Je 25:14 - Sơ̆p Hlabơar Nơ̆r 'Bok Kei-Dei

¹⁴ ‘Mă lu sư kư̆m gô pơm đĭch kơ lu dêh char pran kơtang lu pơtao tih mơng Inh gô pơm tơwih kơ lu sư thoi lu sư đei pơm păng kiơ̆ kơ tơdrong jang đơ̆ng ti lu sư pơm.”

Je 25:14 ပူးပေါင်းရင်းမြစ်များ

Horiso 137:8

Ơ lu kon drŏ-kăn Babilôn, lu bơngai đe wă pơrăm. Pŭn hiôk dêh bu wă pơm tơwih kơ iĕm, kiơ̆ tơdrong ih pơm kơnê̆ kơ lu nhôn.

Êsai 13:4

Mơ̆ng bĕ, đei nơ̆r ơ-ôs ơ-as tơ kơpal lu kông noh, thoi đei nơ̆r kon pơlei lơlap! Mơ̆ng bĕ, đei ôr krao re đơ̆ng lu dêh char, thoi lu dêh char akŭm băl! Kră Yang Tih Hloh akŭm lu linh Sư wă năm tơblah.

Êsai 14:2

Lu kon pơlei teh đak tơmoi gô năm ba lu đe Isơrael brŏk tơ dêh lu sư kơdih; adrĕch Isơrael gô iŏk lu sư, pơm đam drŏ-nglo drŏ-kăn lăm teh đak Kră Yang. Lu sư gô rôp lu bơngai đêl rôp lu sư pơm bơnă, păng pơgơ̆r lu bơngai mă đêl pơgŏ pơđep lu sư.

Êsai 66:6

Đei re jơwa lăm pơlei tih; đei re jơwa đơ̆ng hnam akŭm noh re jơwa nơ̆r Kră Yang pơm tơwih kơ lu bơngai ayăt kơ Sư.

Je 27:7

Đĭ-đăng bơngai lăm dêh char gô chu yom kơ sư, kơ kon, kơ sâu sư dĭng truh kơ năr lu dêh char păng lu pơtao tih mơng gô rôp sư pơm đĭch.’ ”

Je 32:19

Ih đei tơdă tih, mơsêh mơyang gơh pơm tôm tơdrong. Măt Ih lăng 'bôh đĭ-đăng kơ trong kon bơngai. Ih phak apah kơ rim 'nu kiơ̆ tơdrong arih sa sư păng kiơ̆ đêl tơdrong jang lu sư pơm.

Je 50:41

'Nâu, đei minh khŭl kon pơlei truh đơ̆ng yă-nơ̆m, minh pôm dêh char tih pran kơtang. Păng đei lơ pơtao iung năm đơ̆ng tôch kơ teh.

Je 50:9

'Nâu, Inh gô tơiung lơ dêh char pơgơ̆p băl đơ̆ng gah yă-nơ̆m, lu sư gô mơ̆t blah dêh char Babilôn, Lu sư dă linh wă blah iŏk; 'brơ̆m lu sư prah thoi 'brơ̆m lu linh tơblah hơgei, ưh kơ đei brŏk hoh.”

Je 51:6

Kơdâu lĕch bĕ đơ̆ng dêh char Babilôn, rim 'nu athei kơdâu wă pơklaih tơdrong arih kơdih akâu. 'Nĕ kơ lôch răm ôh yua kơ tơdrong yoch lu sư. Yua kơ trŏ boih năr Kră Yang pơm tơwih, Sư gô pơm tơwih trŏ thoi đe noh pơm boih,

Da 5:28

Parsin wă khan: Dêh char pơtao ih gô klah asong, ăn kơ bơngai Mêdi păng bơngai Pherơsơ.

Hôsia 9:7

Năr wă phak lu sư truh boih, năr wă pơm 'mong lu sư truh boih! Ăn kơ lu bơngai Isơrael athei băt tơdrong noh. Yua kơ tơdrong yoch iĕm tih dêh, Păng tơdrong lu iĕm hil mĭl kư̆m tih dêh, Iĕm lăng lu bơngai khan lê̆ adrol thoi bơngai kơhlôh kơwao, thoi bơngai yang mơ̆t jing wơnh,