Je 23:6 - Sơ̆p Hlabơar Nơ̆r 'Bok Kei-Dei

⁶ Lăm chăl Sư pơgơ̆r khŭl bơngai Juđa gô đei dŏng pơklaih; păng bơngai Isơrael đei arih hiôk hơđơ̆ng. 'Nâu anăn đe gô krao Sư: ‘Kră Yang boih 'lơ̆ng tơpăt lu nhôn.’ ”

Je 23:6 ပူးပေါင်းရင်းမြစ်များ

I Pot 4:25

Lăm chăl pơtao Sôlômôn pơgơ̆r, bơngai Juđa păng bơngai Isơrael oei hiôk-hian, đơ̆ng pơlei Đan truh tơ pơlei Bêrsêba, rim 'nu kơ lu sư arih jang sa chơt hiôk ala tơnơm hơmu păng tơm hơra sư.

Horiso 45:5

Lu 'brơ̆m Ih suĕng păng han tơpă, prah 'bơm plei nuih lu ayăt kơ pơtao Kon pơlei gô pơ̆k tơ ala jơ̆ng Ih.

Le 9:26

Lăp pă minh tơring Gôsen đĕch anih kon pơlei Isơrael oei mă ưh kơ đei 'mi prĕl truh tơ noh.

Êsai 2:4

Kră Yang gô sek tơlang sơlam tŏk-bŏk kơ đĭ-đăng teh đak păng sek ăn kơ lơ adrĕch adrung bơngai, lu sư gô iŏk đao hơjơ̆m pơm pla 'nhik iŏk tơju hơlă lu sư pơm săng kô. Teh đak âu ưh pă đei tơblah păng teh đak to dơ̆ng bơih, ưh pă đei pơhrăm wă tơblah dơ̆ng.

Êsai 32:1

'Nâu gô đei minh 'nu pơtao pơgơ̆r 'lơ̆ng tơpăt, lu kră pơgơ̆r gô wei-lăng tơpăt hơnơ̆ng.

Êsai 32:18

Kon pơlei Inh gô pơdơh oei lăm anih hiôk-hian, lăm hnam hiôk hơđơ̆ng, lăm anih pơdơh rơnŭk rơnua.

Êsai 33:22

Tơpă, Kră Yang bơih Tơ'ngla sek tơlang lu bơ̆n, Kră Yang Tơ'ngla pơjing ăn kơ lu bơ̆n khôi juăt, Sư bơih Kră Yang pơtao lu bơ̆n, sư bơih Tơ'ngla dŏng pơklaih lu bơ̆n!

Êsai 33:5

Kră Yang đei pơyom hloh, yua kơ Sư oei tơ anih kơpal ti, Sư pơm ăn kơ Siôn 'bĕnh blai kơ tơdrong 'lơ̆ng tơpăt păng trŏ hơnơ̆ng.

Êsai 35:9

Tơ trong noh ưh kơ đei dăm-brang, ưh kơ đei minh pôm sem bri ayơ mă krưp năm rok trong noh; ưh kơ đei bu 'bôh sư tơ noh. Mă-lei lu bơngai mă huai iŏk bơih gô yak năm trong noh.

Êsai 42:6

Inh Kră Yang krao ih wă tơ'bôh tơdrong 'lơ̆ng tơpăt Inh, Inh gô rôp kơjăp ti ih păng wei-lăng ih, Inh gô jao ăn kơ ih pơm tơdrong pơgơ̆p Inh hăm kon pơlei ih tơm tơdrong hơdah ăn kơ lu teh đak.

Êsai 45:17

Mă-lei bơngai Isơrael, Kră Yang gô dŏng pơklaih. Hăm tơdrong dŏng pơklaih ling-lang ưh kơ đei layơ tôch. Lu iĕm huay pă mơlâu dah rŭng răng dơ̆ng bơih truh tơ đĭ chăl khŏm khŏm.

Êsai 54:17

Mă dôm tơmam tơblah sư pơm wă pơrăm Ih gô ưh kơ kĕ păng dôm nơ̆r lu bơngai pơma jâu ih gô glăi đĭ. Noh bơih tơdrong Inh ăn kơ lu đĭch đam Kră Yang, păng tơdrong lăng pơsĭt đơ̆ng Inh ăn, Kră Yang khan thoi noh.

Êsai 7:14

Yua kơ noh bơih Kră Yang gô tơ'bôh kơ lu iĕm tơdra: Minh 'nu adruh gô anăp tơpŭ kơ minh 'nu kon drŏ-nglo, đe anăn kon sư noh Êmanuel.

