Je 19:13 - Sơ̆p Hlabơar Nơ̆r 'Bok Kei-Dei

¹³ Đĭ-đăng hnam lăm pơlei Jêrusalem păng hnam pơtao Juđa, đĭ-đăng lu hnam ayơ mă tơ kơpal bơbŭng hnam noh đei soh tơmam 'bâu phu kơ lu sơnglŏng tơ kơpal plĕnh păng kư̆m đei tuh ăn tơmam huch sa pơyơ̆r kơ lu yang nai, kư̆m 'mê̆-'mach thoi Tôphet.”

Je 19:13 ပူးပေါင်းရင်းမြစ်များ

II Pot 17:16

Lu sư achăng hŭt lê̆ đĭ-đăng dôm nơ̆r Kră Yang 'Bok Kei-Dei lu sư tơtă, lu sư man kơdih 'bar tŏ rup rơmo kon păng pơm rup yang Asêra păng kơkuh kơ đĭ-đăng lu yang kơpal rơwơ̆ng, păng kơkuh kơ yang Baal.

II Pot 23:10

Pơtao kư̆m pơm pơ'mê̆ lê̆ anih Tôphêt lăm Thŭng Ben Hinôm, wă kơ đơ̆ng âu tơ anăp, ưh kơ đei bu gơh soh pơyơ̆r kon drŏ-nglo dah kon drŏ-kăn sư soi sơmah kơ yang Mơlek.

II Pot 23:12

Pơtao Jôsia kư̆m teng lê̆ lu chơnang soi mă lu pơtao đe Juđa pơm kơpal bơbŭng hnam kơjung, hnam pơtao Ahas; na gah lu chơnang soi mă Manase đei pơdơ̆ng 'bơ̆t 'bar tŏ cham hnam akŭm kơkuh kơ Kră Yang, sư tơlơ̆ păng teh pơchah lê̆, na chĕp ba săi lê̆ kơcheh sư lăm thŭng Kidrôn.

II Pot 23:14

Sư teh pơchah lê̆ lu rup yang pơm păng tơmo, kăl tơpăk lê̆ gơ̆ng rup yang yă Asêra păng tuh pơlŭl lê̆ kơting bơngai tơ noh.

Horiso 74:7

Lu sư soh lê̆ anih 'Lơ̆ng rơgoh Ih truh tơ teh, lu sư pơm pơ'mê̆ kơ anih Anăn Ih.

Horiso 79:1

Ơ Kră Yang 'Bok Kei-Dei, lu bơngai tơmoi blah iŏk boih teh đak Ih. Pơm mơgrĭ kơ hnam akŭm Ih păng pơm kơ Jêrusalem hĕch hoch đĭ.

Êsai 22:1

Nơ̆r khan lê̆ adrol gah thŭng tơdrong tơ'bôh. Lu iĕm đei tơdrong kiơ mă đĭ-đăng lu iĕm tŏk hao bơbŭng hnam thoi noh?

Je 19:12

Kră Yang khan: “Inh gô ăn kơ anih âu păng kon pơlei sư thoi noh, Inh gô pơm kơ pơlei âu thoi Tôphet.

Je 32:29

Lu bơngai Kalđê oei wang blah pơlei tih âu, gô iŏk ŭnh soh pơđĭ hnam anih dĭng truh tơ bơbŭng hnam mă đe pơyơ̆r tơmam 'bâu phu ăn kơ yang Baal păng đe đei soi pơyơ̆r tơmam huch boih kơ lu yang nai hai, lu sư pơm yoch hăm Inh wă tơblĕk Inh.

Je 44:18

Mă-lei đơ̆ng năr lu nhôn ưh pă soh nhang 'bâu phu ăn kơ Pơtao Drŏ-kăn kơpal plĕnh păng tuh pơyơ̆r sik ăn kơ sư, lu nhôn kơ'bah kơ'bôch tôm tơdrong, rai lôch răm kơ đao gưm pơngot rơwĕt!”

Je 52:13

Sư athei đe soh hnam Kră Yang, hăm hnam pơtao păng đĭ-đăng hnam lăm pơlei Jêrusalem. Mă lu hnam kuan tih oei ŭnh sa đĭ.

Je 7:18

Lu hơ'lơ̆p dônh 'long ŭnh, 'bă tơkuh ŭnh, lu drŏ-kăn jrâu tơpŭng pơm 'bĕng pơyơ̆r kơ pơtao Drŏ-kăn tơ Plĕnh ti; păng lu sư kư̆m tuh pơyơ̆r tơmam huch kơ lu yang nai, pơm wă Inh klai.

Je 8:2

Đe gô sơ̆k kơting noh tơ tŏ măt 'năr măt khei păng lu sơnglŏng đơ̆ng plĕnh ti, noh tơmam mă lu sư 'mêm kơeng, chơchă kơkuh awih awăn, kiơ̆. Lu kơting noh đe ưh pă đei dônh pơpôi, ưh pă 'bŭ dơ̆ng; gô jing thoi mơ̆r kơpal teh.

Êsêkiên 20:28

Inh chông ba lu sư mơ̆t tơ char mă Inh pơkă ăn kơ lu sư, mă-lei lăp lu sư 'bôh groi kơjung păng lu 'long đei hla rơ̆m, lu sư iŏk tơmam soi pơyơ̆r tơ noh. Lu sư pơyơ̆r tơmam soi noh tơblĕk Inh lu sư pơyơ̆r tơmam soh 'bâu phu păng tơmam soi huch sa tơ noh.

Jêphania 1:5

Inh gô pơlôch lu bơngai kơkuh kơ tơmam kơpal plĕnh tơ bơbŭng hnam; păng lu bơngai đei pơkă pơkăm hăm Kră Yang păng kư̆m đei pơkă pơkăm dơ̆ng hăm lu pơtao lu sư kơdih;

Jang 10:9

Năr dơning dơ̆ng lu sư năm wă jê̆ truh tơ Pơlei Japa. Lăp truh 'năr dơ̆ng, Pêtrôs tŏk tơ anih hnam mă kơpal sư wă krao khan kơ 'Bok Kei-Dei.

Jang 7:42

“Thoi noh na 'Bok Kei-Dei ưh pă wă kơ lu sư dơ̆ng ôh. 'Bok Kei-Dei ăn kơ lu sư kơkuh kơ măt 'năr, măt khei păng lu sơnglŏng tơ plĕnh ti đĕch. 'Noh thoi lu 'bok pơtruh nơ̆r 'Bok Kei-Dei khan: ‘Ơ lu đe Isơrael, iĕm ưh kơ sơmah kơ Inh Kră Yang iĕm 'Bok Kei-Dei kơplah iĕm oei puăn-jĭt sơnăm tơ char glă sơ̆.

Both 4:19

Kơnh hli kơ lu iĕm pơm ngoi lăng tơ plĕnh 'bôh măt 'năr, măt khei, lu sơnglŏng dôm lu tơmam kơpal plĕnh, kơnh iĕm 'maih wă kơkuh kơ dôm lu tơmam noh păng drap kơkuh kơ lu sư. Mă Kră Yang 'Bok Kei-Dei asong ăn tơmam noh kơ kon bơngai oei ala teh âu.