Je 21:12 - Sơ̆p Hlabơar Nơ̆r 'Bok Kei-Dei

¹² Kră Yang khan: “Ơ adrĕch Đawit, Pơm bĕ tơdrong 'lơ̆ng tơpăt hơnơ̆ng rim pơgê hrôih, Dŏng pơklaih bĕ lu bơngai đe sa pơgâm, đơ̆ng ti lu bơngai pơjuă pơđep, Kơnh hli kơ Inh hil khơ̆ng thoi ŭnh, ưh kơ đei bu kĕ pĭt, Yua kơ đơ̆ng tơdrong lu iĕm đei pơm yoch kơnê̆.”

Je 21:12 ပူးပေါင်းရင်းမြစ်များ

II Sam 8:15

Đawit pơm pơtao pơgơ̆r kơ đĭ-đăng dêh char Isơrael, pơgơ̆r kon pơlei sư hăm tơdrong juăt trŏ tơpăt.

Jop 29:17

Inh teh tơgơ̆ lê̆ grĕng lu bơngai pơm kơnê̆, Hek pơdŭng iŏk tơmam sa đơ̆ng hơnĕnh sư.

Horiso 101:8

Lăm rim pơgê inh gô pơlôch pơđĭ lu bơngai pơm kơnê̆ lăm tơring. Wă pơrăm lê̆ lu bơngai pơm kơnê̆, đơ̆ng pơlei Kră Yang.

Le 18:13

Truh pơgê năr đơ̆ng rŏng, Môis hơ-oei sek tơlang kơ kon pơlei; kon pơlei dơ̆ng 'bơ̆t anăp sư đơ̆ng pơgê truh tơ kơsơ̆.

Êsai 1:17

Pơhrăm iŏk bĕ tơdrong 'lơ̆ng, chă lu tơdrong tơpăt, tơiung lu bơngai đe pơjuă, dŏng tơgŭm lu bơngai mơti, pơma dŏng lu bơngai adro.

Êsai 1:31

Bơngai pran jing thoi kơđoh 'long kro, tơdrong jang sư thoi lĕ pla ŭnh, đĭ kơ bre sư ŭnh gô sa pơđĭ, ưh kơ đei bu kĕ pĭt.

Êsai 7:13

Na Êsai khan: “Ơ hnam Đawit mơ̆ng bĕ! Lu iĕm khan pơm pơơh kơ đe noh jơ̆ tơdrong iĕ đĕch, na lu iĕm kư̆m 'maih pơm kơ Kră Yang 'Bok Kei-Dei inh ơh dơ̆ng mơ̆n hă?

Êsai 7:2

Đei bơngai năm roi ăn kơ hnam Đawit khan: “Siri pơgơ̆p hăm Êphraim.” Na kơplah noh Ahas păng kon pơlei Juđa hli tơrơ hyĭng hyơ̆ng dang lĕ kial tơthu 'long lăm bri.

Je 17:4

Lu iĕm gô hiong mŭk tơmam mă đơ̆ng Inh ăn noh. Inh gô jao iĕm jang kơ lu bơngai ayăt kơ iĕm, tăm minh pôm teh đak mă lu iĕm tam lah băt; yua kơ lu iĕm pơgơ̆p ŭnh tơdrong Inh hil rai dêh, ŭnh gô sa khơ̆ng ling-lang ưh kơ păt.

Je 21:5

Kơdih kâu Inh gô blah lu iĕm, Inh tôi kơkŏng hiŏng ti pran kơtang hăm tơdrong ơh blĕk hil mĭl dêh.

Je 23:19

To kial hơbŭt đơ̆ng Kră Yang lĕch boih, tơdrong Sư hil thoi phŭt huơ̆r, huơ̆r tơ kơpal kơ̆l lu bơngai pơm kơnê̆.

Je 23:2

Thoi noh na, Kră Yang, 'Bok Kei-Dei bơngai Isơrael khan kơ lu bơngai wei triu, wei-lăng kon pơlei Inh. “Lu iĕm pơm kơ triu Inh tơklah tơklang, pơpuh tơweh tơ nai ưh kơ wei rong lu sư, Kră Yang khan. 'Nâu Inh gô phak lu iĕm yua kơ tơdrong kơnê̆ iĕm pơm.”

Je 23:5

Kră Yang khan: “Năr gô truh tơ anăp âu, Inh gô tơiung đei minh pôm dơng tơpăt chăt đơ̆ng adrĕch Đawit, Sư pơm pơtao pơgơ̆r gơh hơgei, pơm tơdrong 'lơ̆ng tơpăt hơnơ̆ng lăm teh đak.

Je 36:7

Rŏ lăng lu sư gô krao apinh Kră Yang păng tơbral păng weh đơ̆ng trong pơm kơnê̆ yua kơ tơdrong hil Kră Yang wă pơm kơ kon pơlei 'nâu tih dêh tơpă.”

