Je 2:20 - Sơ̆p Hlabơar Nơ̆r 'Bok Kei-Dei

²⁰ “Sơ̆ đunh boih iĕm gơ̆ lê̆ 'long ăt păng hrĕch lê̆ tơlei đơ̆ng chô̆ iĕm, Iĕm khan: ‘Nhôn ưh kơ wă chu kiơ̆ Ih.’ Tơpă, tơ rim groi kơjung, tơ ala tơm 'long iĕm drap kơkuh kơ rup yang thoi ngôi pơyô kư̆ kă.

Je 2:20 ပူးပေါင်းရင်းမြစ်များ

I Pot 12:32

Jêrôbôam kư̆m đei tơchĕng wă pơjing minh tơdrong pơm giĕng lăm khei tơhngam năr mơjĭt-pơđăm, thoi đe juăt kơ pơm giĕng lăm dêh Juđa, na sư pơyơ̆r lu tơmam soi tơ kơpal chơnang. Sư pơm tơdrong noh tơ pơlei Bethel, pơyơ̆r tơmam soi sơmah kơ 'bar tŏ rup yang kon rơmo mă sư đei pơm bơih păng maih. Pơtao kư̆m dan tơ pơlei Bethel lu 'bok soi, oei lăm hnam mă sư pơm bơih tơ anih kơjung 'noh.

I Pot 14:23

Lu bơngai Juđa kư̆m dai pơm ăn kơ lu sư kơdih hnam kơkuh kơ lu rup yang tơ anih kơjung, pơm gơ̆ng soi păng tơmo, lu gơ̆ng rup yang Asêrim yang drŏ-kăn tơ anih groi kơjung tơ ala rim tơnơm 'long.

Horiso 107:14

Sư dui iŏk lu sư đơ̆ng lăm măng mu păng yơ̆p tơdrong lôch. Kŭm hrĕch lê̆ glang đêl chô̆ lu sư.

Horiso 2:3

Lu sư khan: “Bĕ bơ̆n hrĕch lê̆ glang, păng pleh hŭt lê̆ ataih đơ̆ng bơ̆n”

Horiso 78:58

Đơ̆ng anih kơjung lu sư pơm kơ Kră Yang blĕk; Pơm ăn kơ Sư hil ơha yua kơ rup yang,

Le 19:8

Đĭ-đăng kon pơlei minh jơhngơ̆m tơl khan: Lu nhôn gô pơm kiơ̆ dôm tơdrong Kră Yang pơkă, Môis roi hloi kơ Kră Yang kiơ̆ thoi nơ̆r kon pơlei pơma.

Le 24:3

Môis năm roi hloi kơ kon pơlei pơla dôm nơ̆r Kră Yang tơtă păng khôi juăt, na lu sư tơl thoi âu: Lu nhôn gô pơm kiơ̆ dôm nơ̆r Kră Yang bơtho akhan.

Le 3:8

lei Inh jur wă pơklaih lu sư đơ̆ng ti bơngai Êyiptơ, chông tơlĕch lu sư đơ̆ng dêh 'noh năm tơ dêh 'lơ̆ng rŏ, glă rơhơi, đei tơmam sa mah rơkah rơkai dêh char đak toh, đak sut, 'noh char Kanaan, đei kon pơlei Hêtit, kon pơlei Amôrit, kon pơlei Phêrêsit, kon pơlei Hêwit păng kon pơlei Jêbus oei tơ noh.

Êsai 1:21

Ơ đêl Pơlei 'lơ̆ng tơnăp na jing pơlei pơm đi! Sơ̆ đêl pơlei tơpăt hơnơ̆ng; păng tơdrong 'lơ̆ng tơpăt oei lăm sư, mă-lei dang ei 'bĕnh kơ bơngai pơlôch đe!

Êsai 10:27

Lăm năr noh kơnh tơdrong iĕm pŭ trăp gô plôh đơ̆ng hơngiĕng iĕm. 'Long ăt gô yaih lê̆ đơ̆ng hơko iĕm. 'Long ăt gô tơgơ̆. Yua kơ iĕm tih bek prah bơih.