Êsai 9:6

Tơdrong Sư pơgơ̆r rai tŏk păng hiôk-hian đei hơnơ̆ng ling-lang ưh kơ đei layơ tôch, tơ anih tang-dŏ pơtao Đawit păng dêh char pơtao pơgơ̆r noh kơjăp pran, hăm tơdrong sek tơlang trŏ păng tơdrong 'lơ̆ng tơpăt đơ̆ng dang ei truh tơ ning-mônh ưh kơ đei layơ tôch, jơhngơ̆m hưch hanh Kră Yang Tih Hloh sĭt gô pơm tơdrong noh!

Je 29:11

Kră Yang khan: “Yua kơ Inh băt tơdrong kiơ Inh pơkă wă pơm kơ lu iĕm. Inh đei pơkă ăn tơdrong hiôk-hian phĭ jơnap ưh kơ trŏ tơdrong kơnê̆ răm ôh, wă kơ lu iĕm đei tơdrong gơnang hơmĕng.

Je 30:10

Kră Yang khan: “Ơ Jakôp, ih boih đĭch đam Inh, 'nĕ kơ hli. Ơ Isơrael, 'nĕ pă tơrơ! Inh gô dŏng pơklaih iĕm đơ̆ng dêh ataih, đơ̆ng teh đak iĕm pơm bơnă. Jakôp gô brŏk hiôk-hian, rơnŭk rơnua jang sa, ưh kơ đei hli tơrơ kơ bu dơ̆ng.”

Je 31:23

Kră Yang Tih Hloh 'Bok Kei-Dei bơngai Isơrael khan: “Kơplah Inh chông tơwih bơngai bơnă brŏk, lăm char Juđa păng tơ rim pơlei gô khan: ‘Ơ lu anih mă 'lơ̆ng tơpăt Kră Yang, kông rơgoh, apinh Kră Yang ăn kơ anih âu pŭn hiôk!’

Je 32:37

“'Nâu, Inh gô hơrui akŭm lu sư đơ̆ng jơ̆p kơ dêh char mă đơ̆ng Inh hil mĭl dêh na mă Inh pơpuh lê̆ lu sư tơ noh; Inh gô chông tơwih lu sư brŏk tơ anih 'nâu, wă kơ lu sư oei jang sa rơnŭk rơnua.

Je 33:15

“Lăm lu 'năr noh păng kơplah ei kơnh, Inh gô ăn đei minh pôm dơng tơpăt sĭt chăt đơ̆ng adrĕch Đawit. 'Bok noh gô pơm tơdrong tơpăt hơnơ̆ng lăm teh đak.

Je 33:16

Lăm lu năr noh; adrĕch Juđa gô đei dŏng pơklaih; Jêrusalem gô oei hiôk-hian păng gô krao anăn Kră Yang boih tơpăt hơnơ̆ng lu nhôn.’ ”

Êsêkiên 21:27

Răm đĭ, răm đĭ, Inh gô pơrăm đĭ; tơdrong âu kư̆m ưh pă truh dơ̆ng bơih, dĭng truh tơ yŏng Tơ'ngla tơpăt hơnơ̆ng truh wă sek tơlang. Inh gô pơjao ăn kơ Sư tơdrong noh.

Êsêkiên 28:26

Lu sư oei tơ noh hiôk-hian, pơm hnam pơtăm hơmu. Lu sư oei tơ noh hiôk-hian kơplah Inh sek tơlang phak lu teh đak jum dăr lu sư, lu bơngai mă areh kơ lu sư. Lu sư gô băt Inh bơih Kră Yang 'Bok Kei-Dei lu sư.

Êsêkiên 38:14

Thoi noh, ơ kon bơngai, khan lê̆ adrol bĕ păng tơbăt ăn kơ Gôk: Kră Yang khan thoi âu: Kơplah năr noh, kon pơlei Isơrael Inh oei arih sa hiôk-hian, ih ưh kơ băt ôh hă?

Êsêkiên 48:35

Pơtŏ jum dăr kơ pơlei tih đei mơjĭt-tơhngam rơbâu hơgăt. Đơ̆ng năr noh krao anăn pơlei tih âu: Kră Yang oei lăm noh.”

Da 9:24

Đei tơpơh-jĭt 'măng giĕng hơgăt kơ kon pơlei Ih hăm pơlei rơgoh tih Ih, wă găn tơdrong pơm glăi, hŭt lê̆ tơdrong yoch chhut rơgoh tơdrong kơnê̆ păng ba tơdrong tơpăt ling-lang hloi, wă pơsĭt anih tơdrong tơ'bôh păng nơ̆r khan lê̆ adrol păng tuh đak rơmă kơ Yang rơgoh hloh.

