Je 21:13 - Sơ̆p Hlabơar Nơ̆r 'Bok Kei-Dei

¹³ Kră Yang khan: “'Nâu Inh wă blah lu iĕm, ơ pơlei tih Jêrusalem, oei kơpal tơmo tih dơnă lăm anih groi kông, lăng tơ bơngai oei lăm thŭng, Lu iĕm khan, ‘Bơngai bu gơh năm blah bơ̆n? Bơngai bu kĕ mơ̆t lăm anih kơjăp bơ̆n kơ'nơp?’ ”

Je 21:13 ပူးပေါင်းရင်းမြစ်များ

Horiso 125:2

Lu kông tăp dăr kơ Jêrusalem thoi yơ. Kră Yang wei tăp dăr kơ kon pơlei pơla Sư thoi noh mơ̆n. Đơ̆ng dang ei dĭng truh tơ ning-mônh khŏm khŏm hloi.

Le 13:20

Lu sư năm đơ̆ng Sukôt oei pơdơh pơm bơsŭn tơ Êtham tôch kơ char glă.

Le 13:8

Lăm năr noh athei roi ăn kơ kon drŏ-nglo iĕm, bơ̆n pơm tơdrong 'noh yua kơ Kră Yang pơm 'lơ̆ng kơ inh, kơplah inh lĕch đơ̆ng dêh Êyiptơ.

Êsai 22:1

Nơ̆r khan lê̆ adrol gah thŭng tơdrong tơ'bôh. Lu iĕm đei tơdrong kiơ mă đĭ-đăng lu iĕm tŏk hao bơbŭng hnam thoi noh?

Je 17:3

Ơ Kông Inha kơpal teh dơnă, Inh gô ăn kơ lu linh ayăt tơgar iŏk đĭ, Lu hu maih păng mŭk tơmam gĭt hăm anih kơjung ih, yua kơ tơdrong yoch lu iĕm đei pơm tơ jơ̆p-jang tơring.

Je 21:5

Kơdih kâu Inh gô blah lu iĕm, Inh tôi kơkŏng hiŏng ti pran kơtang hăm tơdrong ơh blĕk hil mĭl dêh.

Je 49:16

Ih pơm kơ đe hli tơrơ, tơdrong kơnê̆ ih, tơdrong ih pơang blơ̆ ih boih; ơ bơngai mă oei lăm hơgơp tơmo. Oei kơpal wĕch kông; mă khan ih pơm tơpu kơjung thoi sem klang.” Inh gô tơhuŏng ih đơ̆ng noh, Noh Kră Yang khan.

Je 50:31

Kră Yang Tih Hloh khan: “Ơ dêh char pơang, 'nâu inh hil blah ih! Năr ih truh boih, Năr jơ Inh wă phak pơmat ih truh boih.

Je 51:25

Kră Yang khan: “Ơ kông ngăl pơrăm, 'nâu Inh pơrăm ih, ih boih mă pơrăm đĭ-đăng teh đak! Inh gô yơ̆r ti pơm kơ ih, tơlơ̆ ih đơ̆ng tơmo cheng kông, pơm ăn kơ ih jing thoi kông ŭnh sa khôi ngơr.

Je 7:4

'Nĕ kơ lui gơnang kơ nơ̆r pơma hơlĕnh khan: ‘'Nâu boih hnam Kră Yang hnam Kră Yang hnam Kră Yang!’ ”

Nhom 4:12

Lu pơtao kơpal teh, đĭ kon pơlei kơpal teh đak, tă ưh kơ ngeh ngăl. Linh lu ayăt gô mơ̆t blah tơ lăm lu 'măng jang pơlei tih Jêrusalem.

Êsêkiên 13:8

Thoi noh na Kră Yang Tih Hloh khan: Yua kơ lu iĕm pơma hơlĕnh, 'bôh tơdrong ưh kơ trŏ, âu Inh blah plơ̆ lu iĕm, Kră Yang Tih Hloh khan thoi noh.

Êsêkiên 21:3

Khan bĕ kơ teh đak Isơrael: Kră Yang khan thoi âu: Âu, Inh năm wă phak lu iĕm. Inh gô toh đao Inh đơ̆ng hơnglop, pơrăm lu bơngai tơpăt păng lu bơngai kơnê̆ đơ̆ng lăm lu iĕm.

Êsêkiên 34:10

Kră Yang khan thoi âu: Inh wă blah lu bơngai wei triu. Inh gô dui iŏk triu Inh đơ̆ng ti lu sư; Inh ưh pă ăn kơ lu sư wei triu Inh dơ̆ng păng lu sư ưh pă gơh 'me rong kơdih dơ̆ng; Inh dŏng iŏk triu Inh đơ̆ng lăm 'bơ̆r lu sư, wă kơ triu Inh ưh pă pơm tơmam sa kơ lu sư dơ̆ng.

Êsêkiên 5:8

Na, Kră Yang Tih Hloh khan: “Âu, Inh kơdih akâu Inh blah ih păng Inh gô phak ih 'bơ̆t anăp lu dêh char.

Mi 3:11

Lu bơngai sek tơlang sek pơgâm, lu 'bok soi bơtho tơ'bôh yua kơ jên đe apah, bê̆ gah lu bơngai khan lê̆ adrol pơma tơ'bôh kư̆m yua kơ jên. Mă-lei lu sư pơm gơnang kơ Kră Yang na khan: Kră Yang ưh kơ oei lăm lu bơ̆n hă? Tơdrong răm huay kơ truh tơ lu bơ̆n ôh!

Na 2:13

Kră Yang khan: 'Nâu, Inh tơblah hăm ih. Inh gô soh lu gre aseh ih lăm ŭnh. Đao gưm gô luăn sa kon dăm-brang ih; Inh gô pơlôch lê̆ dôm kon sem ih châu sa đơ̆ng teh âu; păng lu bơngai ih wơh nơ̆r ih ưh pă kơtơ̆ng boih.