Je 18:23 - Sơ̆p Hlabơar Nơ̆r 'Bok Kei-Dei

²³ Ơ Kră Yang, Ih băt boih, đĭ lu sư chă đon wă pơlôch inh. Apinh Ih 'nĕ pă mơnat ăn tơdrong yoch kơnê̆ lu sư, apinh Ih 'nĕ sut tơdrong yoch lu sư đơ̆ng anăp Ih. Apinh Ih ăn kơ lu sư pơ̆k 'bơ̆t anăp Ih. Apinh Ih phak lu sư lăm năr Ih hil!

Je 18:23 ပူးပေါင်းရင်းမြစ်များ

Horiso 119:126

Truh boih kơ jơ Kră Yang wă pơm. Yua kơ đei bơngai pơm pơhloh kơ tơdrong juăt Ih

Horiso 35:4

Ăn kơ lu bơngai chă pơlôch tơ rŏng arih inh gô mơlâu păng hlơ̆l lĕm. Rŏ kơ pơm ăn kơ lu bơngai chă pơrăm inh kơdŭn tơ rŏng păng mơlâu.

Horiso 56:8

Kră Yang jô̆ rim yak inh, mă năm mă brŏk;f Ih mong đak măt inh lăm kơhnŏk Ih. Đak măt inh Ih ưh kơ chih lăm sơ̆p hla bơar ih hă?

Horiso 59:5

Ơ Kră Yang Ih boih 'Bok Kei-Dei Tih Hloh, jơ̆ Kră Yang 'Bok Kei-Dei Isơrael. Iung bĕ na phak đĭ kơ teh đak. 'Nĕ kơ mơnat kơ lu bơngai pơm kơnê̆. Sêla

Êsai 10:3

Lăm năr sek tơlang, Kơplah đei tơdrong kơnê̆ truh đơ̆ng ataih lu iĕm gô pơm kiơ? Lu iĕm kơdâu tơ bu mă lu iĕm wă gơnang dŏng tơgŭm? Lu iĕm wă 'măn mŭk tơmam iĕm tơ yơ?

Êsai 2:9

Bơngai hmă gô mơlâu, bơngai mơng đe gô tơjur apinh Kră Yang 'nĕ kơ mơnat!

Je 11:23

Ưh kơ đei minh 'nu bu klaih ôh. Yua kơ Inh gô ăn tơdrong gleh răm truh kơ kon pơlei Anathôt lăm sơnăm Inh phak lu sư.’

Je 15:15

Ơ Kră Yang, Ih băt đĭ boih, apinh Ih 'blŏk kơ inh păng wei-lăng inh, apinh iung kơting bĕ kơ lu bơngai mă pơm kơnê̆ kơ inh. Hăm tơdrong Ih mơnat, 'nĕ kơ hŭt lê̆ inh. Ih kư̆m 'blŏk, yua kơ Ih na inh pŭ iŏk tơdrong đe pơjăm.

Je 17:18

Apinh Ih pơm kơ lu bơngai rôp pơmat inh mơlâu, mă-lei 'nĕ ăn kơ inh mơlâu; ăn kơ lu sư hli tơrơ, mă-lei 'nĕ ăn kơ inh hli tơrơ! Ăn kơ năr gleh pơmat truh kơ lu sư; apinh Ih pơrăm lu sư hloh kơ 'bar wơ̆t.”

Je 17:4

Lu iĕm gô hiong mŭk tơmam mă đơ̆ng Inh ăn noh. Inh gô jao iĕm jang kơ lu bơngai ayăt kơ iĕm, tăm minh pôm teh đak mă lu iĕm tam lah băt; yua kơ lu iĕm pơgơ̆p ŭnh tơdrong Inh hil rai dêh, ŭnh gô sa khơ̆ng ling-lang ưh kơ păt.

Je 18:18

Na lu sư khan: “Năm bĕ, chă đon blah Jêrêmi. Yua kơ bơ̆n oei đei 'bok soi bơtho khôi juăt oei đei lu bơngai hơgei, chă pơđâu, oei đei lu bơngai khan lê̆ adrol bơtho nơ̆r Kră Yang kơ lu bơ̆n. Bĕ bơ̆n chă sư pơma glăi păng 'nĕ pă mơ̆ng nơ̆r sư pơma kiơ kiơ.”