Êsai 14:25

Inh gô blah pơrăm bơngai Asiri lăm teh đak Inh, gô pơjuă bơhlơ̆r sư tơ kơpal kông Inh, 'long ăt sư gô plôh gơ̆ lê̆ đơ̆ng lu kon pơlei Inh, hơnong trăp sư gô hơ'nglơh lê̆ đơ̆ng hơngiĕng lu sư.”

Êsai 9:4

Đĭ-đăng chơkhŏ đêl lu bơngai 'bot năm tơblah, hăm ao mam đêl pham klep gô soh rŭk tơ ŭnh pơđĭ.

Je 13:27

Inh 'bôh boih tơdrong kơnê̆ iĕm pơm, Ih pơm pơyô kư̆ kă, tơdrong luĕl 'blal. Pơm pơyô kư̆ kă tơ lăm groi dah tơ mir chŭn. Ơ Jêrusalem răm-'băm tơpă kơ iĕm! Iĕm ưh kơ wă hơmet rơgoh dĭng dang yơ?”

Je 17:2

Kon sâu lu sư kư̆m 'blŏk dơ̆ng kơ chơnang soi păng lu gơ̆ng rup yang Asêra mă đêl lu sư pơm, Tơ yơ̆p 'long hơmŭl. Tơ grôn groi kơjung.

Je 2:31

Ơ lu iĕm lăm jơhnơr 'nâu mơ̆ng bĕ nơ̆r Kră Yang khan: “Inh hăm trŏ kơ char glă dah teh đak măng mu kơ bơngai Isơrael? Lei na liơ kon pơlei Inh khan: ‘Lu nhôn rơngei boih, lu nhôn ưh pă wă năm tơ Ih dơ̆ng.’

Je 3:13

‘Kư̆ mă ih chu pŭ iŏk tơdrong yoch. Tơdrong mă iĕm blah Kră Yang 'Bok Kei-Dei iĕm; iĕm chă hưch kơ lu yang nai ala tơm 'long hla hơmŭl, păng ưh pă chu yom kơ nơ̆r Inh,’ ” Kră Yang khan.

Je 30:8

Kră Yang Tih Hloh khan: “Lăm năr noh Inh gô gơ̆ lê̆ 'long ăt đơ̆ng ako lu sư; păng hrĕch lê̆ tơlei đêl đe chô̆ lu sư, ưh pă pơm đĭch kơ dêh tơmoi dơ̆ng;

Je 5:5

'Nâu Inh gô năm tơ lu yŏng pơgơ̆r, roi ăn kơ lu sư băt hơđăl. Tơpă lu sư băt trong gơlong Kră Yang, khôi juăt Kră Yang 'Bok Kei-Dei lu sư. Mă-lei lu sư 'nâu gơ̆ lê̆ 'long ăt păng wă hrĕch lê̆ tơlei boih!

Êsêkiên 16:28

Ih đei pơm pơyô kư̆ kă hăm lu bơngai Asiri, yua kơ ih ưh kơ hrăp. Tơpă ih đei pơm pơyô kư̆ kă hăm lu sư boih, mă-lei tam mă hrăp.

Êsêkiên 16:31

Ih pơm anih kơkuh rim tơm trong, pơjing anih kơjung tơ rim anih akŭm pơđâu lăm pơlei; ih ưh kơ sĭ thoi bơngai drŏ-kăn pơm đi, yua kơ đe ưh kơ apah jên.

Êsêkiên 16:41

Lu sư gô iŏk ŭnh soh hnam ih, phak pơmat ih 'bơ̆t anăp lu drŏ-kăn. Inh gô pơm kơ ih pă đei pơm pơyô kư̆ kă dơ̆ng păng ih ưh pă chă apah đe dơ̆ng.

