Je 23:16 - Sơ̆p Hlabơar Nơ̆r 'Bok Kei-Dei

¹⁶ Kră Yang Tih Hloh khan: “'Nĕ pă mơ̆ng lu bơngai khan lê̆ adrol noh roi kơ iĕm. Lu sư roi ăn kơ iĕm tơdrong hơmĕng ưh kơ đei, lu sư khan lê̆ adrol kiơ̆ thoi lu sư chă đon kơdih, ưh kơ trŏ kơ đơ̆ng nơ̆r Kră Yang bơtho khan ôh.

Je 23:16 ပူးပေါင်းရင်းမြစ်များ

I Pot 22:11

Sêđekia, kon drŏ-nglo Kênaana hơjơ̆m pơm hơke păng bơsei khan: “'Nâu Kră Yang khan: ‘Hăm hơke 'nâu ih gô tơ̆m pơlôch pơrăm pơđĭ lu bơngai Aram!’ ”

II Pot 17:15

Lu sư sơngah achăng lê̆ dôm tơdrong juăt păng tơdrong Kră Yang pơgơ̆p pơkă hăm lu yă 'bok lu sư păng dôm lu nơ̆r tơbăt wă kơ lu sư kơchăng. Lu sư năm kiơ̆ lu yang ưh kơ tơpă păng jing bơngai ưh kơ yua kiơ, lu sư rok adrĕch adrung lu bơngai tăp dăr kơ lu sư, mă Kră Yang đei khă kuă ăn rok kiơ̆ lu đe noh.

II Ho 18:5

Pơtao Isơrael krao akŭm lu 'bok khan lê̆ adrol, đei puăn-hrĕng 'nu, na jet lu sư: “Lu bơ̆n hăm gơh năm blah pơlei Ramôt tơ Gileat dah ưh?” Lu sư tơl: “Năm tŏk blah bĕ; Kră Yang 'Bok Kei-Dei gô pơjao pơlei noh lăm ti ih, pơtao.”

Tơdrông Pơđơk 19:27

Ơ dăm, dah ih pơdơh pă mơ̆ng đe bơtho khan noh, Lei pơm kơ ih tơklah ataih đơ̆ng nơ̆r hlôh wao.

Je 14:14

Kră Yang khan kơ inh: “Lu bơngai khan lê̆ adrol yua anăn Inh na pơma hơlĕnh, Inh ưh kơ đei wơh lu sư ôh, kư̆m ưh kơ đei tơtă dah pơma athei lu sư mơ̆n. Lu sư khan lê̆ adrol kiơ̆ thoi lu sư chă pơm 'bôh ưh kơ tơpă, chă hlang pơpơn kư̆ kă wă pơhlŭ lu iĕm kiơ̆ kơ lu sư tơchĕng đon kơdih.”

Je 2:5

Kră Yang khan: “Yă 'bok lu iĕm đei 'bôh tơdrong kiơ mă ưh kơ tơpăt lăm Inh dĭng mah lu sư weh ataih đơ̆ng Inh Kiơ̆ lu yang kơnê̆ păng jing bơngai ưh kơ yua kiơ?

Je 23:21

Inh ưh kơ đei wơh lu bơngai khan lê̆ adrol noh, mă-lei lu sư oei năm chă roi nơ̆r Sư kơdih. Inh ưh kơ đei athei lu sư mă-lei lu sư oei khan lê̆ adrol.

Je 23:26

Tơdrong 'nâu oei đei lăm jơhngơ̆m lu bơngai khan lê̆ adrol hơlĕnh, pơma kiơ̆ kơ jơhngơ̆m đon lu sư kơdih, dĭng dang yơ?

Je 29:23

yua kơ lu sư đei pơm yoch bơlŭk kơnê̆ boih lăm lu bơngai Isơrael, pơm yoch ngôi pơyô kư̆ kă hăm akăn lu bơngai rông 'bôt sư kơdih păng pơma hơlĕnh mă Inh ưh kơ đei athei lu sư. Inh băt păng pơm kơdranh kơ tơdrong noh. Noh Kră Yang khan.

Je 29:8

Kră Yang Tih Hloh, 'Bok Kei-Dei bơngai Isơrael khan: “'Nĕ pă lê̆ lu 'bok khan lê̆ adrol păng lu pơjâu oei hơdai iĕm chă hơlĕnh kơ iĕm; păng kư̆m 'nĕ pă hlŭ mơ̆ng kiơ̆ nơ̆r lu sư apo,

Je 9:12

Bơngai bu gơh hơgei kĕ băt hlôh kơ tơdrong 'nâu? Bơngai bu mă Kră Yang pơhrăm boih wă kơ sư tơblang tơdrong 'nâu? Liơ mă dêh char pơrăm đĭ jing juơ rơhiăng thoi lăm char glă, dĭng mah pă đei bơngai bu yak rok noh?

