Je 23:2 - Sơ̆p Hlabơar Nơ̆r 'Bok Kei-Dei

² Thoi noh na, Kră Yang, 'Bok Kei-Dei bơngai Isơrael khan kơ lu bơngai wei triu, wei-lăng kon pơlei Inh. “Lu iĕm pơm kơ triu Inh tơklah tơklang, pơpuh tơweh tơ nai ưh kơ wei rong lu sư, Kră Yang khan. 'Nâu Inh gô phak lu iĕm yua kơ tơdrong kơnê̆ iĕm pơm.”

Je 23:2 ပူးပေါင်းရင်းမြစ်များ

Le 32:34

Dang ei năm bĕ chông lu kon pơlei pơla năm tơ anih mă Inh đei khan bơih kơ ih. Âu, linh jang 'lơ̆ng Inh gô năm adrol kơ ih. Mă-lei năr ayơ Inh tơiung kơting, lei Inh gô phak lu sư yua kơ tơdrong yoch lu sư pơm bơih.

Je 10:21

Lu bơngai yŏng kơhlôh. Ưh kơ đei apinh Kră Yang ôh na lu sư răm đĭ, Na kon pơlei lu sư tơklah tơklang.

Je 11:22

Kră Yang Tih Hloh khan: “Inh gô phak lu sư, lu tơdăm gô lôch kơ đao gưm; lu adruh tơdăm kư̆m gô lôch kơ pơngot rơwĕt.

Je 13:17

Mă-lei tơdah lu iĕm kuă kơ mơ̆ng, inh gô nhơ̆m lăm to, yua kơ tơdrong lu iĕm pơang. Măt inh gô nhơ̆m ơh ol dêh, đak măt inh gô lĕch ro, yua kơ triu Kră Yang đe gô rôp pơm bơnă.

Je 13:20

Ngơk lăng bĕ; lu bơngai mă truh đơ̆ng gah yă-nơ̆m to. Khŭl triu mă Inh ăn boih kơ ih, đĭ-đăng khŭl triu mă ih pơư tơ yơ boih.

Je 13:21

Ih gô pơma liơ mưh Kră Yang ăn minh 'nu bơngai tơmoi pơm yŏng pơgơ̆r ih. Lu bơngai mă buăl juăt iĕm, lu bơngai mă lu iĕm đei bơtho pơhrăm lê̆ sơ̆? Ih ưh kơ jĭ jơhngơ̆m klơm klak thoi bơngai drŏ-kăn hơiơch?

Je 17:10

Inh boih Kră Yang, Inh lăng 'bôh lăm jơhngơ̆m, pơlong lăng jơhngơ̆m đon tơchĕng, wă pơm tơwih kơ rim 'nu kiơ̆ thoi trong lu sư arih, kiơ̆ 'blep thoi đêl tơdrong lu sư pơm.

Je 21:12

Kră Yang khan: “Ơ adrĕch Đawit, Pơm bĕ tơdrong 'lơ̆ng tơpăt hơnơ̆ng rim pơgê hrôih, Dŏng pơklaih bĕ lu bơngai đe sa pơgâm, đơ̆ng ti lu bơngai pơjuă pơđep, Kơnh hli kơ Inh hil khơ̆ng thoi ŭnh, ưh kơ đei bu kĕ pĭt, Yua kơ đơ̆ng tơdrong lu iĕm đei pơm yoch kơnê̆.”

Je 23:34

Dah 'bok soi, dah 'bok khan lê̆ adrol dah minh 'nu lăm lu kon pơlei khan: ‘'Nâu tơdrong trăp đơ̆ng Kră Yang,’ Inh gô phak bơngai noh hăm hnam dơnŏ sư hai.

Je 44:22

Kră Yang ưh kơ kĕ ĕnh boih tơdrong kơnê̆ lu iĕm, tơdrong 'mê̆ krưp lu iĕm pơm, na teh đak lu iĕm jing juơ, pŭ hơngiap, blei hiap, ưh kơ đei bu oei truh tơ năr 'nâu.

