Je 23:8 - Sơ̆p Hlabơar Nơ̆r 'Bok Kei-Dei

⁸ Mă-lei đe gô khan: Sĭt tơpă thoi Kră Yang arih, Kră Yang mă đei dŏng pơklaih adrĕch adrung bơngai Isơrael đơ̆ng gah yă-nơ̆m, păng lu char mă lu sư oei đơ̆ng Kră Yang puh lu sư sơ̆.’ Lu sư gô wih brŏk oei tơ dêh char lu sư kơdih.

Je 23:8 ပူးပေါင်းရင်းမြစ်များ

Êsai 11:11

Lăm năr noh kơnh, Kră Yang gô yơ̆r ti Sư pă minh 'măng dơ̆ng wă huai iŏk kon pơlei Sư mă oei đei đơ̆ng lăm teh đak Asiri, Êyiptơ, Patrôs, Êthiôpi, Êlam, Sinar, Hamat păng đơ̆ng lu bŏl đak dơsĭ.

Êsai 14:1

Kră Yang gô mơnat kơ Jakôp, păng oei wă rơih iŏk đe Isơrael minh wơ̆t dơ̆ng, Kră Yang gô krao tơbrŏk lu sư dơ̆ng, oei lăm teh đak lu sư kơdih, lu bơngai tơmoi teh đak nai gô oei hơdai lu sư păng pơgơ̆p hơdai hăm adrĕch Jakôp.

Je 16:14

Kră Yang khan: “Gô đei năr ưh pă đei bu pơma thoi âu dơ̆ng: ‘Tơpă thoi Kră Yang arih, Tơ'ngla mă chông anhăk kon pơlei Isơrael đơ̆ng dêh Êyiptơ,’

Je 16:15

mă-lei đe pơma khan: ‘Sĭt thoi Kră Yang arih, Tơ'ngla đei chông anhăk tơlĕch bơngai Isơrael đơ̆ng char gah yă-nơ̆m păng đơ̆ng đĭ-đăng char mă đêl Sư pơpuh tơweh lu sư,’ yua kơ Inh gô ba lu sư brŏk tơ char lu sư, char mă Inh đei ăn boih kơ 'bok yă lu sư.”

Je 23:3

“Noh Inh wă akŭm lu triu Inh mă oei arih đơ̆ng jơ̆p kơ dêh char mă Inh đei pơpuh lu sư. Inh gô chông anhăk lu sư mơ̆t tơ lăm tơmăn 'nhĕt lu sư; lu sư gô chek lar rai lơ.

Je 29:14

Kră Yang khan: “Inh gô ăn kơ lu iĕm tơ'bơ̆p Inh păng Inh gô iŏk chông anhăk pơdrâu lu iĕm brŏk đơ̆ng pơm bơnă.” Kră Yang khan: “Inh gô akŭm pơđĭ lu iĕm đơ̆ng jơ̆p kơ dêh char, đơ̆ng rim pơlei pơla mă Inh đei puh lu iĕm tơ noh păng gô iŏk anhăk lu iĕm wih brŏk tơ teh đak mă đêl Inh puh iĕm đơ̆ng noh sơ̆.”

Je 30:10

Kră Yang khan: “Ơ Jakôp, ih boih đĭch đam Inh, 'nĕ kơ hli. Ơ Isơrael, 'nĕ pă tơrơ! Inh gô dŏng pơklaih iĕm đơ̆ng dêh ataih, đơ̆ng teh đak iĕm pơm bơnă. Jakôp gô brŏk hiôk-hian, rơnŭk rơnua jang sa, ưh kơ đei hli tơrơ kơ bu dơ̆ng.”

Je 30:3

Kră Yang khan: “Gô đei năr, Inh gô chông ba kon pơlei Inh bơngai Juđa păng Isơrael wih brŏk đơ̆ng pơm bơnă. Kră Yang khan: “Inh gô ba lu sư brŏk iŏk teh đak mă Inh đei ăn boih kơ lu yă 'bok lu sư.”

