Je 21:9 - Sơ̆p Hlabơar Nơ̆r 'Bok Kei-Dei

⁹ Bơngai bu mă oei oei lăm pơlei âu sư gô lôch kơ đao gưm, lôch kơ pơngot rơwĕt, lôch kơ jĭ hơbuh, mă-lei bu kơdâu lĕch yơ̆r ti tơkan tơ bơngai Kalđê mă oei wang iĕm gô arih, kư̆m gô pơklaih akâu sư kơdih.

Je 21:9 ပူးပေါင်းရင်းမြစ်များ

Je 14:12

Mă khan lu sư ơ̆t kơ sŏng sa, Inh ưh kơ đei mơ̆ng nơ̆r lu sư krao khan ôh, mă khan lu sư pơyơ̆r tơmam soi 'buh dah tơmam soi phe 'ba, Inh ưh kơ iŏk ôh; mă-lei Inh gô pơrăm lu sư hăm đao gưm, hăm tơdrong pơngot rơwĕt păng hăm tơdrong jĭ hơpoh.”

Je 21:7

Đơ̆ng rŏng kơ noh, Kră Yang khan: Inh gô jao Sêđekia, pơtao đe Juđa păng yŏng pơgơ̆r, hăm lu, kon pơlei sư mă oei arih lăm pơlei tih âu; oei arih huay kơ lôch rŭng, đơ̆ng đao gưm, hăm klaih đơ̆ng lôch kơ pơngot rơwĕt, Inh gô jao lu sư lăm ti Nebukatnessar pơtao Babilôn, lăm ti lu bơngai ayăt chă wă 'maih pơlôch lu sư. Pơtao Babilôn gô koh lu sư hăm đao gưm, pă đei mơnat, pă 'mêm kư̆m pă lăng lu sư boih.”

Je 24:10

Inh gô ăn kơ lu sư lôch kơ đao gưm, lôch kơ pơngot rơwĕt, lôch hơbuh, pơrăm pơlôch pơgoh lu sư đơ̆ng lăm teh mă Inh đei ăn kơ lu sư păng lu 'bok yă lu sư sơ̆.”

Je 27:11

Mă-lei adrĕch bơngai ayơ chu 'băk 'long ăt pơtao Babilôn păng chu yom kơ pơtao noh, na: Inh gô ăn kơ lu sư oei kơtă lăm dêh char sư kơdih, wă kơ choh jang sa păng oei tơ noh.” Noh Kră Yang.

Je 27:12

Inh kư̆m roi ăn dôm nơ̆r noh kơ Sêđekia pơtao đe Juđa. “Mơ̆t bĕ ako ih lăm 'long ăt pơtao Babilôn, chu kơ sư păng kon pơlei sư, lei na iĕm gơh arih.

Je 27:13

Yua kơ kiơ ih păng lu kon pơlei ih lê̆ đe pơlôch iĕm hăm đao gưm, pơngot rơwĕt, lôch hơbuh thoi Kră Yang đei khan kơ dêh char ayơ mă ưh kơ wă chu kiơ̆ kơ pơtao Babilôn?

Je 38:2

“'Nâu Kră Yang khan: ‘Bơngai bu oei lăm pơlei âu gô lôch kơ đao gưm, pơngot rơwĕt dah lôch hơbuh. Mă-lei bơngai bu lĕch yơ̆r ti kơ lu bơngai Kalđê gô arih, sư gô pơklaih tơdrong arih sư.’ ”

Je 38:3

Păng 'nâu Kră Yang khan: “Pơlei tih âu gô pơjao tơ lăm ti lu linh pơtao Babilôn lu sư gô blah iŏk.”

Je 39:18

Inh gô pơklaih ih tơpă, ih huay kơ pơ̆k lôch kơ đao gưm; mă-lei ih gô arih yua kơ ih gơnang kơ Inh Kră Yang khan:”

Je 45:5

Lei na, ih oei chă tơdrong plơ̆ng dah kiơ? 'Nĕ kơ chơchă, âu Inh gô ăn tơdrong răm truh kơ đĭ kon bơngai; mă-lei ih, Inh gô ăn kơ ih arih, tơ rim anih ayơ mă ih năm, Kră Yang khan thoi noh.’

Êsêkiên 5:12

Minh lăm pêng lăm lu khŭl ih gô lôch hơbuh păng gô lôch kơ pơngot rơwĕt minh lăm pêng gô pơ̆k lôch kơ đao hơlă tăp dăr kơ ih; mă minh lăm pêng dơ̆ng Inh gô pơm kơ lu sư tơklah tơklang tơ jơ̆p-jang kơ teh păng Inh gô toh đao druh 'moi lu sư.