Je 2:34 - Sơ̆p Hlabơar Nơ̆r 'Bok Kei-Dei

³⁴ Tơ tơdrơi ao lu iĕm đei 'bôh boih pham lu bơngai dơnuh hin ưh kơ yoch, Mă iĕm ưh kơ đei rôp lu sư teh 'măng wă mơ̆t tơtông, Mă khan đei hĭ tơdrong noh bưh.

Je 2:34 ပူးပေါင်းရင်းမြစ်များ

II Pot 21:16

Hloh kơ noh dơ̆ng, Manase kư̆m pơlôch lơ bơngai ưh kơ đei yoch dĭng mah pham 'bĕnh-'bang kơ pơlei Jêrusalem, đơ̆ng pah âu truh tơ pah to, 'nguaih kơ tơdrong pơm kơ lu bơngai Juđa pơm yoch păng pơm kơnê̆ 'bơ̆t anăp Kră Yang hai dơ̆ng.

II Pot 24:4

Păng yua kơ sư pơlôch pham lĕch đơ̆ng lu bơngai ưh kơ đei yoch; yua kơ sư hlôi pơm kơ Pơlei Jêrusalem 'bĕnh kơ pham lu bơngai ưh kơ đei yoch, lei na Kră Yang ưh kơ mơnat kơ sư ôh.

Le 22:1

Bơngai bu tơtông klĕ rơmo dah triu, klaih kơ noh pơlôch dah tĕch lê̆, sư athei duh pơđăm tŏ rơmo ăn kơ đơ̆ng minh pôm rơmo păng puăn tŏ triu ăn kơ đơ̆ng minh pôm triu,

Le 22:2

tơdah bơngai tơtông klĕ oei chơkơ̆ 'măng na đe rôp păng teh pơlôch, bơngai teh pơlôch ưh kơ đei yoch.

Êsai 57:5

Lu iĕm tơhưch băl 'bơ̆t tơm 'long kôih. Ala kơ yơ̆p hơmŭl 'long hơdrih; pơlôch kon sâu pơm tơmam soi tơ lăm thŭng thong, tơ lăm trôm tơmo tih.

Êsai 59:3

Ti lu iĕm 'mê̆-'mach đơ̆ng pham bơngai iĕm pơlôch. Hơnglâu iĕm 'mê̆-'mach đơ̆ng tơdrong yoch kơnê̆. 'Bơ̆r lu iĕm đĭ pơma hơlĕnh. Hơpiĕt lu iĕm pơma jŏk tơdrong kơnê̆.

Êsai 59:7

Jơ̆ng lu sư kơdâu năm wă pơm tơdrong kơnê̆, hăt hot pơlôch bơngai ưh kơ đei tơdrong yoch; đon lu sư tơchĕng jơ̆ hơlĕnh pơdăr, lu sư ba tơdrong pơrăm păng pơchah pơchek đĭ rok trong gơlong lu sư yak.

Je 19:4

Yua kơ lu sư achăng lê̆ Inh boih, pơm ăn kơ anih 'nâu jing 'mê̆-'mach, hăm tơdrong lu sư soh nhang pơyơ̆r tơmam soi 'buh kơ lu yang nai, mă lu sư, đe yă 'bok lu sư, lu pơtao đe Juđa tam lah băt, pơm kơ anih 'nâu 'bĕnh kơ pham lu bơngai ưh kơ yoch.

Je 2:33

Liơ lu iĕm hrăn chă trong wă chă lu bơngai iĕm hưch! Dĭng mah lu iĕm bơtho lu bơngai drŏ-kăn kơnê̆ kiơ̆ trong iĕm.

Je 6:15

Lu sư pơm yoch kơnê̆ dêh hăm mơlâu ưh? Lu sư ưh kơ đei mơlâu ôh, muh măt lu sư ưh kơ đei layơ đum rak mơlâu. Kŭm ưh kơ băt mơlâu noh kiơ. Lei na lu sư gô pơ̆k hơdai hăm lu bơngai mă pơ̆k huŏng; truh năr Inh phak pơmat lu sư, lu sư gô hraih đang.” Kră Yang khan thoi noh.

