Je 20:16 - Sơ̆p Hlabơar Nơ̆r 'Bok Kei-Dei

¹⁶ Ăn kơ bơngai noh thoi lu pơlei Kră Yang pơrăm boih ưh pă đei mơnat! Ăn kơ sư kơtơ̆ng tơdrong nhơ̆m hmoi gah pơgê hrôih, 'năr dơ̆ng kơtơ̆ng đe ôr krao tơdrong tơblah.

Je 20:16 ပူးပေါင်းရင်းမြစ်များ

Je 18:22

Ăn kơ đe kơtơ̆ng nơ̆r nhơ̆m hmoi đơ̆ng hnam lu sư, Kơplah Ih ăn bơngai năm blah lu sư ưh kơ tam băt. Yua kơ lu sư sir boih sơlŭng wă kơ rôp inh, Pơm boih hơđong kơ jơ̆ng inh.

Je 18:8

Mă-lei tơdah adrĕch adrung mă Inh roi noh achăng lê̆ tơdrong yoch lu sư kơdih, lei Inh gô tơplih đon Inh mă wă pơrăm lu sư noh.

Je 23:14

Inh 'bôh lăm lu bơngai khan lê̆ adrol lăm pơlei Jêrusalem pơm tơdrong kơnê̆ dêh; Lu sư pơm pơyô kư̆ kă păng yak kiơ̆ trong hơlĕnh pơdăr; lu sư pơdrŭt bơngai pơm kơnê̆ rai dêh, na lu sư ưh pă đei bu 'maih lê̆ tơdrong kơnê̆. Inh lăng rim kơ lu sư thoi pơlei Sôđôm, păng kon pơlei Jêrusalem nhen thoi pơlei Gômôrơ.”

Je 26:13

Na dang ei iĕm athei tơplih tơdrong arih iĕm păng tơdrong jang iĕm, mơ̆ng kiơ̆ bĕ nơ̆r Kră Yang 'Bok Kei-Dei lu iĕm, na Kră Yang gô tơplih đon tơdrong wă pơm kơ lu iĕm. Sư đei khan lê̆ adrol kơ lu iĕm băt.

Je 4:19

Ô! Răm, inh chhŭr nuih, inh jĭ lăm jơhngơ̆m, jơhngơ̆m inh rŭng răng, ô plei nuih inh 'bôm dĕnh, inh ưh pă kĕ chơ̆n boih. Inh kơtơ̆ng đe hlôm keng roi tơbăt, tơdrong ôr tơblah wă truh.

Nhom 4:6

Tơdrong yoch kon drŏ-kăn pơlei inh tih hloh kơ tơdrong yoch Sôđôm. Pơlei tih mă pơchah 'bônh lăm minh phŭt, ưh kơ đei bu yơ̆r ti tơgŭm sư.

Êsêkiên 21:22

Ti gah 'ma pơtao đei hlang lăng tơ'bôh gah pơlei Jêrusalem, athei dan tơmam tơblah wă pơrăm pơlei, nơ̆r wơh athei pơlôch ôr tơblah, dan tơmam tơblah wă pơrăm lu 'măng jang pơlei, sir sơlŭng bơ̆ man bơnơ̆ wang tăp dăr.

Hôsia 10:14

Tơdrong tơblah tơblŭng ơ-ôs ơ-as gô pơm kơ kon pơlei iĕm, đe gô pơrăm dôm lu pơlei kơđông kơjăp lu iĕm, thoi Salman pơrăm pơlei Bêt Arbel lăm năr tơblah băl. Mă đe đei teh pơlôch mĕ hơdai hăm lu kon sư.

Hôsia 11:8

Ơ Êphraim, liơ Inh gơh achăng ih, Ơ Isơrael, liơ Inh gơh jao lê̆ lu iĕm kơ đe? Liơ Inh gơh ăn pơm kơ lu iĕm jing thoi pơlei Atma, dah liơ Inh gơh pơm kơ lu iĕm thoi pơlei Sêbôim? Jơhngơ̆m Inh sơngah ưh kơ wă pơm tơdrong noh păng jơhngơ̆m Inh 'mêm kơeng đĭ tơtŏ dêh boih.

Hôsia 13:14

Inh gô dŏng pơklaih lu sư đơ̆ng tơdrong pran kơtang dêh atâu, păng gô pơklaih lu sư đơ̆ng tơdrong lôch. Ơ tơdrong lôch tơ yơ tơdrong lôch hơbuh gơh pơrăm? Ơ dêh atâu tơ yơ tơdrong ih gơh pơrăm. Inh pă gơh mơnat boih.

Am 1:14

Inh gô iŏk ŭnh soh dur pơlei Raba, sư gô sa lê̆ kơđông kơjăp lu sư, đe ôr tơkĕch lăm năr tơblah wang, thoi phŭt huơ̆r lăm năr hơbŭt hơbang.