Je 31:8

'Nâu, Inh gô chông lu sư brŏk đơ̆ng char gah yă-nơ̆m, Inh akŭm pơpôi lu sư đơ̆ng tôch kơ teh đak. Lăm lu sư đei bơngai măt tol, bơngai hơwen, lu drŏ-kăn oei anăp păng drŏ-kăn wă tơpŭ, minh khŭl tơpôl lơlap tơpă gô wih brŏk tơ âu.

Je 32:37

“'Nâu, Inh gô hơrui akŭm lu sư đơ̆ng jơ̆p kơ dêh char mă đơ̆ng Inh hil mĭl dêh na mă Inh pơpuh lê̆ lu sư tơ noh; Inh gô chông tơwih lu sư brŏk tơ anih 'nâu, wă kơ lu sư oei jang sa rơnŭk rơnua.

Je 8:3

Đĭ-đăng lu bơngai mă oei đei đơ̆ng adrĕch adrung bơngai kơnê̆ âu, lăm đĭ-đăng anih mă Inh đei pơpuh lê̆ boih lu sư 'maih chă lôch hloh kơ 'maih wă arih,” noh Kră Yang Tih Hloh khan.

Êsêkiên 28:25

Kră Yang khan thoi âu: “Kơplah Inh akŭm lu adrĕch Isơrael brŏk đơ̆ng lu kon pơlei mă lu sư oei tơklah tơklang, Inh gô tơ'bôh tơdrong 'lơ̆ng rơgoh Inh tơ lăm lu sư 'bơ̆t anăp lu teh đak. Na lu sư gô oei tơ lăm teh đak mă Inh ăn boih kơ đĭch đam Inh Jakôp.

Êsêkiên 34:13

Inh gô chông lu sư lĕch đơ̆ng lăm lu kon pơlei; Inh gô akŭm lu sư đơ̆ng jơ̆p kơ teh đak păng ba lu sư tơ dêh char lu sư kơdih. Inh gô wei rong lu sư tơ kông Isơrael, jê̆ thong đak păng tơ jơ̆p kơ anih mă kon pơlei oei lăm tơring.

Êsêkiên 36:24

Inh gô dui iŏk lu iĕm đơ̆ng lăm lu dêh char akŭm pơpôi lu iĕm đơ̆ng jơ̆p kơ teh đak, ba lu iĕm wih brŏk oei tơ char lu iĕm kơdih.

Êsêkiên 36:35

Đe gô pơma khan: “Anih teh lê̆ bri âu dang ei jing pơgar Êđen păng lu pơlei mă đĭ pơchah pă đei noh 'nâu đei tơiung pơdơ̆ng ming đei kon pơlei oei!”

Êsêkiên 37:25

Lu sư gô oei arih sa lăm char mă Inh ăn kơ Jakôp đĭch đam Inh char mă 'bok yă lu sư oei sơ̆. Lu sư, kon sâu lu sư, gô oei tơ noh ling-lang; đĭch đam Inh Đawit jing pơtao lu sư hlŏng hloi.

Êsêkiên 39:28

Lu sư gô băt Inh boih Kră Yang 'Bok Kei-Dei lu sư, mă khan Inh ăn lu sư jing bơnă kơ lu dêh char, mă-lei iŏk wih lu sư tơ char lu sư kơdih, ưh kơ đei lê̆ minh 'nu bơngai bu oei tơ noh.

Jôel 3:7

Dang ei Inh gô pơtrŭt lu sư iung brŏk đơ̆ng anih mă lu iĕm đei tĕch lu sư păng Inh gô pơdrâu tơwih tơdrong kơnê̆ tơ kơ̆l lu iĕm kơdih.

Mi 7:15

Inh gô pơdah ăn kơ lu sư dôm tơdrong hlĭch chrơp, kư̆m thoi lu năr mă iĕm lĕch đơ̆ng teh đak Êyiptơ.

Jêphania 3:20

Kơplah noh, Inh gô anhăk iĕm brŏk, kơplah lăm năr noh Inh akŭm pơpôi iĕm hơdai, yua kơ Inh gô ăn kơ iĕm đei đe pơư pơang păng đei đe pơyom bơnê tơ lăm rim adrĕch adrung kon bơngai kơpal teh âu, kơplah Inh tơbrŏk lu bơnă 'bơ̆t anăp lu iĕm,” Kră Yang đei khan thoi noh.