Je 2:37 - Sơ̆p Hlabơar Nơ̆r 'Bok Kei-Dei

³⁷ Lu iĕm gô mơlâu kuăr ti tơ kơ̆l, lĕch đơ̆ng char noh, Yua kơ Kră Yang achăng boih lu bơngai mă iĕm gơnang, Lu sư ưh pă đei tơgŭm kiơ boih kơ lu iĕm.”

Je 2:37 ပူးပေါင်းရင်းမြစ်များ

II Sam 11:12

Đawit khan: “Ih oei tơ âu năr 'nâu dơ̆ng, dơning ih brŏk.” Na Uri oei tơ pơlei Jêrusalem lăm năr ei păng năr đơ̆ng rŏng.

II Sam 13:19

Tamar klă tơnuh kơpal kơ̆l sư, na hek ao ti tai mă sư oei hrŭk noh. Păng iŏk ti klơ̆p muh măt, nơnăm rah nhơ̆m ôr rah.

II Ho 13:12

Kră Yang 'Bok Kei-Dei oei hơdai nhôn, pơgơ̆r lu nhôn, lu 'bok soi Kră Yang chĕp keng hlôm re wă lĕch tơblah hăm lu iĕm. Ơ lu kon sâu Isơrael! 'Nĕ kơ tơblah hăm Kră Yang 'Bok Kei-Dei lu 'bok yă iĕm, ưh kơ kĕ jei iĕm ôh”

Êsai 10:4

Ưh pă đei kiơ oei oei. Lăp kŭp kơ̆l drap lăm lu bơngai bơnă păng pơ̆k hơdai hăm lu bơngai lôch đĕch. Mă-lei ră, Kră Yang oei hil mĭl kơ lu sư 'mơ̆i, ti Kră Yang oei yơ̆r tơ kơpal wă pơm kơ lu sư.

Êsai 28:18

Kơplah noh tơdrong pơgơ̆p lu iĕm hăm tơdrong lôch gô ưh pă đei, tơdrong lu iĕm pơgơ̆p hăm dêh atâu gô ưh pă đei, tơdah tơdrong anat anot truh 'bĕnh-'bang sư pơrăm lu iĕm, lu iĕm răm đĭ.

Je 14:3

Lu yŏng tơ'ngla wơh lu đĭch đam sư năm chă đak, lu sư năm tơ sơlŭng đak mă-lei ưh kơ đei 'bôh đak, lu sư wih brŏk ge hoh; lu yŏng tơ'ngla mơlâu hlơ̆l, gom lê̆ kơ̆l lu sư.

Je 14:4

Teh kro hơđang đĭ, yua kơ ưh pă đei 'mi jur boih tơ teh, lu bơngai jang mir 'ba ơh sơ'ngon na gom kơ̆l lu sư.

Je 17:5

Kră Yang khan: “Hiap bĕ lu bơngai mă gơnang tơduă kon bơngai, hơđơ̆ng gơnang kơ sĕch akar pơm jơhngơ̆m pran kơtang. Lăm jơhngơ̆m achăng tŭk Kră Yang.

Je 2:36

Liơ lu iĕm tơplih trong lu iĕm 'bônh dêh? Lu bơngai Êyiptơ pơm kơ iĕm mơlâu kư̆m thoi lu bơngai Asiri pơm kơ iĕm sơ̆.

Je 22:20

Tŏk năm bĕ tơ char Liban păng krao ôr, nhơ̆m hmoi ôr mă re tơ groi Basan krao ôr mă re kơtang dơ̆ng kông Abarim. Yua kơ đĭ-đăng bơngai mă pơgơ̆p hăm ih lôch đĭ boih.

Je 22:30

Kră Yang khan: “Chih jô̆ bĕ bơngai 'nâu hơdai hăm lu bơngai ưh kơ đei hơ'lơ̆p, ưh kơ đei pŭn hiôk jơnap kơplah sư oei arih; Yua kơ lu kon sâu sư ưh kơ đei bu pŭn hiôk jơnap, gơh hơ-oei tơ tang-dŏ pơtao Đawit, păng gơh pơgơ̆r lăm adrĕch Juđa dơ̆ng!”

Je 32:5

Pơtao Babilôn gô rôp anhăk ba pơtao Sêđekia tơ Babilôn, sư gô oei tơ noh truh tơ Inh hơmet sư, tơdah Lu iĕm tơblah hăm bơngai Kalđê, ưh kơ đei jei iĕm ôh?”

Nhom 4:17

Măt lu bơ̆n gô rơgah đĕch gô tơdrong pơklaih ưh kơ đei yua kiơ. Lu bơ̆n chang gô lu kon pơlei mă ưh kơ đei dŏng pơklaih bơ̆n.

Jo 14:41

Mă-lei Môis khan: Liơ lu iĕm pơm pơhloh kơ nơ̆r Kră Yang tơtă? Tơdrong noh ưh kơ gơh ôh.