Je 25:26 - Sơ̆p Hlabơar Nơ̆r 'Bok Kei-Dei

²⁶ Ăn đĭ kơ pơtao gah yă-nơ̆m, oei jê̆ dah ataih, ăn kơ đĭ-đăng dêh char kơpal teh. Đơ̆ng noh ăn kơ Pơtao Sêsach kư̆m huch sik lăm kơchŏk noh.

Je 25:26 ပူးပေါင်းရင်းမြစ်များ

Êsai 51:23

Inh gô dan kơchŏk noh tơ lăm ti lu bơngai pơjuă pơđep iĕm, lu bơngai mă khan kơ iĕm: Kŭp drap bĕ kơ nhôn wă kơ nhôn rok juă kơpal. Kơdŭ rŏng iĕm pơm thoi teh, thoi trong ăn kơ đe rok juă.

Je 25:12

Kră Yang khan: “Mưh đĭ kơ tơpơh-jĭt sơnăm noh boih, Inh gô phak pơtao Babilôn păng kon bơngai lăm char noh, yua kơ tơdrong yoch lu sư. Inh gô phak char bơngai Kalđê pơm ăn kơ char noh jing juơ hlŏng hloi.

Je 25:9

'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.

Je 51:41

Sêsach đe blah iŏk boih pơlei tih mă đĭ-đăng teh đak ư-ang đe kư̆m blah iŏk boih! Babilôn jing juơ tơtŭng kơ lu dêh char, lăng krưp.

Je 51:51

Lu nhôn mơlâu dêh, yua kơ đe pơjăm pơjuă lu nhôn, tơdrong mơlâu gom 'bĕnh kơ muh măt lu nhôn. Yua kơ lu bơngai tơmoi mơ̆t boih lăm Anih 'Lơ̆ng Rơgoh Kră Yang.”

Êsêkiên 32:30

Đĭ-đăng lu yŏng char gah yă-nơ̆m, hơdai hăm đĭ-đăng lu kon pơlei Siđôn oei tơ noh, lu sư pŭ iŏk tơdrong mơlâu jur năm hơdai lu bơngai mă đe pơlôch, mă khan lu sư nuih kơtang pơm kơ đe hli tơrơ ră. Lu sư 'bĭch hơdai hăm lu bơngai ưh kơ kăt tơdra akar lu bơngai mă đe pơlôch hăm đao, lu bơngai mă pŭ tơdrong mơlâu jur tơ lăm sơlŭng jrŭ.

Habakuk 2:16

Ih gô 'bĕnh kơ tơdrong mơlâu, ưh kơ đei tơdrong ư-ang ôh, lei ih huch bĕ kơdih ih păng pơm thoi lu bơngai tam mă kăt tơdra akar. Pơnhan tơdrong hil Kră Yang chĕp lăm ti 'ma Sư gô tuh kơ ih tơdrong kơnê̆ 'mê̆-'mach gô klơ̆p lê̆ tơ tơdrong ư-ang ih.