Je 2:31 - Sơ̆p Hlabơar Nơ̆r 'Bok Kei-Dei

³¹ Ơ lu iĕm lăm jơhnơr 'nâu mơ̆ng bĕ nơ̆r Kră Yang khan: “Inh hăm trŏ kơ char glă dah teh đak măng mu kơ bơngai Isơrael? Lei na liơ kon pơlei Inh khan: ‘Lu nhôn rơngei boih, lu nhôn ưh pă wă năm tơ Ih dơ̆ng.’

Je 2:31 ပူးပေါင်းရင်းမြစ်များ

I Pot 11:22

“Mă-lei Pharaôn tơl sư: Ih oei hơdai inh tơ âu hăm đei kơ'bah tơdrong kiơ na ih 'maih brŏk tơ dêh char ih kơdih? Na sư tơl: “Huay kơ'bah tơdrong kiơ ră.” Mă-lei apinh ih ăn kơ inh brŏk tơ dêh char inh kơdih.

II Ho 31:10

Asaria 'bok soi tơm, đơ̆ng adrĕch Sadok, tơl sư khan: “Đơ̆ng lu kon pơlei pơtơm pơyơ̆r tơmam tơ Hnam Kră Yang lu nhôn đei sŏng sa mah păng kư̆m oei rơkah lơ, yua kơ Kră Yang ăn boih kơ kon pơlei sư đei pŭn hiôk; na mă đei rơkah lơ 'nâu.

Jop 21:14

Lu sư pơma hăm Kră Yang 'Bok Kei-Dei khan: “Weh ataih kơ lu nhôn, lu nhôn ưh kơ wă băt trong gơlong Ih.

Horiso 10:4

Lu bơngai kơnê̆ pơang, ưh kơ wă chă Kră Yang. Đĭ tơdrong sư tơchĕng khan ưh kơ đei Kră Yang ôh.

Horiso 12:4

Lu bơngai noh khan: “Yua kơ đơ̆ng hơpiĕt gô jei bơ̆n; 'Bơ̆r lu bơ̆n kơdih: Bu pơm yŏng bơ̆n?”

Tơdrông Pơđơk 30:9

Hli kơ inh tôm mah kơnh sơngah kơ Ih, Păng khan: “Kră Yang Sư bu?” Păng hli kơ inh dơnuh hnang kơnh chă tơtông. Păng kơnh pơm kơnê̆ pơjăm anăn Kră Yang 'Bok Kei-Dei inh.

Êsai 45:19

Inh ưh kơ đei pơma hăm lu iĕm lăm tơdrong hlơp ôh păng kư̆m ưh kơ pơma đơ̆ng lăm char măng mu, Inh ưh tam đei pơma kơ adrĕch adrung Jakôp khan: ‘Lu iĕm chă Inh tơdrong ưh kơ đei Inh jơ̆ Kră Yang pơma tơpăt, roi tơdrong trŏ sĭt.’

Je 2:20

“Sơ̆ đunh boih iĕm gơ̆ lê̆ 'long ăt păng hrĕch lê̆ tơlei đơ̆ng chô̆ iĕm, Iĕm khan: ‘Nhôn ưh kơ wă chu kiơ̆ Ih.’ Tơpă, tơ rim groi kơjung, tơ ala tơm 'long iĕm drap kơkuh kơ rup yang thoi ngôi pơyô kư̆ kă.

Je 2:25

'Nĕ kơ pơlap jơ̆ng gleh păng dĭng hơlŏng iĕm rơhing! Mă-lei iĕm khan. ‘Măk ai kiơ̆ boih; nhôn hơyuh wă kơ yang nai păng nhôn gô kiơ̆ lu sư?’

Je 5:5

'Nâu Inh gô năm tơ lu yŏng pơgơ̆r, roi ăn kơ lu sư băt hơđăl. Tơpă lu sư băt trong gơlong Kră Yang, khôi juăt Kră Yang 'Bok Kei-Dei lu sư. Mă-lei lu sư 'nâu gơ̆ lê̆ 'long ăt păng wă hrĕch lê̆ tơlei boih!

Je 5:6

Lei na dăm-brang lĕch đơ̆ng bri năm châu sa lu sư, kŏ-so đơ̆ng char glă gô kăp pơlôch lu sư, djrang oei răp tơ 'nguaih kơ pơlei ti wă châu hek sa lu đe bu mă lĕch tơ 'nguaih pơlei, yua kơ tơdrong yoch lu sư lơ dêh, tơdrong kơnê̆ lu sư lơlap.

Êsêkiên 14:5

Inh pơm thoi noh wă kơ Inh iŏk dơ̆ng jơhngơ̆m Isơrael, lu bơngai mă yua kơ đơ̆ng rup yang na weh tơklah đơ̆ng Inh.

Hôsia 13:6

Lăp lu sư sŏng sa phĭ boih, jơhngơ̆m lu sư jing pơang; yua kơ đơ̆ng noh na lu sư hiơt boih kơ inh.

Am 1:1

Nơ̆r Amôs bơngai wei triu oei tơ pơlei Thekoa; noh nơ̆r mă Kră Yang đei tơ'bôh tơblang ăn kơ sư gah lu bơngai Isơrael 'bar sơnăm adrol kơ teh tơdrŏ. Noh lăm chăl Usia pơm pơtao đe Juđa păng lăm chăl Jêrôbôam, kon drŏ-nglo Jêhôas, pơm pơtao đe Isơrael.

Mi 6:9

Mơ̆ng bĕ nơ̆r Kră Yang krao pơret blah hăm pơlei âu, bơngai hơgei athei hli yom kơ anăn Sư. Mơ̆ng bĕ 'long jra teh na băt kơ bu mă Kră Yang pơkă năm blah.

I Kor 4:8

Iĕm hlôh tôm tơdrong boih hă, na iĕm ưh pă kăl kơ tơdrong nai? Iĕm hơgei dang 'bok pơtao boih hă? Gah nhôn ưh tam hlôh tôm ôh. Dah iĕm hơgei dang 'bok pơtao tơpă, inh kư̆m lăp đon mơ̆n wă kơ nhôn kư̆m hơgei dang 'bok pơtao thoi iĕm.

Both 31:20

Đơ̆ng rŏng Inh chông ba lu sư mơ̆t lăm dêh char Inh hlôi pơkă boih hăm 'bok lu sư; dêh 'bĕnh kơ đak toh đak sut; lu sư gô sa phĭ păng bek, wơ̆t bơ̆jang kơkuh lu yang nai, lu sư gô pơdê lê̆ Inh păng pơm glăi kơ tơdrong pơgơ̆p Inh.

Both 32:15

Jêsurunb wă rai bek mơdrŏng pran, wă iŏk jơ̆ng đă plơ̆ akâu sư bek lơluĭnh boih na lu sư achăng lê̆ Kră Yang 'Bok Kei-Dei Tơ'ngla mă pơjing lu sư, păng pơjăm lê̆ Tơmo Tih mă dŏng pơklaih.

Both 32:18

Ih sơngah kơ Tơmo Tih tơ'ngla pơjing ih, Hiơt boih kơ Kră Yang 'Bok Kei-Dei Tơ'ngla pơjing ih.