Je 26:11

Lu 'bok soi, lu 'bok khan lê̆ adrol, pơma hăm lu kră pơgơ̆r păng đĭ-đăng kon pơlei pơla khan: Bơngai âu trŏ kơ pơlôch, yua kơ sư đei pơma khan lê̆ adrol wă pơm kơ pơlei âu, đon lu iĕm đei kơtơ̆ng boih.

Je 26:8

Đang kơ Jêrêmi roi tơbăt dôm nơ̆r Kră Yang athei sư roi tơbăt ăn kơ kon pơlei pơla, lu 'bok soi lu bơngai khan lê̆ adrol păng lu kon pơlei rôp sư păng khan: Ih trŏ kơ lôch!

Je 37:15

Lu Kră pơgơ̆r hil kơ Jêrêmi teh tôn păng chĭt phak tơ lăm hnam Jônathan bơngai chih hla bơar; yua kơ đe iŏk hnam noh pơm hnam phak.

Je 38:4

Lu yŏng pơgơ̆r khan kơ pơtao: “Pơlôch bĕ bơngai 'nâu, yua kơ sư pơma thoi noh, pơm ăn kơ đon lu linh mă oei oei lăm pơlei âu păng pơm kơ jơhngơ̆m kon pơlei rơdu. Bơngai âu ưh kơ chă trong wă pơklaih kon pơlei ôh, mă-lei chă trong wă pơrăm.”

Je 6:15

Lu sư pơm yoch kơnê̆ dêh hăm mơlâu ưh? Lu sư ưh kơ đei mơlâu ôh, muh măt lu sư ưh kơ đei layơ đum rak mơlâu. Kŭm ưh kơ băt mơlâu noh kiơ. Lei na lu sư gô pơ̆k hơdai hăm lu bơngai mă pơ̆k huŏng; truh năr Inh phak pơmat lu sư, lu sư gô hraih đang.” Kră Yang khan thoi noh.

Je 6:21

Yua kơ thoi noh Kră Yang khan: “'Nâu Inh gô găn anăp lu sư wă kơ lu sư pơ̆k. 'Bă păng kon drŏ-nglo lu sư gô răm; buăl juăt rông 'bôt lu sư gô lôch hiong đĭ.”

Je 7:20

Yua kơ thoi noh Kră Yang khan: “'Nâu Inh gô tuh tơdrong Inh hil tơ lăm dêh char âu, tơ lu kon bơngai tơ lu sem dơrong tơ lu 'long plei lăm mir păng plei yua đơ̆ng teh. Tơdrong Inh hil gô soh pơđĭ, ŭnh gô sa ưh kơ đei păt.”

Je 8:12

“Trŏ kơ lu sư mơlâu pơm tơdrong kơnê̆ krưp, mă-lei lu sư ưh kơ băt mơlâu, Kŭm ưh kơ băt hlơ̆l lĕm. Thoi noh na lu sư gô huŏng pơ̆k hơdai lu bơngai mă pơ̆k huŏng; truh năr wă phak lu sư gô pơ̆k răm,” noh Kră Yang khan.

Nhom 3:60

Lu sư 'mong, pơđâu wă pơm pơrăm inh, Na Ih 'bôh boih.

Nhom 3:61

Ơ Kră Yang, Ih kơtơ̆ng boih lu sư pơm kơnê̆, chă đon lơ tơdrong wă pơm kơ inh.

Luka 21:22

Năr noh kơnh trŏ kơ năr 'Bok Kei-Dei wă phak lu bơngai Juđê thoi sơ̆p hla bơar 'Bok Kei-Dei khan mă đơ̆ng sơ̆, gô trŏ kơ năr noh tơpă.

Rom 2:5

Iĕm arăng kơ̆l tơpă na ưh kơ jah tơbral kơdih tơdrong yoch, thoi noh na rai đunh rai đei tơdrong yoch tih, na mưh truh năr 'Bok Kei-Dei sek tơlang ning-mônh Sư phak iĕm kư̆m tih thoi tơdrong yoch iĕm pơm noh mơ̆n.