Je 23:10 - Sơ̆p Hlabơar Nơ̆r 'Bok Kei-Dei

¹⁰ ‘Dêh char âu 'bĕnh kơ lu bơngai pơm pơyô kư̆ kă, Yua kơ đơ̆ng Kră Yang hiap pơtê̆, teh hrĕng kro, tơmăn 'nhĕt tơ char glă kro đĭ. Lu sư kơdâu kiơ̆ trong kơnê̆; yua iŏk tơdrong gơh kĕ ưh kơ trŏ.’ ”

Je 23:10 ပူးပေါင်းရင်းမြစ်များ

Esơra 10:18

Păng 'nâu lu anăn lăm 'bok soi kư̆m đei chă akăn lu bơngai tơmoi, lăm lu kon sâu Jêsua, kon drŏ-nglo Jôsađac păng 'nhŏng oh sư: Maasêya, Êliêser, Jarip păng Gêđalia.

Horiso 107:34

Teh mơ̆r 'lơ̆ng jing teh 'băt 'boh, Yua kơ đei tơdrong kơnê̆ lăm lu kon pơlei oei tơ noh.

Êsai 24:6

Thoi noh na tơdrong hiap luăn sa teh đak. Lu kon pơlei oei kơpal teh âu, đei pơmat-tat yua kơ tơdrong yoch lu sư kơdih. Yua kơ noh kon bơngai oei kơpal teh ŭnh sa bơih. Păng pă tŏ sĕt đĕch bơngai oei đei.

Êsai 5:18

Răm-'băm dêh kơ bơngai bu đui tơdrong yoch hăm tơlei hơlĕnh; păng dui ba tơdrong yoch thoi tơlei dui gre.

Je 12:11

Đe pơm kơ anih noh jing juơ rơhiăng; đe pơrăm boih sư ôr 'bơ̆t anăp Inh. Jơ̆p kơ dêh char noh jing juơ, ưh kơ đei bu wă lăng.

Je 14:2

“Char Juđa ơh sơ'ngon, lu pơlei tih sư kư̆m ơh ăk, kon pơlei nhơ̆m hmoi drap tơ teh, Kơtơ̆ng nơ̆r ôr krao đơ̆ng pơlei Jêrusalem.

Je 6:13

“Iŏk đơ̆ng bơngai kơhlôh truh tơ bơngai hơgei, tă kơ chă lơi ngăl. Đơ̆ng lu bơngai khan lê̆ adrol truh tơ lu 'bok soi kư̆m sa pơgâm.

Je 7:9

Hăm trŏ lu iĕm tơtông, pơlôch bơngai, pơm pơyô kư̆ kă, pơkă hơlĕnh, soh 'long 'bâu phu kơ yang Baal, kiơ̆ yang nai mă iĕm ưh kơ băt

Je 9:10

“Inh gô nhơ̆m hmoi kơ kông, nhơ̆m hmoi kơ tơmăn 'nhĕt lăm char glă, đe pơrăm lê̆ lu sư boih: ‘Ô dĭng mah pă đei bơngai yak găn rok noh. Tơ noh kư̆m pă đei kơtơ̆ng lu kon rơmo hmoi, Mă lu sem păr kư̆m pă kơtơ̆ng asi, lu sem bri kư̆m kơdâu đĭ tơ nai.’

Je 9:12

Bơngai bu gơh hơgei kĕ băt hlôh kơ tơdrong 'nâu? Bơngai bu mă Kră Yang pơhrăm boih wă kơ sư tơblang tơdrong 'nâu? Liơ mă dêh char pơrăm đĭ jing juơ rơhiăng thoi lăm char glă, dĭng mah pă đei bơngai bu yak rok noh?

Je 9:2

Ô! Rŏ kơ inh đei minh anih pơm anih pơdơh lăm char glă, thoi anih kơ lu bơngai tơmoi drong găn, wă kơ inh gơh weh lê̆ ataih păng achăng lê̆ kon pơlei inh; Yua kơ lu sư pơm pơyô kư̆ kă, minh khŭl bơngai hơlĕnh pơdăr.

Hôsia 7:4

Đĭ-đăng lu sư tă kơ pơm pơyô kư̆ kă ngăl. Lu sư jing thoi tơnuh ŭnh tŏ mă đe tơkuh wă 'buh 'bĕng, bơngai 'buh 'bĕng tơkuh pơgơ̆p ŭnh iŏk đơ̆ng 'nao jrâu tơpŭng bơlah dĭng truh tơ bơlah pông.

Jôel 1:10

Chŭn mir đĭ lê̆ bri, teh choh kư̆m pă lăng, yua kơ 'ba đĭ răm, sik 'nao đĭ bơih, đak rơmă đĭ pă đei.

Lêwi 5:1

Tơdah bơngai bu pơm kơdranh mă đei pơkăm pơkă bơih. Păng pơm glăi yua kơ ưh pơdah kơ đe tơdrong sư đêl 'bôh, dah đêl băt lei bơngai noh pŭ yoch sư kơdih bơih.

Jêphania 3:4

Lu 'bok khan lê̆ adrol tă kơ hơlĕnh pơdăr ngăl; 'bok soi lu sư pơm mơgrĭ kơ anih rơgoh; păng pơm pơhloh kơ tơdrong khôi juăt.

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

I Tim 1:10

lu bơngai ngôi pơyô kư̆ kă, lu bơngai tơduă drŏ-nglo tơngôi băl, lu bơngai chă rôp tĕch đe, lu bơngai chă hơlĕnh kơ đe, lu bơngai jâu pơlơ̆m kơ đe, hăm dôm lu bơngai hŭt lê̆ tơdrong 'lơ̆ng tơpăt.

Hêbrơ 13:4

Bơ̆n athei pơyom kơ tơdrong ŭnh om, 'nĕ kơ pơ'brơh pơm kư̆ kă, yua kơ 'Bok Kei-Dei wă phak tơpă dôm lu bơngai mă pơm kư̆ kă thoi noh. Mă bơngai oei adruh tơdăm kư̆m lei-lăi.

Ya 4:4

Iĕm pơm thoi noh, thoi lĕ kơ bơngai drŏ-kăn kơđang kơ̆l ako klo sư, na jing 'mêm kơ bơngai mă ayăt kơ klo sư dơ̆ng. Iĕm ưh tam băt ôh hă, dah iĕm 'mêm kơ tơdrong ala teh iĕm dang ayăt kơ 'Bok Kei-Dei? Thoi noh bơngai bu oei 'mêm kơ tơdrong ala teh, bơngai noh ayăt kơ 'Bok Kei-Dei boih.