Je 25:10 - Sơ̆p Hlabơar Nơ̆r 'Bok Kei-Dei

¹⁰ Hloh kơ noh, Inh gô pơm ăn kơ lu sư pă đei kơtơ̆ng nơ̆r đe hơri chơt hiôk, pă đei kơtơ̆ng nơ̆r keng đe hlôm pơchơt păng pă đei nơ̆r hiĕk chhôk chă klo akăn, kư̆m pă đei kơtơ̆ng re tơpăl đe peh 'ba păng kư̆m pă đei hơdah ŭnh kơđeng.

Je 25:10 ပူးပေါင်းရင်းမြစ်များ

Esther 3:13

Đe gơih hơtă kơ linh năm ba kơ đĭ-đăng tơring lăm char pơtao Asêrus, wă pơrăm pơlôch đĭ lu adrĕch adrung Juđa mă 'lơ̆p mă 'lŏ mă kră, mă drŏ-kăn, lăm năr mơjĭt-pêng khei mơjĭt-'bar khei Adar păng wă tơgar iŏk mŭk tơmam đơ̆ng lu sư.

Esther 7:4

Yua kơ inh păng adrĕch adrung inh đe đĭ tĕch boih wă pơlôch pơrăm păng wă tơhiong lê̆. Tơdah đe tĕch nhôn wă pơm đĭch đĕch mă drŏ-nglo mă drŏ-kăn, lei rŏ inh kư̆m ngăn mơ̆n, yua kơ tơdrong pơmat-tat lu nhôn ưh kơ dang pơm rŭng răng pơhiơ̆k pơtao.

Esther 8:11

Lăm hla bơar chih noh pơtao ăn lu bơngai Juđa lăm rim pơlei gơh akŭm băl hơdai wă dŏng tơdrong arih lu sư kơdih wă pơrăm pơlôch wă pơtôch tơhiong lu linh lu pơlei dah mă lu char wă pơrăm lu sư, hăm lu kon akăn lu sư, kư̆m ăn kơ lu sư gơh blah tơgar iŏk mŭk tơmam lu đe ayăt kơ lu sư.

Êsai 47:2

Iŏk bĕ tơpăl peh pơm tơpŭng bơlah; plôh lê̆ bĕ che gom muh măt ih, plôh lê̆ ao tai 'nguaih, mă klơ̆p blu na tŏk găn đak krong.

Je 16:9

'Nâu Kră Yang Tih Hloh 'Bok Kei-Dei bơngai Isơrael khan: “'Nâu 'bơ̆t anăp măt lu iĕm, lăm chăl arih iĕm, Inh gô pơtôch lê̆ chơt hiôk lăm char âu. Kŭm ưh pă đei nơ̆r ŏng mai hiĕk chơt hiôk năr pơkong klo kăn dơ̆ng.

Je 48:33

Tơdrong chơt hiôk 'nă hal đơ̆ng lăm mir chŭn ưh pă đei boih lăm char Môap. Inh pơhrơ̆ lê̆ đak sik plei hơmu đơ̆ng lăm anih đe hmĕt. Ưh pă đei bu hiĕk chơt hmĕt plei hơmu dơ̆ng: Tơdrong lu sư hiĕk chơt hiôk ưh pă đei hiôk chơt boih.

Je 7:34

Inh gô pơtôch ưh pă đei kơtơ̆ng nơ̆r hiĕk chơt hiôk năr pơkong klo kăn, tơ lăm pơlei tih Juđa păng tơ rok trong tih pơlei Jêrusalem yua kơ lăm dêh char răm đĭ jing juơ.”

Nhom 5:15

Tơdrong chơt hiôk pă đei lăm jơhngơ̆m; Tơdrong suang pơchơt jing ơh sơ'ngon;

Êsêkiên 26:13

Inh gô pơm kơ nơ̆r hơri ih kơtĕch, đe ưh pă kơtơ̆ng re brŏ dung ih dơ̆ng.

Hôsia 2:11

Inh gô pơtôch lê̆ dôm tơdrong chơt hiôk sư, lu năr chơt hiôk tih lăm Khei 'Nao, năr pơdơh Sa'bat păng đĭ-đăng kơ năr giĕng tih lu sư.