Je 20:5 - Sơ̆p Hlabơar Nơ̆r 'Bok Kei-Dei

⁵ Inh kư̆m gô jao dôm lu mŭk tơmam pơlei âu, mŭk tơmam đơ̆ng lu sư chă jang sa, tơmam gĭt mă đei dang ei, tơpă, Inh gô jao ăn dôm lu hu maih pơtao Juđa lăm ti lu bơngai ayăt, gô tơgar iŏk na chĕp ba tơ Babilôn.

Je 20:5 ပူးပေါင်းရင်းမြစ်များ

II Ho 36:10

Truh lăm bơyan puih, pơtao Nebukatnessar wơh đe năm rôp chông ba sư tơ dêh char Babilôn, kư̆m iŏk dôm tơmam 'lơ̆ng gĭt đơ̆ng lăm Hnam Kră Yang, na pôk Sêdêkia ma sư pơm pơtao pơgơ̆r dêh char Juđa păng pơlei Jêrusalem.

Êsai 39:6

Âu, năr gô truh, dôm tơmam lăm anih hnam pơtao ih, dôm tơmam mă 'bok ih 'măn lê̆ lăm hnam đơ̆ng sơ̆ truh năr 'nâu, gô chĕp ba pơđĭ tơ dêh char Babilôn, ưh pă đei lê̆ minh pôm tơmam kiơ dơ̆ng, Kră Yang khan thoi noh.

Je 12:12

Lu bơngai wă pơrăm truh boih, tơ jơ̆p-jang kơ groi grôn kơjung tơ lăm tơmăn glă; yua kơ đao gưm Kră Yang oei pơrăm teh đơ̆ng teh âu dĭng tơ to; Ưh kơ đei kon bơngai dah Sem brem kiơ mă oei hiôk hơđơ̆ng.

Je 15:13

Yua kơ đĭ-đăng tơdrong yoch lu iĕm pơm boih tơ jơ̆p-jang kơ dêh char, na Inh gô jao kơ đe plah tơgar iŏk đĭ-đăng mŭk tơmam iĕm, ưh kơ đei bu 'mong kơ iĕm yă kiơ.

Je 17:3

Ơ Kông Inha kơpal teh dơnă, Inh gô ăn kơ lu linh ayăt tơgar iŏk đĭ, Lu hu maih păng mŭk tơmam gĭt hăm anih kơjung ih, yua kơ tơdrong yoch lu iĕm đei pơm tơ jơ̆p-jang tơring.

Je 3:24

Đơ̆ng lu nhôn oei 'lơ̆p, tơdrong mơlâu sa pơrăm lê̆ đĭ, dôm tơdrong jang đei đơ̆ng 'bok yă lu nhôn, lu triu, rơmo, kon drŏ-nglo, kon drŏ-kăn lu sư.

Je 32:24

To lu linh Kalđê wang blah pơlei; lu sư oei bơ̆ teh wă tŏk blah iŏk pơlei. Pơlei âu gô huŏng lăm ti lu sư, kơplah oei tơblah, đei tơdrong pơngot rơwĕt, tơdrong jĭ apoh. Tơdrong Ih khan truh boih, 'nâu âu, Ih 'bôh boih.

Je 39:2

Lăm năr tơsĭn khei puăn sơnăm mơjĭt-mônh chăl Sêđekia pơgơ̆r dur pơchah tơblŭt.

Je 39:8

Bơngai Kalđê iŏk ŭnh soh hnam pơtao, đĭ hnam kon pơlei păng teh pơchah lê̆ dur pơlei Jêrusalem.

Je 4:20

Tơdrong đe pơrăm, truh pơrăm rai dêh, Jơ̆p kơ char pơrăm đĭ boih 'biao pă tam băt bơsŭn inh anih inh răm đĭ.

Nhom 1:10

Lu bơngai ayăt yơ̆r ti boih wă iŏk dôm tơmam 'lơ̆ng sư; Yua kơ lu sư 'bôh boih lu kon pơlei tơmoi năm mơ̆t lăm anih rơgoh sư. Lu kon pơlei tơmoi noh Kră Yang đei khan: Ưh kơ gơh kơ mơ̆t ôh lăm khŭl sư;

Nhom 1:7

Lăm năr pơmat-tat, Jêrusalem 'blŏk kơ đêl sư chơt hiôk; Kơplah kon pơlei sư huŏng lăm ti lu ayăt ưh pă đei bu năm dŏng sư dơ̆ng. Khŭl linh ayăt 'bôh sư thoi noh, na hiĕk ăr kơ sư yua kơ đĭ juơ juŏ!

Nhom 4:12

Lu pơtao kơpal teh, đĭ kon pơlei kơpal teh đak, tă ưh kơ ngeh ngăl. Linh lu ayăt gô mơ̆t blah tơ lăm lu 'măng jang pơlei tih Jêrusalem.

Êsêkiên 22:25

Lu 'bok khan lê̆ adrol lăm lu iĕm đei pơgơ̆p băl nhen thoi dăm-brang grĕnh hơrum sa tơmam đêl lu sư rôp. Lu sư châu sa bơngai, tơtông iŏk lu mŭk tơmam gĭt, pơm kơ lơ bơngai drŏ-kăn jing adro po lăm pơlei.

Da 1:2

Kră Yang 'Bok Kei-Dei jao Jêhôiakim, pơtao đe Juđa păng đei tơmam đơ̆ng hnam Kră Yang 'Bok Kei-Dei lăm ti Nebukatnessar. Sư anhăk ba tơmam noh brŏk tơ dêh Babilôn, tơmơ̆t lăm rông yang sư păng 'măn lê̆ tơ lăm hnam mong tơmam ăn kơ yang sư kơdih.

Hôsia 13:15

Mă khan Êphraim đei pơjing rai lơ hloh kơ lu 'nhŏng oh sư, mă-lei kial đơ̆ng gah hơlĕch gô truh, wă khan kial Kră Yang đơ̆ng char glă, gô truh pơhrĕng pơhrơ̆ lê̆ tu đak, păng pơhrơ̆ lê̆ kro lu sơlŭng đak sư, Lu bơngai ayăt gô blah tơgar iŏk lu tơmam gĭt đơ̆ng lăm hnam mong tơmam sư.