Je 4:4

Kăt tơdra akar iĕm bĕ 'bơ̆t anăp Kră Yang, ơ kon drŏ-nglo Juđa păng kon pơlei Jêrusalem, Kăt bĕ akar jơhngơ̆m iĕm. Kơnh hli kơ tơdrong Inh hil iung thoi ŭnh sa, ưh kơ đei bu kĕ pĭt, yua kơ tơdrong yoch lu iĕm pơm boih.”

Je 44:22

Kră Yang ưh kơ kĕ ĕnh boih tơdrong kơnê̆ lu iĕm, tơdrong 'mê̆ krưp lu iĕm pơm, na teh đak lu iĕm jing juơ, pŭ hơngiap, blei hiap, ưh kơ đei bu oei truh tơ năr 'nâu.

Je 5:14

Yua kơ thoi noh Kră Yang 'Bok Kei-Dei Tih Hloh khan: “Yua kơ lu sư pơma tơdrong noh, 'Nâu, Inh gô tah nơ̆r pơma Inh tơ lăm 'bơ̆r thoi ŭnh, kon pơlei âu thoi 'long ŭnh na ŭnh gô sa lu sư.”

Je 5:28

Lu sư bek plên, bơbling bơblang. Lu sư pơm kơnê̆ dêh ưh kơ tôch ôh; lu sư sek tơlang ưh kơ dŏng lu kon mơti, lu sư ưh kơ sek tơpăt ôh kơ lu bơngai dơnuh hin.”

Je 7:20

Yua kơ thoi noh Kră Yang khan: “'Nâu Inh gô tuh tơdrong Inh hil tơ lăm dêh char âu, tơ lu kon bơngai tơ lu sem dơrong tơ lu 'long plei lăm mir păng plei yua đơ̆ng teh. Tơdrong Inh hil gô soh pơđĭ, ŭnh gô sa ưh kơ đei păt.”

Je 7:5

Tơdah lu iĕm tơplih ming trong arih păng tơdrong jang lu iĕm tơpă, tơdah lu iĕm pơm 'lơ̆ng tơpăt tơduă lu iĕm mă tơpă.

Nhom 4:11

Kră Yang đei pơm keh boih tơdrong Sư hil, tuh tơdrong blĕk sư; Kră Yang đei soh pơlei Siôn, ŭnh sa pơrăm đĭ lu hơnă sư.

Êsêkiên 22:31

Na Inh tuh tơdrong hil mĭl tơ lu sư păng iŏk ŭnh Inh hil soh pơrăm lu sư; Inh gô pơm tơwih tuh tơ kơ̆l lu sư, kiơ̆ kơ trong lu sư pơm. Kră Yang khan thoi noh.

Lêwi 26:28

na Inh gô hil mĭl kơ iĕm tơpă hăm tơdrong kơtang păng yua kơ tơdrong yoch lu iĕm pơm, na Inh gô bơtho pơjĭ iĕm, hloh kơ tơdrong yoch iĕm tơpơh wơ̆t.

Na 1:6

Bơngai bu kĕ dơ̆ng 'bơ̆t anăp Sư hil? Bu kĕ chơ̆n jơhngơ̆m kơ tơdrong Sư hil mĭl? Tơdrong blĕk Sư tuh thoi pla ŭnh, lu tơmo tih pơchah yua kơ đơ̆ng Sư.

Jêphania 1:18

Mă hu dah maih lu sư kư̆m ưh kơ gơh pơklaih lu sư đơ̆ng tơdrong Kră Yang hil mĭl; đĭ-đăng kơ teh gô răm đĭ lăm ŭnh mă Kră Yang hil mĭl, yua kơ Sư pơlôch pơđĭ kon bơngai kơpal teh âu ưh kơ tam kơ băt.”

Jêphania 3:5

Kră Yang oei tŏk-bŏk sư jơ̆ tơdrong tơpăt, ưh kơ đei pơm kơnê̆, rim pơgê sư pơdah tơdrong tơpăt Sư, tơ hơdah ưh kơ đei layơ ưh. Mă-lei lu bơngai kơnê̆ ưh kơ băt mơlâu.

Luka 1:69

Sư ăn kơ bơ̆n minh 'nu 'Bok Dŏng Pơklaih mă đei tôm tơdrong mơsêh mơyang. 'Bok 'noh Kon Sâu Đawit mă đĭch đam 'Bok Kei-Dei.

Rom 13:4

Lu bơngai pơgơ̆r noh lu sư dang jang tơdrong 'Bok Kei-Dei, wă kơ kon bơngai arih hiôk-hian. 'Noh na tơ̆ng bơ̆n pơm kơnê̆, bơ̆n hli kơ lu sư. Lu bơngai pơgơ̆r chĕp tak đao, lu sư trŏ tơdrong gơh chĕp. Yua kơ lu sư jang tơdrong 'Bok Kei-Dei, lu sư gơh rôp phak lu bơngai pơm kơnê̆ mă 'Bok Kei-Dei ưh kơ lăp đon.

Both 32:22

Inh hil thoi ŭnh sa khơ̆ng blông blông. Sa hloi tôch tơ kơđĕl hơnă pơlei lôch, ŭnh sa đĭ teh păng plei sa, sa kông pơđĭ truh tơ hơnă.