Je 2:13 - Sơ̆p Hlabơar Nơ̆r 'Bok Kei-Dei

¹³ “Kon pơlei Inh đei pơm boih 'bar tơdrong yoch kơnê̆. Lu sư achăng lê̆ Inh, jơ̆ tu đak tơdrong arih păng chă sir sơlŭng mong đak kơdih, tơpă sơlŭng noh hơđang, ưh kơ gơh mong đak.

Je 2:13 ပူးပေါင်းရင်းမြစ်များ

II Pot 22:17

Yua kơ lu bơngai Juđa achăng lê̆ Inh bơih, soh 'long 'bâu phu ăn kơ yang nai, tơblĕk, pơm kơ Inh areh yua kơ đơ̆ng tơdrong jang đêl tơpang ti lu sư pơm, noh bơih tơdrong Inh hil mĭl gô tuh 'bơ̆t anih 'nâu, inh ưh kơ layơ păt hơngăm.

Horiso 36:9

Yua kơ tơm tơdrong arih oei tơ Ih, Lăm tơdrong hơdah Ih nhôn 'bôh hơdah,

Bôk Bơthô 1:14

Inh 'bôh boih dôm tơdrong đei jang tơ ala teh âu; đĭ-đăng tơdrong kơ đei ngăl, mơ̆ng kơ kial bơbơ̆t tơ yơ kiơ̆ tơ noh.

Bôk Bơthô 1:2

'Bok mă bơtho noh khan: “Đĭ-đăng dôm tơdrong ưh kơ yua kiơ̆ hloi, tơdrong kơđei ngăl. Ưh kơ đei bu kĕ hlôh tôm tơdrong lăm chăl arih bơ̆n.”

Bôk Bơthô 12:8

'Bok mă bơtho noh khan: Đĭ-đăng tôm tơdrong jơ̆ tơdrong kơđei tơdrong kơđei, tơdrong kơđei, kơ̆l 'ngok kon bơngai ưh kơ đei bu hlôh băt tôm tơdrong đei truh tơ kơpal teh âu.

Bôk Bơthô 2:11

Inh tơchĕng hơlen lăng dôm tơdrong đêl ti inh pơm. Tuh bơuh bơang pă băt dang yơ gleh hrat, inh lăng dôm tơdrong noh jơ̆ tơdrong kơ đei ưh kơ hlôh yua kơ kiơ thoi pơmơ̆ng kơ kial bơbơ̆t sư tơ yơ kiơ̆ tơ noh, kon bơngai ưh kơ đei pơm kiơ mă đei yua lăm ala teh âu.

Bôk Bơthô 2:21

Yua kơ đei bơngai jang yua tơdrong gơh hơgei, hlôh wao jơhngơ̆m pran pơm pơjing lê̆, đơ̆ng noh wă pơsư̆ mŭk tơmam ăn kơ lu bơngai mă ưh kơ đei jang gleh hrat kiơ, noh kư̆m tơdrong kơ đei păng minh tơdrong klai tơpă.

Bôk Bơthô 2:26

'Bok Kei-Dei ăn tơdrong hơgei hlôh băt păng ăn hiôk chơt kơ đe bu mă pơm trŏ thoi sư lăp đon; mă-lei sư ăn kơ lu bơngai yoch khŏm jang gleh hrat na gơh đei tơmam, mong 'măn lê̆, đơ̆ng noh ăn kơ lu bơngai pơm trŏ thoi 'Bok Kei-Dei lăp đon, tơdrong noh kư̆m tơdrong kơ đei, gô mơ̆ng kơ kial bơbơ̆t tơ yơ kiơ̆ tơ noh.

Bôk Bơthô 4:4

Inh kư̆m 'bôh đĭ-đăng tơdrong kon bơngai jang gleh hrat, yua tơdrong gơh hơgei, noh jơ̆ yua kơ tơdrong sư 'ngeng areh klai dih băl. Tơdrong noh kư̆m tơdrong kơ đei, gô mơ̆ng kơ kial bơbơ̆t tơ yơ kiơ̆ tơ noh.