Am 2:2

Inh gô ăn ŭnh truh tơ dêh Môap, sư gô sa lu kơđông kơjăp Kêriôt. Kon pơlei Môap gô lôch, kơplah đe ôr tơjrông tơjrang păng hlôm keng.

Am 4:11

Inh đei pơrăm boih mơ'nah lăm lu iĕm, thoi Kră Yang 'Bok Kei-Dei đei pơrăm pơlei Sôđôm păng Gômôrơ, lu iĕm nhen thoi kơ tôch ŭnh sa đe dui iŏk đơ̆ng ŭnh. Mă-lei lu iĕm kư̆m ưh kơ wă wih brŏk tơ inh, Kră Yang khan thoi noh.

Jôna 3:4

Năr mă mônh Jôna pơtơm mơ̆t lăm pơlei, na bơtho khan: Oei pă puăn-jĭt năr dơ̆ng, Niniwe gô pơchah!

Jôna 4:2

Sư krao khan kơ Kră Yang thoi âu: Ơ Kră Yang, noh hăm trŏ inh đei băt boih kơplah inh oei lăm dêh char nhôn sơ̆? Yua kơ noh na inh hăt hot kơdâu klĕnh tơ pơlei Tarisi. Yua kơ inh băt boih Ih jơ̆ Kră Yang 'Bok Kei-Dei iơ̆m dim, băt mơnat, hiơ̆ kơ hil, 'bĕnh hăm tơdrong 'mêm mơnat, ưh kơ wă pơrăm.

Jêphania 1:16

năr đe hlôm tơgiĕp roi tơbăt tơdrong tơblah hăm lu pơlei tih mă đei dur kơjăp păng tơblah hăm lu hnam thôt kơjung mum pơlei tih.

Jêphania 2:9

Thoi noh Kră Yang Tih Hloh, wă khan Kră Yang 'Bok Kei-Dei kơ bơngai Isơrael khan: “Tơpă thoi Inh oei arih, tơpă Môap gô thoi Sôđôm păng lu kon sâu Ammôn nhen thoi Gômôrơ, jing minh anih 'bĕnh kơ jơla, minh pôm sơlŭng 'boh, minh anih juơ ling-lang hloi, lu kon pơlei Inh mă oei arih răi gô tơgar rôp iŏk lu sư, gah tơmam kon pơlei mă oei oăi gô jing tơmam lu sư iŏk yua.”

Luka 17:29

Na lăp năr 'bok Lot lĕch jăk đơ̆ng Pơlei Sôđôm boih, na 'Bok Kei-Dei tơjruh hloi ŭnh đơ̆ng plĕnh soh Pơlei Sôđôm, lu sư lôch đĭ.

Both 29:22

Adrĕch adrung lu iĕm ning-mônh chăl lu kon sâu lu iĕm păng lu bơngai tơmoi đơ̆ng ataih, 'bôh dôm tơdrong răm pơmat-tat păng tơdrong jĭ jăn mă Kră Yang đei ăn truh wă pơrăm dêh char 'nâu,

Both 29:23

'Bôh jơ̆p-jang kơ dêh 'nâu răm đĭ ŭnh păng 'boh sa đĭ teh ưh pă gơh rei pơtăm, ưh kơ đei kiơ gơh bluh chăt, ưh kơ đei minh tơnơm kiơ gơh chăt, nhen thoi pơlei Sôđôm Gômôrơ, Atma păng Sêbôlim, pơlei mă Kră Yang hil mĭl krưp pơlôch pơrăm lê̆ boih.

II Pet 2:6

Sư kư̆m phak Pơlei Sôđôm hăm Pơlei Gômôrơ, soh rông chhông hnam lu sư. Sư pơm thoi noh wă tơ'bôh kơ lu bơngai pơm kơnê̆, wă tơbăt kơ lu sư 'Bok Kei-Dei kư̆m gô phak lu sư thoi noh tơpă.

Ju 1:7

Kư̆m thoi noh mơ̆n lu kon Pơlei Sôđôm hăm Pơlei Gômôrơ hăm đĭ tơring lu sư kiơ̆ ei sơ̆, lu sư pơm kơnê̆ kư̆ kă. Lu bơngai drŏ-nglo pơm kư̆ kă tơduă lu sư drŏ-nglo. Na 'Bok Kei-Dei soh rông chhông hnam lu sư păng phak pơmat lu sư hăm ŭnh ling-lang măng năr pă pơdơh. 'Bok Kei-Dei tơ'bôh kơ bơ̆n tơdrong thoi noh, Sư wă kơ bơ̆n hli kuă kơ pơm thoi lu bơngai 'noh.