Je 18:19 - Sơ̆p Hlabơar Nơ̆r 'Bok Kei-Dei

¹⁹ Ơ Kră Yang, mơ̆ng inh bĕ. Apinh Ih pơgling đon mơ̆ng nơ̆r lu bơngai ayăt kơ inh pơma.

Je 18:19 ပူးပေါင်းရင်းမြစ်များ

II Pot 19:16

Ơ Kră Yang apinh Ih pơđêng đon mơ̆ng bĕ. Ơ Kră Yang apinh Ih lar măt lăng nhôn, apinh Ih mơ̆ng bĕ dôm lu nơ̆r mă Senacherip pơma wă pơjăm Kră Yang 'Bok Kei-Dei mă arih ling-lang.

Ne 6:9

Yua kơ lu sư wă tơhli lu nhôn; inh păng đĭ-đăng nhôn hli; lu sư khan: Ti lu sư gô gleh lap, ưh pă gơh jang dơ̆ng, na dang ei hloi, ơ Kră Yang pơm bĕ kơ ti inh jing pran.

Horiso 109:28

Lê̆ lu sư blei hiap, mă-lei Ih ăn pŭn hiôk. Layơ lu sư iung blah lu sư gô mơlâu, Mă-lei gah lu đĭch đam Ih gô chơt hiôk.

Horiso 109:4

Mă inh 'mêm kơ lu sư, lu sư oei ayăt kơ inh. Mă inh oei krao khan kơ lu sư.

Je 18:18

Na lu sư khan: “Năm bĕ, chă đon blah Jêrêmi. Yua kơ bơ̆n oei đei 'bok soi bơtho khôi juăt oei đei lu bơngai hơgei, chă pơđâu, oei đei lu bơngai khan lê̆ adrol bơtho nơ̆r Kră Yang kơ lu bơ̆n. Bĕ bơ̆n chă sư pơma glăi păng 'nĕ pă mơ̆ng nơ̆r sư pơma kiơ kiơ.”

Je 18:20

Đe pơm 'lơ̆ng hăm trŏ apah tơdrong kơnê̆? Lei liơ lu sư sir boih sơlŭng wă tơhuŏng inh. Apinh Ih 'blŏk kơ inh ngăl dơ̆ng 'bơ̆t anăp Ih apinh Ih ăn kơ lu sư tơdrong 'lơ̆ng, apinh Ih 'nĕ pă hil kơ lu sư.

Je 20:12

Ơ Kră Yang Tih Hloh! Ih boih Tơ'ngla pơlong lăng lu bơngai tơpăt, lăng 'bôh đĭ lăm jơhngơ̆m klơm klak lăm kơ̆l 'ngok, Ăn bĕ kơ inh 'bôh tơdrong Ih wă pơm 'mong kơ lu sư, Yua kơ inh jao boih tơdrong inh kơ Ih.

Nhom 3:59

Ơ Kră Yang Ih 'bôh boih đe pơjuă pơđep inh. Apinh Ih sek tơlang tơdrong inh.

Mi 7:8

Ơ lu ayăt kơ inh, 'nĕ mah chhôk kơ inh dêh mă khan inh pơ̆k huŏng boih; kư̆m gô iung dơ̆ng; mă khan inh tơoei lăm anih măng mu, 'Bok Kei-Dei gô pơchrang kơ inh hơdah.