Êsai 1:3

Rơmo băt kơ tơ'ngla, aseh băt kơ bơng 'nhĕt tơ'ngla sư, mă-lei bơngai Isơrael ưh kơ băt, kon pơlei Inh ưh kơ hlôh ôh.”

Êsai 1:4

Ô dêh char yoch kơnê̆ dêh, kon pơlei pơla pơm yoch kơnê̆ trăp dêh tơpă, Adrĕch adrung pơm kơnê̆ dêh, lu kon hơ'lơ̆p pơm kư̆ kă, lu sư achăng hŭt Kră Yang. Lu sư Pơjăm Kră Yang 'Lơ̆ng tơpăt Isơrael, lu sư weh tơklah ataih bơih.

Êsai 12:3

Lu iĕm gô chơt hiôk năm chhŏ iŏk đak đơ̆ng tu tơdrong dŏng pơklaih.

Êsai 5:13

Yua ưh kơhlôh kơwao na kon pơlei pơla Inh jing pơm đĭch đe, lu bơngai yŏng mơng jing lôch kơ pơngot rơwĕt, kon pơlei lu sư jing ol ăk yua kơ rơhing kơ đak.

Êsai 55:2

Liơ lu iĕm pơhuach jên wă răt tơmam mă ưh kơ trŏ kơ tơmam sŏng sa ôh. Ăn jơhngơ̆m gleh lap tơplih iŏk tơmam ưh kơ phĭ? Adrin mơ̆ng bĕ Inh athei sa tơmam mă 'lơ̆ng. Na jơhngơ̆m lu iĕm hiôk kơ tơmam sa bek 'lơ̆ng.

Êsai 63:8

Kră Yang đei khan: “Tơpă lu sư jơ̆ kon pơlei Inh lu kon mă ưh kơ đei pơma hơlĕnh ôh.” Păng Kră Yang boih Tơ'ngla dŏng pơklaih lu sư.

Je 1:16

Inh gô sek tơlang kon pơlei Inh, yua kơ đơ̆ng tơdrong kơnê̆ lu sư pơm, lu sư achăng lê̆ Inh, soh 'long 'bâu phu ăn kơ yang nai păng kơkuh kơ yang mă đơ̆ng ti lu sư pơm kơdih.

Je 14:3

Lu yŏng tơ'ngla wơh lu đĭch đam sư năm chă đak, lu sư năm tơ sơlŭng đak mă-lei ưh kơ đei 'bôh đak, lu sư wih brŏk ge hoh; lu yŏng tơ'ngla mơlâu hlơ̆l, gom lê̆ kơ̆l lu sư.

Je 15:6

Kră Yang khan: “Ih sơngah achăng lê̆ Inh boih. Ih kư̆m oei kơdŭn tơ rŏng, Na Inh gô yơ̆r ti pơrăm ih; Inh ưh pă đei mơnat boih kơ ih.

Je 17:13

Ơ Kră Yang, Ih boih anih hơmĕng tơm kơ bơngai Isơrael, lu bơngai bu achăng lê̆ Ih gô mơlâu! Bơngai bu weh đơ̆ng Inh, chih jô̆ anăn lu sư gah anih lôch, yua kơ lu sư achăng lê̆ Kră Yang mă tu đak glung arih ling-lang.

Je 18:14

Kông Liban. Hăm đei layơ prĕl ưh kơ gom? Đak tơngiĕt ro rok tơmo cheng kông hăm đei oei ro khan hrơ̆ đĭ hă?

Je 19:4

Yua kơ lu sư achăng lê̆ Inh boih, pơm ăn kơ anih 'nâu jing 'mê̆-'mach, hăm tơdrong lu sư soh nhang pơyơ̆r tơmam soi 'buh kơ lu yang nai, mă lu sư, đe yă 'bok lu sư, lu pơtao đe Juđa tam lah băt, pơm kơ anih 'nâu 'bĕnh kơ pham lu bơngai ưh kơ yoch.

