Je 25:13 - Sơ̆p Hlabơar Nơ̆r 'Bok Kei-Dei

¹³ Inh gô pơm kơ char noh thoi nơ̆r Inh đei pơma, nơ̆r mă đei chih răk boih lăm sơ̆p hla bơar âu, noh đơ̆ng nơ̆r Jêrêmi khan lê̆ adrol pơm kơ đĭ-đăng adrĕch.

Je 25:13 ပူးပေါင်းရင်းမြစ်များ

Êsai 55:11

Na kư̆m lei-lăi thoi noh, nơ̆r Inh pơma, lĕch đơ̆ng 'bơ̆r inh bơih, ưh kơ đei tôch đĕch ôh; sĭt gô pơm tơdrong Inh wă. Păng pơkeh tơdrong jang Inh wơh sư.

Je 1:10

Năr 'nâu Inh pôk ih pơm yŏng kơ đĭ kon pơlei pơla păng đĭ kơ dêh char, ih gơh buch păng hŭt lê̆, dah pơrăm păng pơlôch dah man tơiung păng pơtăm ming.

Je 1:5

“Inh băt kơ ih adrol kơ Inh pơjing ih lăm klak mĕ ih; adrol kơ đe tơpŭ kơ ih, Inh rơih iŏk ih, Inh wă ăn kơ ih jing bơngai khan lê̆ adrol kơ jơ̆p teh đak.”

Je 30:2

'Nâu Kră Yang, 'Bok Kei-Dei bơngai Isơrael khan: “Chih răk bĕ lăm sơnôm hla bơar nơ̆r Inh đei bơtho khan kơ ih boih.”

Je 36:2

“Iŏk bĕ minh sơnôm hla bơar chih bĕ lăm noh dôm tơdrong Inh đei bơtho khan kơ ih gah bơngai Juđa, Isơrael păng đĭ-đăng adrĕch adrung nai, iŏk đơ̆ng chăl Jôsia, dĭng truh kơ năr 'nâu.

Je 36:29

Kŭm roi ăn kơ Jêhôiakim pơtao đe Juđa, 'nâu Kră Yang khan: ‘Ih soh boih sơnôm hla bơar âu păng jet: Liơ ih pơ̆n chih khan pơtao Babilôn gô truh, pơrăm dêh char âu păng pơlôch kon bơngai hăm sem dơrong.’

Je 36:4

Jêrêmi krao Baruk kon drŏ-nglo Nêria, Baruk chih tơ lăm sơnôm hla bơar kiơ̆ thoi Jêrêmi roi ăn kơ sư đĭ-đăng dôm nơ̆r Kră Yang khan.

Da 5:28

Parsin wă khan: Dêh char pơtao ih gô klah asong, ăn kơ bơngai Mêdi păng bơngai Pherơsơ.

Da 5:31

Đơ̆ng noh Đarius bơngai Mêdi iŏk dêh char, kơplah âu sư dang tơdrâu-jĭt 'bar sơnăm.

Tơdrông Tơ'bôh 10:11

Na sư khan kơ inh dơ̆ng thoi âu: “Ih athei pơtruh kơ lơ dêh char, teh đak, nơ̆r pơma khŭl kon bơngai păng lu 'bok pơtao kơ tơdrong wă truh kơ lu sư.”