Je 17:22 - Sơ̆p Hlabơar Nơ̆r 'Bok Kei-Dei

²² Lăm năr Sa'bat, 'nĕ kơ pŭ dah tung tơmam kiơ đơ̆ng lăm hnam iĕm, dah 'nĕ kơ jang kiơ; mă-lei athei 'măn năr Sa'bat jing năr giĕng 'lơ̆ng rơgoh, thoi Inh đei tơtă khan kơ lu 'bok yă iĕm sơ̆.

Je 17:22 ပူးပေါင်းရင်းမြစ်များ

Ne 13:15

Kơplah chăl noh, inh 'bôh lăm char Juđa lu bơngai hmĕt đak hơmu, lăm năr Sa'bat chĕp hơchô̆ 'ba chơ tơ kơdŭ aseh păng kư̆m chơ sik plei hơmu, plei hơra păng chơ dôm lu tơmam trăp, na chơ chĕp ba mơ̆t lăm pơlei Jêrusalem lăm năr Sa'bat. Inh khă lu sư mơdro tơmam sŏng sa lăm năr noh.

Le 23:12

Lăm rim giĕng ih athei bơ̆jang lăm tơdrâu năr, sơmă truh kơ năr mă tơpơh athei pơdơh, wă kơ rơmo păng aseh iĕ ih gơh pơdơh mơ̆n; hăm kon đĭch đam drŏ-kăn păng bơngai tơmoi gơh pơdơh jơhngơ̆m rơhơi.

Êsai 58:13

“Tơdah iĕm wei răk huay kơ pơm yoch lăm năr pơdơh Sa'bat. Ưh kơ pơm dôm tơdrong iĕm 'maih wă lăm năr rơgoh Inh. Tơdah iĕm lăng năr pơdơh Sa'bat jơ̆ năr hiôk chơt, lăng năr rơgoh Kră Yang jơ̆ trŏ kơ pơyom; tơdah iĕm pơyom gĭt năr noh ưh kơ đei pơm kiơ̆ trong iĕm kơdih, ưh pă pơm kiơ̆ đon iĕm kơdih 'maih wă păng ưh pă pơma nơ̆r mơ̆ng kơ wăn.

Je 17:24

Kră Yang khan: “Tơdah lu iĕm 'maih mơ̆ng Inh, tơdah iĕm ưh pă đei pŭ dah tung tơmam rok trong 'măng jang pơlei âu lăm năr Sa'bat, mă-lei lu iĕm 'măn lê̆ năr Sa'bat noh jing năr 'lơ̆ng rơgoh, ưh kơ jang tơdrong kiơ lăm năr noh,

Êsêkiên 20:12

Inh ăn boih kơ lu sư năr giĕng Sa'bat wă pơm tơdra tŏk-bŏk lu sư hăm Inh, wă kơ lu sư băt Inh boih Kră Yang pơm kơ lu sư rơgoh.

Êsêkiên 22:8

Ih pơjăm tơmam rơgoh Inh păng pơm yoch kơnê̆ 'mê̆-'mach lăm năr Sa'bat Inh!

Lêwi 19:3

Rim 'nu lu iĕm athei lui yom kơ mĕ 'bă păng răk năr Sa'bat Inh, Inh boih Kră Yang 'Bok Kei-Dei lu iĕm.

Lêwi 23:3

Đe gô bơ̆jang lăm tơdrâu năr; mă-lei năr tơpơh, noh năr Sa'bat, năr đe pơdơh wă khan năr akŭm kơkuh 'lơ̆ng rơgoh. 'Nĕ kơ bơ̆jang kiơ; noh năr Sa'bat kơ Kră Yang tơ lăm jơ̆p-jang anih lu iĕm.

Sa 1:4

'Nĕ kơ pơm thoi 'bok yă lu iĕm sơ̆ thoi lu 'bok khan lê̆ adrol sơ̆ đei krao lu sư. Kră Yang Tih Hloh đei khan: ‘Dang ei weh bĕ đơ̆ng trong kơnê̆ păng đơ̆ng lu tơdrong pơm kơnê̆.’ Mă-lei lu sư ưh kơ mơ̆ng, kuă kơ mơ̆ng Inh, Kră Yang khan thoi noh.

Luka 23:56

Klaih kơ noh lu sư brŏk tơ hnam chă hơmet pơgang 'bâu phu wă năm pik tơ akâu Yêsu. Kơplah năr pơdơh Sa'bat lu sư kư̆m pơdơh kiơ̆ kơ tơdrong juăt 'Bok Kei-Dei mơ̆n.

Luka 6:5

Yêsu khan dơ̆ng kơ lu bơngai Pharisi: “Inh Kon Bơngai, Inh boih yŏng pơgơ̆r kơ năr pơdơh Sa'bat.”

Tơdrông Tơ'bôh 1:10

Đei minh năr, mă năr giĕng kơkuh kơ Kră Yang, na Yang Bơhngol 'Lơ̆ng tơ'bôh kơ inh tơdrong hlĭch. Inh kơtơ̆ng tơ rŏng inh nhen đei nơ̆r pơma re jơwa thoi đe hlôm keng