Je 25:15 - Sơ̆p Hlabơar Nơ̆r 'Bok Kei-Dei

¹⁵ Kră Yang 'Bok Kei-Dei Isơrael khan kơ inh: “Iŏk bĕ kơchŏk 'bĕnh kơ sik Inh mĭl đơ̆ng ti Inh, pơhuch bĕ đĭ-đăng kơ adrĕch adrung mă Inh wơh ih năm tơ yơ athei huch sik noh.

Je 25:15 ပူးပေါင်းရင်းမြစ်များ

Jop 21:20

Ăn kơ măt lu sư 'bôh tơdrong pơrăm truh tơ lu sư, Ăn kơ lu sư đei huch tơdrong hil mĭl Kră Yang Tih Hloh.

Horiso 11:6

Sư gô tuh ngar ŭnh tơmo ngŭr tơ lu bơngai kơnê̆, Kial tŏ hang tuh ăn kơ lu sư.

Horiso 60:3

Ih pơm boih kơ lu kon pơlei 'bôh tơdrong pơmat. Ăn kơ lu nhôn et sik, suai wing măt.

Horiso 75:8

Lăm ti Kră Yang đei chĕp pơnhan. Tơdrô blôk yuh; Sư tuh 'bĕnh kơ tơdrô hơkăm. Đĭ-đăng lu bơngai kơnê̆ lăm teh đak gô huch tơdrô noh; păng huch pơgoh đĭ kơdroh sư.

Horiso 75:9

Gah inh wă ră roi tơdrong sư noh ling-lang Inh kư̆m gô hơri bơnê kơ Kră Yang 'Bok Kei-Dei Jakôp.

Êsai 14:26

Noh bơih tơdrong Inh tơchĕng rĕng lê̆ bơih wă pơm kơ jơ̆p-jang teh đak, 'nâu ti Inh yơ̆r kơpal wă pơm kơ teh đak.

Êsai 34:2

Yua Kră Yang hil mĭl wă pơrăm đĭ-đăng dêh char; Kră Yang hil kơ đĭ-đăng linh lu sư, gô ăn kơ lu sư lôch hiong păng pơjao lê̆ kơ đe pơlôch.

Êsai 51:17

Hơđơ̆r bĕ, hơđơ̆r bĕ! Ơ Jêrusalem iung dơ̆ng bĕ! Iĕm bơngai huch kơchŏk tơdrong hil mĭl đơ̆ng Kră Yang. Ih huch dĭng mah hrơ̆ đơ̆ng kơchŏk. Kơchŏk mă pơm kơ iĕm pơ̆k iung.

Êsai 51:22

Kră Yang 'Bok Kei-Dei mă dŏng kon pơlei Sư khan: “'Nâu Inh gô iŏk pơdrâu kơchŏk 'noh đơ̆ng lăm ti iĕm kơchŏk mă pơm kơ iĕm pơ̆k iung. Iĕm gô ưh pă đei huch dơ̆ng ôh kơchŏk mă Inh hil mĭl.

Êsai 51:23

Inh gô dan kơchŏk noh tơ lăm ti lu bơngai pơjuă pơđep iĕm, lu bơngai mă khan kơ iĕm: Kŭp drap bĕ kơ nhôn wă kơ nhôn rok juă kơpal. Kơdŭ rŏng iĕm pơm thoi teh, thoi trong ăn kơ đe rok juă.

Je 1:5

“Inh băt kơ ih adrol kơ Inh pơjing ih lăm klak mĕ ih; adrol kơ đe tơpŭ kơ ih, Inh rơih iŏk ih, Inh wă ăn kơ ih jing bơngai khan lê̆ adrol kơ jơ̆p teh đak.”

Je 36:2

“Iŏk bĕ minh sơnôm hla bơar chih bĕ lăm noh dôm tơdrong Inh đei bơtho khan kơ ih gah bơngai Juđa, Isơrael păng đĭ-đăng adrĕch adrung nai, iŏk đơ̆ng chăl Jôsia, dĭng truh kơ năr 'nâu.

Je 43:11

Pơtao noh gô năm blah iŏk dêh char Êyiptơ, gô pơlôch lu bơngai mă trŏ kơ pơlôch, rôp pơm bơnă lu bơngai mă trŏ rôp kơ pơm bơnă, lu bơngai mă trŏ wă pơlôch hăm đao gưm đe gô pơlôch hăm đao gưm.

Je 45:5

Lei na, ih oei chă tơdrong plơ̆ng dah kiơ? 'Nĕ kơ chơchă, âu Inh gô ăn tơdrong răm truh kơ đĭ kon bơngai; mă-lei ih, Inh gô ăn kơ ih arih, tơ rim anih ayơ mă ih năm, Kră Yang khan thoi noh.’