Je 5:29

Kră Yang khan: “Lei na Inh ưh kơ sek tơlang phak lu sư kơ tơdrong noh hă? Hăm kon pơlei thoi noh lei na Inh ưh kơ sek tơpăt hă?

Je 5:9

Kră Yang khan: “Lei na Inh ưh kơ hil kơ lu sư yua kơ tơdrong noh hă? Hăm adrĕch adrung thoi noh na Inh wă ưh kơ pơm tơdrong tơpăt hă?

Je 8:12

“Trŏ kơ lu sư mơlâu pơm tơdrong kơnê̆ krưp, mă-lei lu sư ưh kơ băt mơlâu, Kŭm ưh kơ băt hlơ̆l lĕm. Thoi noh na lu sư gô huŏng pơ̆k hơdai lu bơngai mă pơ̆k huŏng; truh năr wă phak lu sư gô pơ̆k răm,” noh Kră Yang khan.

Êsêkiên 34:5

Yua kơ ưh kơ đei bơngai bơwei, kon triu tơklah tơklang, lu sư tơklah tơklang jing tơmam sa lu sem bri.

Hôsia 2:13

Inh gô phak sư yua kơ lu năr mă sư soh pơyơ̆r 'long 'bâu phu kơ rup yang Baal, sư pơguăng đoh maih tơ đon 'bot kong păng dôm tơmam gĭt na năm kiơ̆ pơyô sư, na sư hiơt boih kơ Inh!” Kră Yang khan thoi noh.

Mi 7:4

Bơngai pơm 'lơ̆ng hloh lăm lu sư thoi jơla bơmrôm, lu bơngai tơpăt hloh kư̆m kơnê̆ hloh kơ dur jơla. Tơdrong lu bơngai gak ih roi năr phak ih truh boih, dang ei tơdrong hơwơ̆l hơwang lu sư truh boih.

Sa 10:3

“Tơdrong blĕk Inh iung hil kơ lu bơngai wei, Inh gô phak lu bơbe tơno; yua kơ Kră Yang Tih Hloh gô năm lăng khŭl triu Sư, wă khan hnam Juđa; păng pơjing lu sư pran thoi aseh tơblah đe ang.

Sa 11:16

Yua kơ âu, Inh gô tơiung ăn minh 'nu bơngai plơ̆ng jing bơngai wei-lăng triu kơpal teh âu. Mă-lei sư ưh kơ hiơ̆k kơ triu ôh, kư̆m ưh kơ chơchă lu triu hiong, ưh kơ wă ming lu triu rơka, ưh kơ wă rong lu triu bek jăng, mă-lei 'buh sa lu triu mă bek 'lơ̆ng noh păng hek lê̆ kơchôp lu sư.

Mathiơ 25:36

Inh ưh kơ đei hơbĕn ao, iĕm tơgŭm; Inh jĭ jăn, iĕm ngôi hơpong; đe tah Inh tơ hnam phak, iĕm kư̆m năm ngôi.’

Mathiơ 25:43

Inh bơngai tơmoi, iĕm kuă kơ sơng iŏk; Inh kơ'bah kơ hơbĕn ao, iĕm kuă kơ tơgŭm; Inh jĭ jăn păng đe tah Inh tơ hnam phak, iĕm kư̆m kuă kơ năm ngôi.’

Ya 1:27

Bơngai lui bu băt kơ năm ngôi tơ lu kon mơti, lu bơngai adro apo pơmat-tat kơ'bah kơ'bôch păng sư ưh kơ kiơ̆ thoi lu bơngai tơ ala teh ưh kơ lui, bơngai noh boih 'Bă tơm bơ̆n 'Bok Kei-Dei jô̆ sư lui kơjăp hăm pơm tơpăt.