Je 2:11

Hăm đei teh đak ayơ tơplih boih yang lu sư, mă khan yang noh ưh kơ trŏ kơ yang tơpă? Mă-lei kon pơlei Inh tơplih boih tơdrong ư-ang Inh hăm tơdrong ưh kơ yua kiơ!

Je 2:17

Hăm trŏ lu iĕm pŭ iŏk kơdih dôm tơdrong noh, yua kơ iĕm achăng Kră Yang 'Bok Kei-Dei iĕm kơplah Sư oei chông iĕm rok trong sơ̆?

Je 2:26

Kŭm thoi lu bơngai tơtông mưh đe rôp, mơlâu pă kĕ, na adrĕch Isơrael; mă pơtao mă yŏng pơgơ̆r, mă lu 'bok soi, mă lu bơngai khan lê̆ adrol kư̆m gô mơlâu thoi noh.

Je 4:22

“Tơpă kon pơlei Inh bơlŭk, lu sư ưh kơ băt kơ Inh. Lu sư oei 'lơ̆p nge kơhlôh, lu sư ưh kơ wao, lu sư nŏng kơ pơm kơnê̆, mă ưh kơ băt pơm minh tơdrong 'lơ̆ng.

Je 5:26

Đei lu bơngai kơnê̆ oei hơdai lăm lu kon pơlei Inh, lu sư thoi bơngai răp dăng hơnhuăl kơ sem, lu sư đăk hơđong wă rôp bơngai.

Je 5:31

Lu bơngai khan lê̆ adrol pơma hơlĕnh, lu 'bok soi pơgơ̆r kiơ̆ thoi lu sư gơh kơdih, lu kon pơlei Inh lăp dêh kơ tơdrong thoi noh. Mă-lei truh năr tôch kơnh lu iĕm gô pơm thoi yơ?”

Êsêkiên 14:5

Inh pơm thoi noh wă kơ Inh iŏk dơ̆ng jơhngơ̆m Isơrael, lu bơngai mă yua kơ đơ̆ng rup yang na weh tơklah đơ̆ng Inh.

Êsêkiên 47:1

Bơngai noh, sư chông ba inh wih dơ̆ng tơ ‘măng mơ̆t tơ anih hnam akŭm; na inh 'bôh đak ro đơ̆ng ala kơtơ̆n 'măng anih hnam akŭm, ro gah hơlĕch; yua kơ anăp hnam akŭm tơ gah hơlĕch, Đak đơ̆ng ala 'măng hnam akŭm gah gơal ro năm tơ gah gơal kơ chơnang soi.

Mi 2:8

Mă-lei 'nao brei mơsơ̆ lu kon pơlei Inh blah plơ̆ thoi ayăt, lu bơngai mă yak rok trong 'nâu hiôk-hian, ưh kơ wă tơblah ôh, lu iĕm athei plôh iŏk ao tai 'nguaih đơ̆ng lu sư, lê̆ lăi kơ lu sư ao lăm đĕch.

Mi 6:3

Ơ kon pơlei inh gô đei pơm kiơ kơ ih? Inh đei pơgleh pơmat ih kiơ? Pơm kơdranh plơ̆ kơ inh bĕ.

Sa 13:1

Lăm năr noh Inh gô pơchoh ăn minh pôm đak glung kơ hnam Đawit păng lu kon pơlei oei lăm Jêrusalem, yua kơ wă ôp tơdrong yoch kơnê̆ 'mê̆ brư̆.

Yo 4:10

Yêsu khan kơ sư: “Dah ih băt kơ tơdrong 'Bok Kei-Dei wă ăn kơ ih păng dah ih băt kơ Inh bơngai thoi yơ mă apinh đak ih nhă na dah ih apinh Inh, Inh ăn hloi kơ ih đak mă ih gơh arih ling-lang.”

