Je 16:13 - Sơ̆p Hlabơar Nơ̆r 'Bok Kei-Dei

¹³ Na Inh gô pơpuh klơ̆m hŭt lê̆ lu iĕm đơ̆ng char âu, mơ̆t tơ lăm minh pôm char mă lu iĕm păng 'bok yă lu iĕm ưh kơ tam biơh băt. Tơ noh lu iĕm gô jang kơ lu yang nai măng năr; na Inh ưh pă mơnat kơ lu iĕm boih.

Je 16:13 ပူးပေါင်းရင်းမြစ်များ

II Pot 25:21

Pơtao đe Babilôn teh pơlôch lu đe noh tơ lăm Pơlei Riblah, lăm dêh Hamat. Noh đe rôp ba lu bơngai Juđa pơm bơnă tơ 'nguaih kơ dêh char sư.

II Ho 7:20

lei Inh gô buch hŭt lê̆ lu iĕm đơ̆ng lăm teh đak mă Inh đei ăn kơ lu iĕm; Inh gô achăng lê̆ hnam akŭm âu đơ̆ng anăp Inh, hnam mă Inh 'măn lê̆ 'lơ̆ng rơgoh kơ Anăn Inh boih, Inh gô ăn kơ sư jing nơ̆r đe pơđơ̆k pơjăm pơjuă lăm kon pơlei nai.

Horiso 81:12

Thoi noh, Inh achăng lê̆ lu sư pơm kiơ̆ kơ jơhngơ̆m arăng kơ chu lu sư. Kiơ̆ kơ tơdrong lu sư chă đon kơdih.

Je 10:18

'Nâu Kră Yang khan: “Lăm năr âu Inh gô pơpuh lu bơngai mă oei lăm char âu, Inh gô ăn tơdrong truh, wă kơ đe rôp lu sư pơm bơnă.”

Je 14:8

Ơ Kră Yang Ih boih tơ'ngla mă lu bơngai Isơrael chang hơmĕng. Tơ'ngla mă dŏng pơklaih kơplah năr đei tơdrong truh, liơ Ih nhen thoi bơngai tơmoi lăm char âu, Thoi bơngai chă yak găn weh 'bĭch kơmăng đĕch.

Je 15:1

Kră Yang khan kơ inh: “Mă khan Môis păng Samuel dơ̆ng 'bơ̆t anăp Inh, Inh kư̆m ưh kơ mơnat kơ kon pơlei 'nâu. Pơpuh tơweh bĕ lu sư đơ̆ng anăp Inh.

Je 15:14

Inh gô ăn kơ lu iĕm jang kơ lu bơngai ayăt kơ iĕm, lăm dêh char mă lu iĕm ưh tam băt, yua kơ lăm tơdrong Inh hil thoi ŭnh khơ̆ng, Soh chhông sa lu iĕm.”

Je 15:4

Inh gô pơm ăn kơ lu sư jing bơngai đĭ-đăng kơ dêh char lăm teh âu lăng krưp, yua kơ tơdrong yoch Manase, kon drŏ-nglo Hesekia pơtao đe Juđa, đei pơm yoch boih tơ lăm pơlei Jêrusalem.

Je 16:5

“Kră Yang khan: Ih 'nĕ kơ mơ̆t tơ lăm hnam lôch; ih 'nĕ kơ năm ngôi hơpong păng kư̆m 'nĕ kơ pơlung lu sư; yua kơ Inh pơdrâu lê̆ boih tơdrong hiôk tơdrong 'mêm mơnat Inh đơ̆ng kon pơlei âu.” Noh Kră Yang khan.

Je 17:4

Lu iĕm gô hiong mŭk tơmam mă đơ̆ng Inh ăn noh. Inh gô jao iĕm jang kơ lu bơngai ayăt kơ iĕm, tăm minh pôm teh đak mă lu iĕm tam lah băt; yua kơ lu iĕm pơgơ̆p ŭnh tơdrong Inh hil rai dêh, ŭnh gô sa khơ̆ng ling-lang ưh kơ păt.

Je 22:26

Inh gô puh lê̆ ih hăm mĕ ih tơ dêh nai, ưh kơ trŏ kơ dêh char mă đêl tơpŭ kơ ih păng măr iĕm gô lôch tơ noh.

Je 22:28

Hăm trŏ Jêhôiachin jing bô̆i teh pơchah boih, mă đe areh? Minh pôm bô̆i teh ưh kơ đei bu wă? Liơ sư hăm lu adrĕch adrung sư đe klơ̆m hŭt lê̆ ataih, tơ char mă lu sư ưh kơ băt?

Je 5:19

‘Layơ kon pơlei ih jet: Liơ Kră Yang 'Bok Kei-Dei lu bơ̆n pơm kơ lu bơ̆n thoi âu?’ Ih gô tơl lu sư: ‘Lu iĕm đei achăng lê̆ Kră Yang, na bơ̆jang kơ lu yang nai lăm dêh char iĕm thoi yơ, lu iĕm gô bơ̆jang kơ lu yang nai lăm tơring tơmoi mă ưh kơ trŏ kơ char iĕm thoi noh mơ̆n.’

Je 6:15

Lu sư pơm yoch kơnê̆ dêh hăm mơlâu ưh? Lu sư ưh kơ đei mơlâu ôh, muh măt lu sư ưh kơ đei layơ đum rak mơlâu. Kŭm ưh kơ băt mơlâu noh kiơ. Lei na lu sư gô pơ̆k hơdai hăm lu bơngai mă pơ̆k huŏng; truh năr Inh phak pơmat lu sư, lu sư gô hraih đang.” Kră Yang khan thoi noh.

Both 28:36

Kră Yang gô puh iĕm păng pơtao mă iĕm rơih pôk kơdih, truh tơ minh adrĕch adrung mă iĕm hăm 'bok iĕm tam lah băt. Tơ noh iĕm gô kơkuh kơ lu yang nai, pơm păng 'long dah păng tơmo.

Both 29:28

Lăm tơdrong ơh blĕk dêh păng tơdrong hil mĭl krưp dêh tơpă Kră Yang buch lê̆ boih na klơ̆m hŭt lê̆ lu sư tơ char nai, thoi kơ năr 'nâu.