ̆m ơh kư̆m thoi pơlei Jaser nhơ̆m ơh kơ 'long hơmu pơlei Sipma. Ơ pơlei Hesbôn păng plei Êlêaleh, inh gô ruh kơpal iĕm hăm đak măt, yua kơ bơyan iĕm phĕ plei đei nơ̆r jreo hiôk, păng bơyan yuă iĕm pă đei bơih.

Êsai 33:3

Kơtơ̆ng re jơwa nơ̆r Ih thoi grơ̆m, lu kon pơlei kơdâu ôn đĭ; mưh Ih iung blah lu teh đak tơklah tơklang.

Êsai 42:13

Kră Yang năm tơ anăp thoi minh 'nu bơngai pran kơtang, Sư pơtrŭt jơhngơ̆m hưch hal nhen thoi linh tơblah, Sư ôr pơret re, Sư nuih tơblah hăm ayăt jei Sư.

Je 17:12

Tang-dŏ Pơtao mă đe ư-ang đei pơjing boih đơ̆ng blŭng-a, noh anih rơgoh mă lu bơ̆n kơkuh pơyom.

Je 25:38

Thoi dăm-brang sư lĕch boih đơ̆ng anih sư. Teh đak lu sư gô jing juơ, yua kơ đao gưm han tơpă pơm kơ lu sư. Păng yua kơ tơdrong Kră Yang hil mĭl.

Je 48:33

Tơdrong chơt hiôk 'nă hal đơ̆ng lăm mir chŭn ưh pă đei boih lăm char Môap. Inh pơhrơ̆ lê̆ đak sik plei hơmu đơ̆ng lăm anih đe hmĕt. Ưh pă đei bu hiĕk chơt hmĕt plei hơmu dơ̆ng: Tơdrong lu sư hiĕk chơt hiôk ưh pă đei hiôk chơt boih.

Hôsia 11:10

Sư gô grĕnh thoi dăm-brang, na lu bơngai Isơrael gô kiơ̆ rŏng Kră Yang, mưh Sư arum, na kon sâu Sư đơ̆ng gah bơmơ̆t gô truh hli tơtơ̆.

Hôsia 5:14

Inh gô jing thoi dăm-brang kơ lu bơngai Êphraim, thoi kon dăm-brang kơ bơngai Juđa. Inh boih gô kăp hek lu sư, na yak hloi tơ nai. Inh gô chông ba, ưh kơ đei bu gơh plah dŏng lu sư ôh.

Jôel 3:16

Kră Yang ôr gơhuh đơ̆ng pơlei Siôn, Sư ôr pơret thoi grơ̆m glaih đơ̆ng Jêrusalem. Tơ kơpal plĕnh tơ ala teh pơpơ̆ tơdrŏ ngăl, mă-lei Sư bơih anih kon pơlei pơla Sư kơ'nơp gơnang, jing minh kơđông kơjăp kơ lu kon sâu Isơrael.

Am 1:2

Amôs khan: Kră Yang gô krao ôr đơ̆ng Siôn. Sư gô ôr pơret nơ̆r sư đơ̆ng Jêrusalem. Dôm lu 'nhĕt 'nhot bơngai wei triu kro jô păng tơ kơ̆l Kông Karmel 'long pơgê kư̆m jô kro mơ̆n.

Am 3:8

Kơplah dăm-brang ôr grĕnh, hăm đei bu mă ưh kơ hli? Dah Kră Yang bơtho khan boih hăm đei bu ưh kơ khan lê̆ adrol?

Sa 2:13

Dôm lu kon bơngai sĕch akar ngăn bĕ 'bơ̆t anăp Kră Yang; yua kơ Sư iung hơđơ̆r boih đơ̆ng anih 'lơ̆ng rơgoh Sư.”

Both 26:15

Apơi kơ Kră Yang đơ̆ng anih 'lơ̆ng rơgoh Ih tơ kơpal plĕnh ti, nger lăng păng ăn tơdrong pŭn hiôk kơ lu bơngai Isơrael, Ih hăm teh đak mă Ih ăn boih kơ lu nhôn kư̆m thoi đei pơkă boih hăm 'bok yă lu nhôn sơ̆, wă khan dêh thoi đak toh thoi đak sut 'nâu.

Tơdrông Tơ'bôh 19:15

Minh hlak đao han đei 'bar pah măt lĕch đơ̆ng 'bơ̆r 'Bok ei wă koh chong drong tơ'lĕnh kon bơngai jơ̆p kơ dêh char, klaih kơ noh Sư gô pơgơ̆r đe hăm 'long jra mam. Lu bơngai mă ưh kơ lui, Sư gô phak thoi đe peh plei hơmu tơ lăm tơpăl tơmo wă chơpĕt iŏk đak, noh tơdrong 'Bok Kei-Dei Kră Yang Tih Hloh Sư hil kơ kon bơngai.