Yo 4:11

Duch ei khan kơ Sư: “Ơ 'Bok, Ih ưh kơ đei gơhnŏk wă sŏ đak, na thoi yơ Ih gơh sŏ yua kơ sơlŭng đak âu jrŭ? Na Ih khan wă sŏ đak ăn kơ inh arih, Ih wă sŏ đơ̆ng yơ?

Yo 4:14

Bơngai bu nhă đak đơ̆ng Inh ăn, kơnh sư huay pă rơhing boih. Đak mă Inh ăn kơ sư thoi lĕ đak mơlĕch, sư ro jur suŏn lăm to bơngai mă nhă 'noh, pơm kơ bơngai noh gơh arih ling-lang.”

Yo 7:37

Tơpă wă tôch Năr Giĕng Bơsŭn ei, năr noh năr đe akŭm giĕng tih tơpă, na Yêsu iung dang dơ̆ng bơtho 'bơ̆r re khan: “Bơngai bu rơhing 'maih nhă đak, năm tơ Inh bĕ.

Both 31:16

Kră Yang khan kơ Môis: Ih gô pơdơh hăm lu 'bok ih; kon pơlei 'nâu gô kơkuh kơ yang nai lăm dêh lu sư wă năm mơ̆t lu sư gô achăng lê̆ Inh păng pơm glăi kơ tơdrong pơgơ̆p mă Inh đei pơgơ̆p boih hăm lu sư.

II Pet 2:17

Lu bơngai noh dang ei jing ưh kơ yua, thoi lĕ kơ đak ưh pă ro đơ̆ng tu sư boih; lu sư thoi hơmơ̆l păr tơ rơwơ̆ng kial dơhlu jơ̆p-jang. Thoi noh 'Bok Kei-Dei wă phak lu sư, ăn kơ lu sư oei tơ anih măng mu, yua kơ lu sư jing bơngai ưh pă yua boih.

Tơdrông Tơ'bôh 21:6

Na 'Bok Kei-Dei khan dơ̆ng kơ inh thoi âu: “Inh pơm tôm tơdrong keh boih. Inh thoi chư A, jĭ blŭng-a kơla chă adrol kơ đĭ-đăng lăm dôm tơdrong. Păng Inh kư̆m thoi chư Y, tuch-luch năr tôch kư̆m oei đei Inh. Thoi noh bu ol kơ đak, inh asong nhă đĕch đơ̆ng tu đak ăn kơ kon bơngai gơh arih ling-lang.

Tơdrông Tơ'bôh 22:1

Đơ̆ng noh linh jang 'lơ̆ng ei tơ'bôh dơ̆ng kơ inh đak krong mă ăn kơ kon bơngai arih. Đak krong ei hlăng chơchơr thoi getchai. Sư ro đơ̆ng tang-dŏ 'Bok Kei-Dei hăm Kon Triu.

Tơdrông Tơ'bôh 22:17

Yang Bơhngol 'Lơ̆ng hăm akăn Kon Triu bơtho khan kơ lu bơngai tam mă lui thoi âu: “Bu ol kơ đak nhă bĕ.” Na lu bơngai lui mă mơ̆ng đe đŏk hla bơar tơdrong âu, bĕ lu iĕm kư̆m wang chă bơtho đe thoi noh mơ̆n, khan: “Bu ol kơ đak nhă bĕ.” Năm bĕ bu ol kơ đak, nhă đak noh; đak noh gơh arih kon bơngai ling-lang, nhă đĕch ưh kơ răt ôh.

Lu 10:13

Mă-lei lu iĕm oei achăng lê̆ Inh, kơkuh kơ lu yang nai yua kơ noh na Inh ưh pă wă dŏng pơklaih lu iĕm dơ̆ng.

I Sam 12:10

Lu sư ôr krao apinh Kră Yang: Lu nhôn đei pơm yoch, yua kơ lu nhôn achăng lê̆ Kră Yang, na kơkuh kơ yang Baal păng yang Astarôt; dang ei, apinh Ih dŏng pơklaih nhôn đơ̆ng ti bơngai ayăt hăm nhôn, na lu nhôn gô chu kiơ̆ kơ Ih.