Je 22:18 - Sơ̆p Hlabơar Nơ̆r 'Bok Kei-Dei

¹⁸ Thoi noh, 'nâu Kră Yang khan gah Jêhôiakim, kon drŏ-nglo Jôsia pơtao đe Juđa: Ưh kơ đei bu nhơ̆m hmoi kơ sư khan: Hô̆ lah 'nhŏng inh! Hô̆ lah mŏ inh! Ưh kơ đei bu nhơ̆m hmoi kơ sư khan: Hô̆ lah yŏng inh kah, hô̆ lah pơtao 'lơ̆ng rŏ inh kah!

Je 22:18 ပူးပေါင်းရင်းမြစ်များ

II Sam 1:26

Ơ Jônathan, 'nhŏng inh, jơhngơ̆m inh ơh hang nuih kơ ih thoi đe 'bet; Inh 'mêm kơeng kơ ih dêh. Tơdrong buăl juăt ba hiôk hơiă dêh Hloh kơ tơdrong hưch wă kơ bơngai drŏ-kăn.

I Pot 13:30

Sư 'bŭ atâu 'noh lăm bơsat sư kơdih, nhơ̆m hmoi kơ bơngai mă Kră Yang 'Bok Kei-Dei yua. Ơ! Mơnat oh inh.

II Pot 23:36

Kơplah Jêhôiakim tŏk pơm pơtao, sư 'bar-jĭt pơđăm sơnăm, păng sư pơgơ̆r mơjĭt-mônh sơnăm lăm Pơlei Jêrusalem. Mĕ sư anăn Sêbiđa, kon drŏ-kăn Pêđaia oei tơ Ruma.

II Pot 23:6

Sư iŏk lê̆ rup yang Asêra đơ̆ng lăm Hnam akŭm kơkuh kơ Kră Yang, chĕp ba tơ jih Pơlei Jêrusalem, truh tơ thŭng Kidrôn, soh lê̆ tơ ei dĭng rơnok đĭ, đơ̆ng noh prôi rơnok ei kơpal bơsat kon pơlei.

II Pot 24:6

Jêhôiakim lôch, tep hiôk hăm lu 'bok kơdră sư păng Jêhôiachin kon drŏ-nglo sư, pơm pơtao pơtrơp sư.

I Ho 3:15

Kon drŏ-nglo Jôsia: Kon drŏ-nglo kơdră sư Jôhanan; kon mă 'bar noh Jêhôiakim, mă pêng noh Sêđekia, kon mă puăn noh Sallum.

II Ho 35:25

Jêrêmi pơm 'bai hơri nhơ̆m hmoi kơ Jôsia; kư̆m đei lu bơngai drŏ-nglo, drŏ-kăn oei hơri pôk kơ pơtao Jôsia dĭng truh dang ei; tơdrong hơri nhơ̆m hmoi jing juăt tơ lăm lu bơngai Isơrael; 'nâu tơdrong hơri noh đe chih răk tơ lăm sơ̆p hla bơar nhơ̆m hmoi.

II Ho 36:5

Jêhôiakim 'nao 'bar-jĭt pơđăm sơnăm kơplah sư pơm pơtao; sư pơgơ̆r mơjĭt-mônh sơnăm tơ pơlei Jêrusalem păng sư pơm tơdrong kơnê̆ 'bơ̆t anăp Kră Yang 'Bok Kei-Dei sư.

Je 16:4

“Lu sư gô lôch hơbuh krưp dêh; ưh kơ đei bu hmoi ưh kơ đei bu 'bŭ lu sư, akâu bơngai lôch jing mơ̆r kơ teh. Lu sư gô lôch kơ đao gưm păng lôch kơ pơngot rơwĕt. Akâu lôch lu sư gô ăn kơ sem păr păng sem bri sa.”

Je 16:6

“Đĭ bơngai pơm tih păng bơngai hmă gô lôch lăm teh đak âu. Ưh kơ đei bu 'bŭ păng kư̆m ưh kơ đei bu nhơ̆m hmoi kơ lu sư. Ưh kơ đei bu raih akâu dah yuă sŏk yua kơ lu sư.

Je 21:11

Ih athei khan kơ anih hnam pơtao Juđa, mơ̆ng bĕ nơ̆r Kră Yang.

Je 22:10

'Nĕ hmoi kơ pơtao lôch păng kư̆m 'nĕ pă nhơ̆m hmach kơ sư, jah nhơ̆m hmoi bĕ kơ pơtao mă đe rôp pơm bơnă đơ̆ng iĕm, yua kơ sư ưh pă wih brŏk tơ iĕm dơ̆ng. Ưh pă wă 'bôh dêh char sư âu dơ̆ng.

Je 22:12

Na gô lôch hloi tơ lăm char mă đe chông ba, ưh pă 'bôh teh đak 'nâu đơ̆ng.” Roi gah Jêhôiakim

Je 34:5

Ih gô lôch lăm tơdrong hiôk-hian, đe gô soh kơ ih pơgang 'bâu phu kư̆m thoi đe soh boih kơ 'bok ih, lu pơtao adrol kơ ih; păng đe gô nhơ̆m hmoi kơ ih: Ơ yŏng inh hô̆ lah! Inh đei khan pơkă boih nơ̆r âu.” Noh Kră Yang khan.

Je 36:30

Thoi noh na 'nâu nơ̆r Kră Yang khan gah Jêhôiakim, pơtao đe Juđa: Kon sâu sư ưh kơ đei bu hơ-oei 'bơ̆t tang-dŏ pơtao Đawit; akâu atâu sư lôch đe gô klơ̆m lê̆ tơ 'nguaih sơ̆k tơtŏ kơ'năr păng lê̆ tơtŭk tơngiĕt kơmăng.