Je 17:25 - Sơ̆p Hlabơar Nơ̆r 'Bok Kei-Dei

²⁵ lei na lu pơtao hơ-oei tơ tang-dŏ pơtao Đawit gô hao gre aseh hao aseh hơdai hăm lu yŏng pơgơ̆r, lu bơngai Juđa hăm lu kon pơlei oei lăm Jêrusalem mơ̆t trong 'măng dur pơlei 'nâu; păng pơlei 'nâu oei đei bơngai oei ling-lang.

Je 17:25 ပူးပေါင်းရင်းမြစ်များ

II Sam 7:16

Adrĕch hnam ih ưh kơ đei khăi bơngai pơtrơp ih; Inh gô ăn tang-dŏ ih kơjăp khŏm khŏm. Păng dêh char pơtao ih oei kơjăp ling-lang khŏm khŏm.”

II Sam 8:4

Pơtao Đawit rôp linh pơtao Sôba pơm bơnă minh-rơbâu tơpơh-hrĕng linh hao aseh, păng 'bar-jĭt rơbâu linh năm jơ̆ng, linh pơtao Sôba. Pơtao Đawit kư̆m koh lê̆ huan jon aseh păng aseh dui gre lê̆ kơ lu sư oei pă lăp kơ dui minh-hrĕng tŏ gre đĕch.

Le 12:14

Lu iĕm athei chih răk năr âu wă kơ iĕm 'blŏk ling-lang; truh tơ rim jơhnơr athei wei pơm giĕng ăn kơ Kră Yang, wă khan minh tơdrong giĕng pơjing tơtă ling-lang.

Êsai 9:7

Nơ̆r Kră Yang hơtă hil kơ Jakôp păng nơ̆r noh tuh ăn kơ Isơrael.

Je 13:13

Ih athei khan kơ lu sư. Kră Yang khan: “'Nâu, Inh gô tuh sik 'bĕnh kơ 'bơ̆r kon pơlei oei lăm dêh char âu, lu pơtao mă hơ-oei 'bơ̆t tang-dŏ pơtao Đawit, lu 'bok soi, lu 'bok khan lê̆ adrol păng kơ đĭ-đăng lu bơngai mă oei lăm pơlei Jêrusalem.

Je 22:2

‘Mơ̆ng bĕ nơ̆r Kră Yang khan ơ pơtao Juđa, bơngai mă hơ-oei 'bơ̆t tang-dŏ pơtao Đawit, ih, lu yŏng pơgơ̆r păng lu kon pơlei ih mơ̆t lĕch trong 'măng jang âu.

Je 22:30

Kră Yang khan: “Chih jô̆ bĕ bơngai 'nâu hơdai hăm lu bơngai ưh kơ đei hơ'lơ̆p, ưh kơ đei pŭn hiôk jơnap kơplah sư oei arih; Yua kơ lu kon sâu sư ưh kơ đei bu pŭn hiôk jơnap, gơh hơ-oei tơ tang-dŏ pơtao Đawit, păng gơh pơgơ̆r lăm adrĕch Juđa dơ̆ng!”

Je 22:4

Tơdah lu iĕm đĭ jơhngơ̆m chu pơm kiơ̆ dôm nơ̆r tơtă 'nâu, na iĕm gô đei pơtao pơtrơp hơ-oei 'bơ̆t tang-dŏ pơtao Đawit hao gre aseh păng hao aseh hăm lu yŏng pơgơ̆r, lu kon pơlei ih gô mơ̆t lĕch rok trong 'măng jang hnam pơtao 'nâu.

Je 25:5

Lu sư khan: ‘Rim 'nu kơ lu iĕm athei weh đơ̆ng tơdrong kơnê̆, achăng lê̆ bĕ tơdrong pơm yoch kơnê̆, na lu iĕm gô oei lăm teh đak Kră Yang ăn boih kơ lu iĕm păng lu 'bok yă iĕm sơ̆ khơ̆ ning-mônh hlŏng hloi.

Je 33:15

“Lăm lu 'năr noh păng kơplah ei kơnh, Inh gô ăn đei minh pôm dơng tơpăt sĭt chăt đơ̆ng adrĕch Đawit. 'Bok noh gô pơm tơdrong tơpăt hơnơ̆ng lăm teh đak.

Je 33:17

Yua kơ Kră Yang khan: “Adrĕch Đawit ưh kơ đei khăi ôh bơngai drŏ-nglo pơtrơp oei tơ tang-dŏ pơtao adrĕch Isơrael.

Je 33:21

lei na gơh pơrăm nơ̆r pơgơ̆p Inh hăm Đawit, đĭch đam Inh, wă khan sư ưh pă đei kon sâu drŏ-nglo wă pơm pơtao pơgơ̆r dơ̆ng păng pơrăm nơ̆r pơgơ̆p Inh hăm lu 'Bok soi, bơngai Lêwi, lu bơngai jang kơ Inh kư̆m lei-lăi.

Je 7:3

Kră Yang Tih Hloh 'Bok Kei-Dei bơngai Isơrael khan thoi âu: “Hơmet tơplih ming bĕ trong tơdrong arih lu iĕm păng tơdrong jang lu iĕm; lei na Inh ăn kơ lu iĕm oei oei lăm anih 'nâu.

Je 7:7

na Inh gô ăn kơ iĕm oei arih tơ lăm anih 'nâu lăm dêh char mă Inh đei ăn boih kơ 'bok yă iĕm đơ̆ng sơ̆ khơ̆ ning-mônh hloi.

Both 17:16

Mă-lei pơtao ei 'nĕ kơ mah hiơ̆k dêh wă kơ đei aseh lơ, wă chông ba kon pơlei brŏk hơlơ̆k dơ̆ng tơ dêh Êyiptơ chă aseh; đơ̆ng Kră Yang khan: Lu iĕm 'nĕ pă wih brŏk dơ̆ng trong noh.

Hêbrơ 12:22

Mă-lei kông mă 'Bok Kei-Dei wă tơ'bôh kơ bơ̆n, ưh kơ sĭ kơ kông Sinai lu bơngai noh sơ̆ ôh. Bơ̆n gô tŏk truh tơ kông Siôn tơ plĕnh ti mă đe anăn Pơlei Jêrusalem, pơlei tơ'ngla 'Bok Kei-Dei mă arih ling-lang. Tơ ei ưh kơ băt dôm rơbâu rơngan 'nu lu linh jang 'lơ̆ng akŭm kơkuh kơ 'Bok Kei-Dei hiôk chơt.

I Sam 8:11

na khan: 'Nâu tơdrong mă pơtao iĕm gô pơgơ̆r lu iĕm. Sư gô rôp kon drŏ-nglo iĕm pơm linh wă huơ̆r gre aseh sư, dah ăn hao aseh, mơ'nah yak jơ̆ng wă kơ năm tơblah adrol kơ gre sư.