Je 46:1

'Nâu nơ̆r Kră Yang khan kơ Jêrêmi bơngai khan lê̆ adrol roi gah lu dêh char.

Je 48:26

Pơhuch bĕ kơ lu sư dĭng suai, yua kơ pôk hơtŏk lu sư kơdih wă blah Kră Yang. Môap gô tơgrŏl lăm hăk lu sư kơdih, đe gô hiĕk ăr kơ lu sư.

Je 49:12

Kră Yang khan: Tơdah lu bơngai mă ưh kơ trŏ huch pơnhan 'nâu, athei huch; lei liơ ih hăm gơh klaih đơ̆ng phak ưh? Ih ưh kơ gơh klaih ôh đơ̆ng tơdrong phak. Sĭt tơpă ih gô huch pơnhan 'nâu.”

Je 51:7

Babilôn jơ̆ minh kơchŏk maih lăm ti Kră Yang, Pơm ăn jơ̆p kơ teh đak suai; Lu dêh char huch sik hơmu Babilôn, thoi noh lu sư jing wơnh.

Êsêkiên 23:32

Kră Yang khan thoi âu: “Ih gô nhă pơnhan mŏ ih; pơnhan jrŭ păng să, ih gô jing bơngai đe hiĕk che bơle păng pơjăm yua kơ pơnhan noh mong lơ.

Êsêkiên 23:33

Ih gô suai dêh păng sơ'ngon; pơnhan mŏ ih kon pơlei Samari, jing pơnhan mă hli păng krưp dêh.

Êsêkiên 29:12

Lăm puăn-jĭt sơnăm Inh gô pơm kơ char Êyiptơ jing juơ rơhiăng lăm tŏk-bŏk lu char juơ rơhiăng păng lu pơlei sư pơchah răm tŏk-bŏk lăm pơlei mă pơchah răm Inh gô pơm kơ kon pơlei Êyiptơ tơklah tơklang tơ lăm jơ̆p kơ dêh char.

Êsêkiên 36:5

Kră Yang khan thoi âu: Lăm tơdrong Inh hil gar tơtŏ thoi ŭnh, inh wă blah lu dêh char mă oei oei păng đĭ kơ char Eđôm, lu dêh char mă đĭ jơhngơ̆m chơt hiôk pơjăm tơgar iŏk teh Inh jing tơmam sư kơdih păng tơgar iŏk lu tơmăn 'nhĕt,

Ob 1:16

Sĭt thoi ih đei huch tơdrong Inh phak tơ kông rơgoh Inh thoi yơ, na đĭ-đăng teh đak kư̆m gô huch thoi noh; sĭt, lu sư gô huch sa păng luăn hloi, huch ling-lang pă pơdơh đơ̆ng noh lu sư gô lôch hiong thoi ưh tam đei lu sư!

Habakuk 2:16

Ih gô 'bĕnh kơ tơdrong mơlâu, ưh kơ đei tơdrong ư-ang ôh, lei ih huch bĕ kơdih ih păng pơm thoi lu bơngai tam mă kăt tơdra akar. Pơnhan tơdrong hil Kră Yang chĕp lăm ti 'ma Sư gô tuh kơ ih tơdrong kơnê̆ 'mê̆-'mach gô klơ̆p lê̆ tơ tơdrong ư-ang ih.

Tơdrông Tơ'bôh 14:10

bơngai noh 'Bok Kei-Dei hil areh tơpă, dang ăn kơ sư et sik hrăp, sik noh 'Bok Kei-Dei tring tơ kơchŏk 'nhŭ tăng hơ̆-hang. Bơngai noh gô hăl hang oei tơ anih pơmat-tat tơ lăm dơnâu ŭnh tơbang 'bơ̆t anăp lu linh jang 'lơ̆ng păng Kon Triu.

Tơdrông Tơ'bôh 14:19

Thoi noh na linh jang 'lơ̆ng mă đei săng kô han noh sư hơloh năm kăt pơđĭ lu hơie plei hơmu đơ̆ng lăm war tơ ala teh noh tah tơ lăm tơpăl tơmo mă đe juăt kơ peh chơpĕt iŏk đak sư. Tơdrong 'nâu ưh kơ pơma gah plei hơmu tơpă ôh, sư pơtih gia kơ 'Bok Kei-Dei hil kơ lu bơngai ala teh ưh kơ lui, na Sư gô pơrăm lu bơngai ưh kơ lui noh thoi đe peh pơhĕch plei hơmu.