Je 22:16 - Sơ̆p Hlabơar Nơ̆r 'Bok Kei-Dei

¹⁶ Sư sek tơdrong tơpăt kơ lu bơngai dơnuh hin hăm lu bơngai pơmat-tat, na sư đei tơdrong pŭn hiôk. Hăm trŏ sư pơm thoi noh wă khan sư băt kơ Inh? Noh Kră Yang khan:

Je 22:16 ပူးပေါင်းရင်းမြစ်များ

I Ho 28:9

Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.

Horiso 109:31

Yua kơ Sư dơ̆ng gah 'ma kơ lu bơngai dơnuh hin, Wă dŏng pơklaih tơdrong arih lu sư đơ̆ng đe jâu sư.

Horiso 36:10

Apinh oei 'mêm mơnat kơ lu bơngai băt kơ Ih. Păng ăn tơdrong tơpăt Ih kơ lu bơngai đei jơhngơ̆m tơpăt.

Horiso 9:10

Bơngai bu băt anăn Ih gô gơnang kơ Ih; Yua kơ Ih ưh kơ achăng lê̆ ôh, bơngai bu chơchă Ih.

Tơdrông Pơđơk 31:9

Pơih 'bơ̆r ih ha pơma sek mă tơpăt. Tơgŭm kiơ̆ kơ trŏ lăp kơ lu bơngai dơnuh hin, hăm bơngai pơmat-tat.

Êsai 1:17

Pơhrăm iŏk bĕ tơdrong 'lơ̆ng, chă lu tơdrong tơpăt, tơiung lu bơngai đe pơjuă, dŏng tơgŭm lu bơngai mơti, pơma dŏng lu bơngai adro.

Je 5:28

Lu sư bek plên, bơbling bơblang. Lu sư pơm kơnê̆ dêh ưh kơ tôch ôh; lu sư sek tơlang ưh kơ dŏng lu kon mơti, lu sư ưh kơ sek tơpăt ôh kơ lu bơngai dơnuh hin.”

Je 9:16

Inh gô pơpuh lu sư tơklah tơklang năm tơ jơ̆p-jang kơ adrĕch adrung kon bơngai, mă lu sư dah 'bok yă lu sư tam biơh băt, Inh gô ăn kơ đe druh pơlôch lu sư hăm đao gưm, dĭng Inh pơrăm đĭ lu sư.”

Je 9:24

Mă-lei bơngai bu wă pơang, pơang bĕ kơ kơdih tơdrong 'nâu, pơang kơ tơdrong sư đei đon hơgei băt kơ Inh. Băt Inh boih Kră Yang, Tơ'ngla 'mêm mơnat ưh kơ tơplih, Tơ'ngla mă pơm tơdrong tơpăt, tơdrong trŏ lăm teh đak âu; na Inh hiôk lăm tơdrong noh,” noh Kră Yang khan.

Je 9:3

“Lu sư gŭt hơpiĕt thoi gŭt hră. Wă prah tơlĕch nơ̆r hơlĕnh pơdăr. Lu sư jing gơh pơgơ̆r lăm char đơ̆ng tơdrong hơlĕnh pơdăr. Ưh kơ trŏ tơdrong sĭt tơpă. Lu sư pơm yoch 'nâu pơm yoch plơ̆ng dơ̆ng. Păng đĭ ưh pă băt kơ Inh,” noh Kră Yang khan.

Mi 6:8

Ơ kon bơngai: Tơdrong mă Kră Yang wă kơ ih pơm 'lơ̆ng tơpăt, wă kơ đei tơdrong 'mêm mơnat păng yak năm hăm jơhngơ̆m iơ̆m dim, pơyom kơ 'Bok Kei-Dei ưh?

Yo 16:3

Lu sư gô pơm kơ iĕm thoi noh kơlih kơ lu sư ưh kơ băt kơ 'Bă Inh păng ưh kơ băt kơ Inh mơ̆n.

Yo 17:3

Lu sư đei tơdrong arih ling-lang yua kơ lu sư lui kơ Ih Kră Yang 'Bă Tơm kơpal plĕnh păng băt kơ Inh Yêsu Krist mă Ih wơh jur tơ ala teh âu.

Yo 17:6

“Inh roi tơbăt tôm tơdrong Ih kơ lu bơngai ala teh mă Ih pơjao ăn kơ Inh boih. Lu sư bơngai Ih, mă Ih pơjao ăn kơ Inh. Lu sư răk dôm nơ̆r Ih.

Yo 8:19

Lu sư jet: “'Bă Ih tơ yơ?” Yêsu khan: “Yua kơ iĕm ưh kơ băt kơ Inh, na iĕm kư̆m ưh kơ băt kơ 'Bă Inh mơ̆n. Dah iĕm băt kơ Inh lei iĕm kư̆m băt kơ 'Bă Inh mơ̆n.”

Tit 1:16

Lu bơngai bơtho hơ'mon tơdrong bơngai Juđê 'noh sư khan sư lui kơ 'Bok Kei-Dei boih mă-lei sư ưh kơ kiơ̆ tơdrong 'Bok Kei-Dei wă. Đon lu sư thoi noh, bơ̆n băt lu sư tam mă lui tơpă. 'Bok Kei-Dei ưh kơ lăp đon kơ tơdrong lu sư pơm ôh. Lu sư bơngai kơnê̆ krưp ưh kơ chu. Lu sư ưh kơ đei pơm minh tơdrong kiơ 'lơ̆ng thoi yơ.

I Sam 2:2

Ưh kơ đei bu 'lơ̆ng rơgoh thoi Kră Yang ôh, Ưh kơ đei bu nai thoi Ih; ưh kơ đei tơmo ayơ pĕng lu nhôn thoi Kră Yang 'Bok Kei-Dei.