Je 7:31

Lu sư man dơ̆ng anih kơjung tơ Tôphet, lăm Thŭng Ben Hinôm, wă 'buh pơyơ̆r kon drŏ-nglo drŏ-kăn lăm ŭnh; tơdrong noh Inh ưh kơ đei bơtho tơtă, Inh kư̆m ưh kơ tơchĕng mơ̆n tơdrong noh.

Je 7:6

Tơdah iĕm huay kơ pơjuă pơđep lu bơngai tơmoi, lu bơngai mơti, lu drŏ-kăn adro păng huay kơ pơlôch tuh pham lăm anih âu păng kư̆m huay kơ kiơ̆ kơkuh kơ yang nai wă pơrăm kơ iĕm kơdih,

Je 8:12

“Trŏ kơ lu sư mơlâu pơm tơdrong kơnê̆ krưp, mă-lei lu sư ưh kơ băt mơlâu, Kŭm ưh kơ băt hlơ̆l lĕm. Thoi noh na lu sư gô huŏng pơ̆k hơdai lu bơngai mă pơ̆k huŏng; truh năr wă phak lu sư gô pơ̆k răm,” noh Kră Yang khan.

Nhom 1:9

Hơbĕn ao lu sư mơgrĭ; sư ưh pă đei tơchĕng boih năr tôch wă truh kơ sư! Tơdrong rơdu sư phara, ưh pă đei bu pơlung sư! Ơ Kră Yang apinh Ih lăng tơdrong pơmat-tat inh, yua kơ lu ayăt pôk pơang lu sư kơdih pơm tih.

Nhom 4:14

Lu sư yak rok trong thoi bơngai măt tol; đơ̆ng pham đe mă lu sư pơm kơnê̆. Dĭng mah pă đei bu pơ̆n pel ao tai lu sư.

Êsêkiên 20:31

Kơplah lu iĕm pơyơ̆r tơmam soi, pơyơ̆r kon drŏ-nglo soh hăm ŭnh, kơdih lu iĕm pơm kơnê̆ 'mê̆-'mach kơkuh kơ rup yang truh tơ dang ei? Ơ adrĕch Isơrael, Inh ưh kơ lê̆ lu iĕm krao apinh Inh. Kră Yang khan: Thoi Inh mă arih ling-lang, Inh ưh kơ ăn lu iĕm krao apinh Inh.

Êsêkiên 22:25

Lu 'bok khan lê̆ adrol lăm lu iĕm đei pơgơ̆p băl nhen thoi dăm-brang grĕnh hơrum sa tơmam đêl lu sư rôp. Lu sư châu sa bơngai, tơtông iŏk lu mŭk tơmam gĭt, pơm kơ lơ bơngai drŏ-kăn jing adro po lăm pơlei.

Êsêkiên 23:45

Mă-lei dôm lu bơngai tơpăt gô sek tơlang tơdrong lu sư pơm pơyô kư̆ kă păng tuh pham pơlôch đe, tơpă lu sư pơm pơyô kư̆ kă păng tuh pham pơlôch đe.”

Êsêkiên 24:7

Pham oei đom lăm pơlei noh, yua kơ lu sư pơlôch đe tuh pham tơ kơpal tơmo blat; ưh kơ tuh lê̆ pham lăm teh wă kơ 'mui teh klơ̆p lê̆ đĭ.

Êsêkiên 9:9

Kră Yang tơl inh: “Tơdrong yoch lăm adrĕch Isơrael păng Juđa tih dêh tơpă; teh 'bĕnh kơ pham pơlôch băl, lăm pơlei 'bĕnh kơ tơdrong kơnê̆ pơrăm băl. Lu sư khan: ‘Kră Yang achăng lê̆ boih teh âu, Kră Yang ưh kơ 'bôh.’