Je 15:7 - Sơ̆p Hlabơar Nơ̆r 'Bok Kei-Dei

⁷ Inh gô um pơliĕng lu sư hăm kial 'bơ̆t lu 'măng jang pơlei lăm teh âu, Inh gô săi lê̆ lu sư tơ jơ̆p kơ pơlei, Inh gô pơrăm lê̆ kon pơlei pơla Inh, yua kơ lu sư ưh kơ weh đơ̆ng trong yoch, na wih tơ Inh.

Je 15:7 ပူးပေါင်းရင်းမြစ်များ

Horiso 1:4

Lu bơngai kơnê̆ ưh kơ đei thoi noh; Lu sư thoi hơnong 'ba kial pơđông.

Êsai 41:16

Lu iĕm gô um sư na gô tơthu pơđông lu sư, phŭt gô huơ̆r lu sư tơklah hiong đĭ, mă-lei gah lu iĕm gô chơt hiôk lăm Kră Yang gô ư-ang kơ Tơ'ngla 'Lơ̆ng Rơgoh Isơrael.

Êsai 9:12

Mă-lei kon pơlei ưh kơ wih brŏk ôh tơ tơ'ngla mă teh pơjĭ lu sư, kư̆m ưh kơ chơchă Kră Yang Tih Hloh.

Êsai 9:13

Thoi noh na lăp minh năr đĕch, Kră Yang gô chơ̆ng lê̆ đơ̆ng Isơrael chơ̆ng kơ̆l păng kiĕng đĭ-đăng 'long gao hăm 'nhĕt gơlăr.

Je 18:21

Mă-lei ăn kơ kon sâu sư pơngot rơwĕt, ăn kơ lu sư lôch kơ đao gưm. Lê̆ lu drŏ-kăn hiong kon, sư păng adro po, Klo lu sư lôch hơbuh, ăn kơ lu kon tơdăm lu sư lôch kơ đao hơlă tơ anih tơblah.

Je 5:3

Ơ Kră Yang! Hăm trŏ kơ măt Ih chă lăng jơhngơ̆m tơpăt sĭt? Ih teh boih lu sư, lu sư ưh kơ băt jĭ, ih pơrăm lu sư boih, mă-lei lu sư oei kơchu kơ tơdrong Ih teh bơtho noh. Lu sư pơrơ̆ng pơm kơ muh măt lu sư arăng hơrăk thoi tơmo. Lu sư ưh kơ wă tơbral tơdrong yoch.

Je 51:2

Inh gô wơh lu bơngai tơmoi năm um hŭt Babilôn. Lu sư pơrăm char noh pơchah pơchek. Lu sư năm wang blah Babilôn dơ̆ng puăn pah, lăm năr pơmat-tat.

Je 9:21

Tơdrong lôch tŏk tơ 'măng-'mŏk bơ̆n boih, Mơ̆t truh boih tơ lu anih kơjăp bơ̆n; Pơlôch boih lu hơ'lơ̆p tơ rok trong tih, pơlôch boih kon tơdăm bơ̆n tơ lăm cham pơlei.”

Êsêkiên 24:21

Khan bĕ kơ adrĕch Isơrael: 'Nâu nơ̆r Kră Yang khan: Âu, Inh gô pơm 'mê̆-'mach kơ anih 'lơ̆ng rơgoh Inh, noh anih kơđông kơjăp lu iĕm gơnang, tơdrong chơt hiôk kơ măt lu iĕm. Jơhngơ̆m lu iĕm 'maih wă. Kon drŏ-nglo kon drŏ-kăn lu iĕm mă lê̆ bơih gô pơ̆k lôch kơ đao.

Êsêkiên 24:25

Gah ih, ơ kon bơngai, lăm năr Inh gô iŏk lê̆ kơđông kơjăp lu sư, tơdrong chơt hiôk, tơdrong ư-ang, tơdrong chơt hiôk kơ măt lu sư, tơdrong jơhngơ̆m lu sư hơpơi wă hăm kon drŏ-nglo kon drŏ-kăn lu sư,

Êsêkiên 36:12

Inh gô ăn lu kon pơlei, noh kon pơlei Isơrael Inh gô yak kơpal teh ih; lu sư gô iŏk ih wei pơm tơmam lu sư, ih jing tơmam lu sư, Lu sư ưh pă kơ'bah lu kon sâu.

Sa 1:4

'Nĕ kơ pơm thoi 'bok yă lu iĕm sơ̆ thoi lu 'bok khan lê̆ adrol sơ̆ đei krao lu sư. Kră Yang Tih Hloh đei khan: ‘Dang ei weh bĕ đơ̆ng trong kơnê̆ păng đơ̆ng lu tơdrong pơm kơnê̆.’ Mă-lei lu sư ưh kơ mơ̆ng, kuă kơ mơ̆ng Inh, Kră Yang khan thoi noh.

Mathiơ 3:12

'Bok ei sek tơlang kon bơngai thoi lĕ kơ Sư chĕp minh hlak kơđum wă um tŭk đĭ dôm lu 'ba bo. Na Sư iŏk lu 'ba liĕng wă tah lê̆ lăm kŭ 'ba Sư. Na dôm lu 'ba bo noh Sư wă soh tŭk đĭ tơ ŭnh mă ưh kơ layơ păt.”

Both 28:18

Đe gô hiap iĕm ưh kơ đei kon hơ'lơ̆p lăm chŭn mir iĕm ưh kơ đei hơnik hơnam rơmo triu bơbe iĕm ưh kơ tuh kon.

Both 28:32

Lu kon drŏ-nglo păng kon drŏ-kăn iĕm đe gô rôp jao ăn kơ lu bơngai tơmoi măt iĕm lăng chang gô năr âu truh tơ năr nai, mă-lei lu iĕm tôch kơ đon ưh pă băt wă pơm kiơ.

Both 28:41

Iĕm gô pơjing kon drŏ-nglo kon drŏ-kăn, mă-lei ưh kơ đei oei hăm iĕm, yua kơ lu sư noh đe gô rôp pơm đĭch đĭ.