Je 22:13 - Sơ̆p Hlabơar Nơ̆r 'Bok Kei-Dei

¹³ Răm-'băm tơpă kơ bơngai bu mă pơdơ̆ng hnam pơtao sư hăm tơdrong ưh kơ trŏ păng pơm anih tơ kơpal hăm tơdrong ưh kơ tơpăt hơnơ̆ng rôp lu bơngai rông 'bôt sư jang hoh; ưh kơ đei apah lu sư;

Je 22:13 ပူးပေါင်းရင်းမြစ်များ

II Ho 36:4

Pơtao Êyiptơ pôk Jêhôahas, oh Êliakim pơm pơtao đe Juđa tơ Jêrusalem păng krao tơplih anăn sư jing Jêhôiakim. Pơtao Nêkô rôp Êliakim 'nhŏng Jêhôahas, chông ba tơ dêh char Êyiptơ.

II Ho 36:5

Jêhôiakim 'nao 'bar-jĭt pơđăm sơnăm kơplah sư pơm pơtao; sư pơgơ̆r mơjĭt-mônh sơnăm tơ pơlei Jêrusalem păng sư pơm tơdrong kơnê̆ 'bơ̆t anăp Kră Yang 'Bok Kei-Dei sư.

Jop 31:39

Tơdah inh iŏk sa tơmam sư mă ưh kơ ăn jên, Pơm ăn kơ tơ'ngla sư lôch kơ pơngot,

Êsai 5:8

Răm-'băm dêh kơ lu iĕm bơngai mă pơm hnam thim hnam nai dơ̆ng, păng choh chŭn thim chŭn nai dơ̆ng, na jing pă đei teh 'bơ̆t yơ rơhơi dơ̆ng, păng lu iĕm jing oei adrô̆ lăm dêh char.”

Je 17:11

Bơngai mă mơdrŏng đơ̆ng ưh kơ tơpăt, lu sư thoi sem trăk-tra 'nơ̆m kơtăp sem nai, đei cheh kon ưh kơ trŏ kon sư, ưh kơ đunh tơdrong mơdrŏng sư gô hiong đĭ, na tuch-luch đe jô̆ sư kơtul bơlŭk.

Je 22:18

Thoi noh, 'nâu Kră Yang khan gah Jêhôiakim, kon drŏ-nglo Jôsia pơtao đe Juđa: Ưh kơ đei bu nhơ̆m hmoi kơ sư khan: Hô̆ lah 'nhŏng inh! Hô̆ lah mŏ inh! Ưh kơ đei bu nhơ̆m hmoi kơ sư khan: Hô̆ lah yŏng inh kah, hô̆ lah pơtao 'lơ̆ng rŏ inh kah!

Lêwi 19:13

'Nĕ kơ pơjăm pơjuă bơngai oei cheng pleh kơ ih, 'nĕ kơ tơtông tơgar tơmam lu sư. Tơmam apah bơngai jang kơ iĕm, 'nĕ kơ wei lê̆ tơ hnam iĕm truh tơnăr dơning.

Mi 3:10

Lu iĕm pơjing pơlei Siôn hăm pham păng iŏk tơdrong kơnê̆ pơjing pơlei Jêrusalem.

Habakuk 2:12

Răm-'băm tơpă kơ lu đe bu mă iŏk pham pơm pơlei păng iŏk tơdrong kơnê̆ pơjing pơlei tih!

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

Both 15:13

Kơplah ăn sư rơngei, 'nĕ kơ ăn sư brŏk tơpang ti hoh.

Ya 5:4

Lu bơngai jang kơ mir iĕm, kĕch 'ba iĕm, iĕm drơ̆ng kơ apah sư, mă iĕm ưh kơ apah, iĕm hơlĕnh pơ'brơh kơ sư, na 'bơ̆r lu sư nhơ̆m hmoi kơtơ̆ng truh tơ Kră Yang 'Bok Kei-Dei ti.