Da 9:7

Ơ Kră Yang 'Bok Kei-Dei, Ih 'lơ̆ng tơpă, gah nhôn đei tơdrong mơlâu, thoi năr âu; tơdrong noh gom lê̆ lu bơngai Juđa, kon pơlei Jêrusalem, kơ đĭ-đăng lu bơngai Isơrael oei jê̆, oei ataih, tơ lăm jơ̆p kơ teh đak mă Ih pơm ăn kơ lu sư tơklah tơklang, yua kơ tơdrong lu sư yoch hăm Ih.

Hôsia 1:11

Kon sâu Juđa păng kon sâu Isơrael gô pơgơ̆p băl; păng gô pơjing pôk minh 'nu pơm yŏng pơgơ̆r đĭ-đăng lu sư đơ̆ng noh lu sư gô rai lơ lăm teh đak noh, yua kơ năr Jêsreel noh năr tih tơpă.

Hôsia 1:7

Mă-lei Inh gô 'mêm mơnat kơ adrĕch Juđa; Inh Kră Yang 'Bok Kei-Dei lu sư gô dŏng pơklaih lu sư, Inh ưh kơ pơklaih lu sư hăm hră dah hăm đao gưm ôh; dah tơdrong tơblah, hăm aseh, dah hăm bơngai hao aseh ôh.

Hôsia 2:18

Lăm năr noh, Inh pơgơ̆p kon pơlei Inh hăm lu sem bri, lu sem păr păng lu hơdrông kơep mơmŏ kơpal teh Inh kư̆m gô gơ̆ lê̆ đĭ đao gưm, hră đơ̆ng lăm teh đak âu, pơgăn lê̆ lu tơdrong tơblah tơblŭng păng pơm ăn kơ kon pơlei tep pơdơh hiôk-hian.

Ob 1:17

Mă-lei gô đei dôm lu bơngai gơh klaih oei tơ kông Siôn, kông noh jing 'lơ̆ng rơgoh pơm anih akŭm păng hnam Jakôp gô đei yua jang sa sư kơdih.

Ob 1:21

Gô đei lu bơngai mă đei dŏng pơklaih tŏk tơ kơpal kông Siôn wă wei-lăng kông Êsâu; na teh đak noh gô jing gah Kră Yang.

Jêphania 3:13

Lu bơngai Isơrael mă oei đei lu sư ưh pă pơm kơnê̆ boih, ưh pă pơma hơlĕnh, ưh pă đei hơpiĕt hơlĕnh pơdăr lăm 'bơ̆r lu sư boih; yua kơ lu sư gô sŏng sa 'băt păng tep hiôk, ưh pă đei bu tơhli lu sư dơ̆ng.”

Sa 10:6

Inh gô ăn kơ hnam Juđa jing pran păng dŏng pơklaih hnam Jôsep. Inh chông tơwih lu sư brŏk, yua kơ 'mêm mơnat kơ lu sư, lăng lu sư thoi Inh ưh tam layơ achăng lê̆ lu sư, yua kơ Inh Kră Yang lu sư, Inh gô tơl tơwih nơ̆r lu sư krao apinh.

Sa 3:10

Kră Yang khan: “Lăm năr noh, lu iĕm gô krao pơtơm lu bôl buăl rông 'bôt hơ-oei ala tơm hơmu păng tơm 'long hơra.”

Rom 3:22

'Bok Kei-Dei jô̆ đĭ-đăng kon bơngai jing 'lơ̆ng yua kơ sư lui kơ Yêsu Krist. Yua kơ thoi noh na dang ei bơ̆n băt boih đĭ-đăng bơngai dang ăi đĕch;

I Kor 1:30

'Bok Kei-Dei ăn kơ bơ̆n oei hơdai minh jơhngơ̆m minh đon hăm Yêsu Krist. 'Bok Kei-Dei ăn kơ Kon Sư Yêsu Krist tơbăt ăn kơ bơ̆n gơh tơchĕng hơgei gah tơdrong Sư. Yua kơ đơ̆ng Yêsu Krist na 'Bok Kei-Dei huai iŏk bơ̆n đơ̆ng tơdrong yoch, Sư jô̆ bơ̆n jing bơngai tơpăt hăm Sư păng Sư ăn kơ bơ̆n jing bơngai 'lơ̆ng.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Philip 3:9

na jing pôm đon hăm Sư. Kuă boih gơnang kơ akâu inh kiơ̆ tôm tơdrong juăt; inh wă gơnang kơ Yêsu Krist đĕch, na 'Bok Kei-Dei jô̆ inh bơngai tơpăt.