Êsêkiên 20:28

Inh chông ba lu sư mơ̆t tơ char mă Inh pơkă ăn kơ lu sư, mă-lei lăp lu sư 'bôh groi kơjung păng lu 'long đei hla rơ̆m, lu sư iŏk tơmam soi pơyơ̆r tơ noh. Lu sư pơyơ̆r tơmam soi noh tơblĕk Inh lu sư pơyơ̆r tơmam soh 'bâu phu păng tơmam soi huch sa tơ noh.

Êsêkiên 23:5

Ôhôla pơm đi kơplah mă sư oei gah Inh, sư hưch kơ pơyô sư bơngai Asiri, lu bơngai pơm linh.

Hôsia 1:2

Kơplah Kră Yang pơtơm khan kơ Hôsia, Kră Yang khan kơ sư: Năm bĕ, iŏk oei kơ akăn luĕl 'blal păng pơjing kon pơm kư̆ kă yua kơ lăm dêh char âu pơm pơyô kư̆ kă kơnê̆ dêh, đei achăng lê̆ Kră Yang.

Hôsia 2:5

Mĕ lu sư pơm boih pơyô kư̆ kă, anăp kơ lu sư hăm tơdrong mơlâu. Sư khan: Inh gô kiơ̆ lu pơyô inh, lu sư ăn kơ inh por sŏng đak nhă, che, sŏk triu, đak rơmă păng ăn kơ inh tơmam huch sa.

Hôsia 3:3

Na inh khan kơ sư: Ih athei oei păng inh đunh năr; 'nĕ kơ pơm pơyô, dah chă oei klo nai, Inh pơm hăm ih thoi noh mơ̆n.

Hôsia 4:13

Lu sư pơm yang kơpal kông, păng soh 'long 'bâu phu tơ kơpal groi, tơ ala tơm 'long kôih, 'long hơngo, 'long têrebin yua kơ đei yơ̆p rơngơp dêh. Yua kơ thoi noh na lu kon adruh lu iĕm pơm pơyô kư̆ kă, păng mŏ mai iĕm tơtông pơyô hăm đe nai.

Hôsia 9:1

'Nĕ kơ chhôk hal. Ơ bơngai Isơrael! 'Nĕ kơ chơt hiôk dêh thoi adrĕch adrung nai! Ih achăng lê̆ boih Kră Yang 'Bok Kei-Dei lu iĕm. Păng pơm kơnê̆, pơm pơyô kư̆ kă boih, Lăp đon boih iŏk drŏ-kăn đi tơ jơ̆p-jang anih preh 'ba.

Lêwi 26:13

Inh jing Kră Yang, 'Bok Kei-Dei lu iĕm, Tơ'ngla mă chông anhăk iĕm lĕch jăk đơ̆ng char Êyiptơ, wă kơ iĕm klaih đơ̆ng pơm đĭch đam đe; Inh hlôi gơ̆ lê̆ 'long ăt đơ̆ng lu iĕm păng ăn kơ lu iĕm yak ngơk tơpăt.

Na 1:13

Dang ei Inh gô gơ̆ 'long ăt pơm đĭch sư đơ̆ng lu iĕm păng hrĕch lê̆ tơlei glang đơ̆ng iĕm.

Both 12:2

Pơrăm đĭ lu anih ayơ lu adrĕch adrung, mă lu iĕm gô blah puh lê̆, lu anih kơkuh kơ yang lu sư, tơ kơpal kông kơjung dah tơ kơpal groi dah tơ ala yơ̆p 'long,

Both 15:15

Athei 'blŏk kơ iĕm đêl pơm đĭch boih lăm dêh Êyiptơ, Kră Yang 'Bok Kei-Dei dŏng pơklaih; thoi noh, năr 'nâu inh bơtho khan kơ iĕm nơ̆r tơtă 'nâu.

Both 26:17

Năr 'nâu iĕm pơkă drơ̆ng iŏk Kră Yang pơm 'Bok Kei-Dei iĕm, yak năm kiơ̆ trong Sư, wei răk khôi juăt Sư, nơ̆r tơtă păng nơ̆r đơ̆ng Sư athei, kư̆m chu kiơ̆ nơ̆r sư khan.

