Je 25:20 - Sơ̆p Hlabơar Nơ̆r 'Bok Kei-Dei

²⁰ Păng đĭ-đăng kơ lu tơmoi lăm char noh lu pơtao char Us, ăn kơ lu pơtao char Philistin, lăm noh đei pơlei Askalon, pơlei Gasa, Ekrôn păng lu bơngai mă oei arih lăm pơlei Asdôt.

Je 25:20 ပူးပေါင်းရင်းမြစ်များ

Bl 10:23

Kon drŏ-nglo Aram anăn Usơ, Hul, Gêther păng Mach.

Bl 22:21

kon kơdră sư anăn Us, oh drŏ-nglo sư Bus, Kêmuel ('Bă Aram),

I Ho 1:17

Kon drŏ-nglo Sem: Êlam, Asur, Apaksat, Lut păng Aram. Aram pơjing: Us, Hul, Gêther păng Mêsek.

Jop 1:1

Tơ lăm dêh char Usa đei minh 'nu bơngai drŏ-nglo anăn sư Jop, sư đei đon 'lơ̆ng tơpăt, băt hli yom kơ Kră Yang 'Bok Kei-Dei păng weh ataih đơ̆ng tơdrong kơnê̆.

Le 12:38

Kŭm đei lơ adrĕch adrung nai năm hơdai, hăm lu sư kư̆m đei chông ba lơ kon triu, rơmo păng sem dơrong.

Êsai 20:1

Lăm sơnăm Sargôn pơtao dêh Asiri wơh Tartan năm tơ pơlei Asdôt, blah păng iŏk pơlei noh.

Je 25:24

Ăn kơ lu pơtao Arâp, ăn kơ lu pơtao rim dêh char nai oei hơbĭ lăm char glă.

Je 27:3

Na, gơih nơ̆r âu ăn kơ lu pơtao char Eđôm, Môap, Ammôn, Tirơ păng pơtao char Siđôn, hơtă 'bơ̆t lu bơngai mă lu năm pơtao wơh tơ pơlei Jêrusalem tơ'bơ̆p Sêđekia, pơtao đe Juđa.

Je 50:37

Đao gưm blah plơ̆ lu aseh păng gre aseh, Păng đĭ-đăng lu linh đơ̆ng tơmoi, Pơm kơ lu sư gô jing thoi bơngai drŏ-kăn! Đao gưm blah lu hnam mong mŭk tơmam gĭt ăn kơ đe tơgar iŏk đĭ mŭk tơmam lu sư.

Nhom 4:21

Ơ kon adruh Eđôm, oei lăm teh đak Us. Hiôk chơt 'nă hal bĕ. Kơchŏk kư̆m gô jao truh tơ e, E gô huch suai oei akâu hoh.

Êsêkiên 30:5

Bơngai Êthiôpi, bơngai Put bơngai Lut, đĭ-đăng lu bơngai Arabi păng lu bơngai Libi, lu dêh char mă pơgơ̆p hăm bơngai Êyiptơ gô pơ̆k lôch kơ đơ̆ng đao.”

Lu 1:18

Bơngai Juđa kư̆m blah iŏk pơlei Gasa hăm anih teh mă sư pơgơ̆r pơlei Askalon hăm anih teh mă sư pơgơ̆r păng pơlei Ekrôn hăm anih teh mă sư pơgơ̆r.

I Sam 6:17

'Nâu pơđăm tŏ rup pơtôch pơm hăm maih bơngai Philistin pơyơ̆r ăn kơ Kră Yang pơm tơmam soi huai yoch dơ̆ng glăi. Minh pơm kơ pơlei Asdôt, minh pơm kơ pơlei Gasa, minh pơm kơ pơlei Askalon, minh pơm kơ pơlei Gat, minh pơm kơ pơlei Ekrôn.