Je 9:20

Ơ lu drŏ-kăn mơ̆ng bĕ nơ̆r Kră Yang; Pơih đon lu iĕm mơ̆ng iŏk bĕ nơ̆r đơ̆ng 'bơ̆r Sư pơma. Bơtho pơhrăm bĕ kơ lu kon drŏ-kăn iĕm tơdrong nhơ̆m hmoi, bơtho băl hmoi jô̆.

Nhom 2:9

Lu 'măng jang tơkơ̆l đĭ tơ teh păng gơ̆ lê̆ chơkăl sư; Pơtao hăm lu kră pơlei oei hơdai hăm lu kon pơlei, Jing anih ưh pă đei khôi juăt! Lu 'bok khan lê̆ adrol ưh pă đei 'bôh păng pă đei kơtơ̆ng boih nơ̆r Kră Yang.

Êsêkiên 13:16

Noh lu 'bok khan lê̆ adrol Isơrael đei khan lê̆ adrol kơ pơlei Jêrusalem 'bôh tơdrong tơ'bôh hiôk-hian, mă ưh kơ đei hiôk-hian kiơ, Kră Yang Tih Hloh đei khan thoi noh.’ ”

Êsêkiên 13:23

yua kơ tơdrong noh, lu iĕm gô ưh pă đei 'bôh tơdrong tơ'bôh hơlĕnh, păng ưh pă tơwir dơ̆ng. Inh gô pơklaih kon pơlei Inh rơngei đơ̆ng ti lu iĕm, na lu iĕm gô băt Inh boih Kră Yang.’ ”

Êsêkiên 13:3

Kră Yang Tih Hloh khan: Răm-'băm kơ lu bơngai khan lê̆ adrol kơwao kiơ̆ kơ jơhngơ̆m kơdih, ưh kơ đei 'bôh yă kiơ?

Êsêkiên 13:6

Lu sư 'bôh tơdrong tơ'bôh hơlĕnh păng pơm pơjâu tơwir ưh kơ trŏ; lu sư khan Kră Yang khan thoi âu, mă-lei Kră Yang ưh kơ đei wơh lu sư; na lu sư hơpơi wă kơ nơ̆r lu sư khan noh gô đei sĭt.

Êsêkiên 22:28

Lu 'bok khan lê̆ adrol lu sư ôn tơdrong pơm kơ đe pik kơ lu sư chŭr; 'bôh tơdrong 'bôh hơlĕnh păng hlang lăng hơlĕnh, lu sư khan: Kră Yang khan thoi noh. Mă-lei Kră Yang ưh kơ khan ôh.

Mi 2:11

Tơdah đei bơngai bu kiơ̆ tơdrong hiong răm păng pơma hơlĕnh khan: Inh gô pơma khan lê̆ adrol kơ lu iĕm gah đak sik hơmu păng đak hơmu păng đak tơdrô, bơngai noh jing trŏ bơngai khan lê̆ adrol kơ kon pơlei 'nâu!

Mathiơ 7:15

“Iĕm kơchăng kơ lu bơngai hơlĕnh khan sư bơngai pơtruh nơ̆r 'Bok Kei-Dei. Lu sư bơngai 'bơ̆r đak klak ŭnh. Bơ̆n lăng gah 'ngoaih sư hơbŏ dim thoi triu, mă-lei lăm to sư dang kŏ-so 'maih chă kăp đe.

Rom 1:21

Kon bơngai bơ̆n băt kơ đei 'Bok Kei-Dei, mă-lei kuă bơnê ư-ang kơ Sư, thoi noh kon bơngai bơ̆n tơchĕng rai ưh kơ tơpăt rai kơtul jing măng mu.

I Yo 4:1

Ơ lu 'nhŏng oh mă juăt păng inh, iĕm 'nĕ lui kơ đĭ-đăng bơngai mă khan sư đei Yang Bơhngol 'Lơ̆ng pơma hơgei. Iĕm athei jet pơlong lăng sư 'mơ̆i wă kơ băt sư đei Yang Bơhngol 'Lơ̆ng đơ̆ng 'Bok Kei-Dei, dah yang nai đĕch ăn kơ sư pơma. Kơlih kơ đei lơ bơngai jơ̆p kơ teh đak chă bơtho, sư khan sư pơtruh nơ̆r sư kơtơ̆ng đơ̆ng 'Bok Kei-Dei sơmă sư hơlĕnh đĕch.