Both 4:20

Mă-lei lu iĕm, Kră Yang rơih păng iŏk lu iĕm lĕch đơ̆ng dêh Êyiptơ, thoi ŭnh đei 'buh bơsei ngur lăm ŭnh wă kơ lu iĕm jing kon pơlei pơla Sư kơdih, thoi iĕm năr âu.

Both 4:34

Hăm tam đei yang kiơ rơih iŏk minh adrĕch kon pơlei 'nâu đơ̆ng adrĕch kon pơlei nai kơ sư kơdih, hăm tơdrong pơlong lăng, hăm tơdrong hlĭch chrơp, hăm tơdrong mơsêh mơyang pran kơtang đơ̆ng ti sư, hăm tơdrong tơblah, hăm tơdrong hli krưp thoi đĭ-đăng tơdrong Kră Yang 'Bok Kei-Dei lu iĕm đei pơm boih kơ lu iĕm hăm dêh char Êyiptơ 'bơ̆t tơm măt lu iĕm?

Both 5:27

Ih năm mă jê̆ bĕ, wă kơ mơ̆ng dôm tơdrong Kră Yang 'Bok Kei-Dei lu nhôn khan na roi ăn kơ lu nhôn dơ̆ng, na lu nhôn gô mơ̆ng păng pơm kiơ̆.

Jôsuê 1:16

Lu bơngai noh đei tơl Jôsuê: “Lu nhôn gô pơm kiơ̆ kơ ih pơkă athei păng năm jơ̆p-jang anih ayơ mă ih đei wơh.

Jôsuê 24:24

Kon pơlei tơl Jôsuê: Lu nhôn gô chu yom kơ Kră Yang 'Bok Kei-Dei lu nhôn păng pơm kiơ̆ nơ̆r Sư.

Jôsuê 24:26

Jôsuê chih đĭ dôm nơ̆r noh lăm sơ̆p hla bơar khôi juăt 'Bok Kei-Dei. Đơ̆ng noh, sư iŏk minh pôm tơmo tih pơdơ̆ng 'bơ̆t ala tơm 'long kôih jê̆ anih rơgoh Kră Yang.

Tơdrông Tơ'bôh 17:1

Đơ̆ng noh minh 'nu lăm tơpơh 'nu linh jang mă chĕp tơpơh tŏ pơnhan ei, sư năm tơ inh păng khan: “Kiơ̆ inh bĕ, inh gô tơ'bôh kơ ih tơdrong 'Bok Kei-Dei phak bơngai đi pơm pơyô ngôi kư̆ kă noh, bơngai ei oei 'bơ̆t cheng đak krong hăm đak glung.

Lu 10:6

Đơ̆ng rŏng kơ noh lu bơngai Isơrael pơm dơ̆ng tơdrong kơnê̆ 'bơ̆t anăp Kră Yang lu sư kơkuh kơ lu yang Baal lu yang Astarôt, lu yang bơngai Aram, lu yang bơngai Siđôn, lu yang bơngai Môap, lu yang bơngai Ammôn păng lu yang kon pơlei Philistin. Lu sư achăng lê̆ Kră Yang păng ưh kơ chu kiơ̆ Sư.

Lu 2:11

Kơplah noh lu bơngai Isơrael pơm kơnê̆ 'bơ̆t anăp Kră Yang, kơkuh kơ lu rup yang Baal

Lu 2:13

Thoi noh lu sư lê̆ Kră Yang drap kơkuh kơ yang Baal păng Astarôt.

I Sam 12:10

Lu sư ôr krao apinh Kră Yang: Lu nhôn đei pơm yoch, yua kơ lu nhôn achăng lê̆ Kră Yang, na kơkuh kơ yang Baal păng yang Astarôt; dang ei, apinh Ih dŏng pơklaih nhôn đơ̆ng ti bơngai ayăt hăm nhôn, na lu nhôn gô chu kiơ̆ kơ Ih.