Je 15:3 - Sơ̆p Hlabơar Nơ̆r 'Bok Kei-Dei

³ Kră Yang khan: “Inh wă phak đei puăn tơdrong: Wă pơlôch păng đao gưm, kŏ gô hek sa, sem grơ̆ păng lu sem bri gô kăp sa păng pơrăm đĭ lu sư.

Je 15:3 ပူးပေါင်းရင်းမြစ်များ

Horiso 68:23

Lê̆ jơ̆ng lu sư juă lăm pham, lu ayăt păng hơpiĕt kŏ lu sư kư̆m đei liah sa sĕch lu ayăt kơ lu sư.”

Êsai 18:6

Đe gô tŭk lê̆ lu sư ăn kơ sem păr tơ lăm kông sa, păng ăn kơ sem bri tơ ala teh sa, lu sem păr gô sa lu sư lăm bơyan phang păng lu sem bri brah gô sa lăm bơyan tơngiĕt.

Je 12:9

Kon pơlei Inh hăm trŏ thoi klang, Lu klang nai wang tăp dăr wă pơm kơ kon pơlei Inh hă? Akŭm bĕ đĭ-đăng lu sem bri, ba lu sư sa kon pơlei Inh.

Je 14:12

Mă khan lu sư ơ̆t kơ sŏng sa, Inh ưh kơ đei mơ̆ng nơ̆r lu sư krao khan ôh, mă khan lu sư pơyơ̆r tơmam soi 'buh dah tơmam soi phe 'ba, Inh ưh kơ iŏk ôh; mă-lei Inh gô pơrăm lu sư hăm đao gưm, hăm tơdrong pơngot rơwĕt păng hăm tơdrong jĭ hơpoh.”

Je 14:16

Lu kon pơlei mă mơ̆ng lu sư khan lê̆ adrol noh kư̆m lôch kơ đao gưm, pơngot rơwĕt hơdai hăm akăn, hăm kon drŏ-nglo kon drŏ-kăn lu sư. Akâu lu sư đe gô klơ̆m lê̆ hnơ̆k hnăk tơ rok trong pơlei Jêrusalem, ưh kơ đei bu 'bŭ. Inh gô tuh tơdrong kơnê̆ đêl lu sư pơm tơ kơ̆l lu sư.”

Je 16:4

“Lu sư gô lôch hơbuh krưp dêh; ưh kơ đei bu hmoi ưh kơ đei bu 'bŭ lu sư, akâu bơngai lôch jing mơ̆r kơ teh. Lu sư gô lôch kơ đao gưm păng lôch kơ pơngot rơwĕt. Akâu lôch lu sư gô ăn kơ sem păr păng sem bri sa.”

Je 7:33

Akâu kon pơlei lôch jing tơmam sa kơ lu sem păr păng lu sem bri brah; ưh kơ đei bu puh lu sư.

Nhom 3:11

Pơm kơ inh wơ̆l păng hek hok inh, pơm kơ inh pơmat dêh.

Êsêkiên 14:21

Kră Yang Tih Hloh khan thoi âu: “Rai krưp kơnê̆ hloh dơ̆ng mưh Inh ăn puăn tơdrong sek tơlang trăp; tơdrong đao hơlă tơblah, tơdrong pơngot rơwĕt, tơdrong sem bri pơrăm păng tơdrong lôch hơbuh truh tơ Jêrusalem wă pơlôch đĭ bơngai păng sem dơrong.

Êsêkiên 33:27

Khan bĕ kơ lu sư tơdrong âu: Kră Yang khan Thoi Inh mă arih, lu bơngai lăm anih răm rai gô lôch kơ đao; Lu bơngai oei lăm kơđông dah lăm hơlŭng gô lôch kơ jĭ hơbuh, lu bơngai oei lăm bri brah gô pơm tơmam sa kơ lu sem bri.

Lêwi 26:16

Mưh lei tơdrong âu Inh gô pơm kơ lu iĕm: Inh gô ăn kơ lu iĕm đei tơdrong hli truh tih, tơdrong jĭ jăn, bơlŏ chĕp tơngiĕt pơm kơ măt iĕm bơbôl, jơhngơ̆m rơmơ̆n rơmok. Lu iĕm rei pơtăm ră mă-lei hŭt đĕch jing tơdrong kơ đei, bơngai ayăt kơ iĕm gô iŏk sa yua đĭ.

Lêwi 26:22

Inh gô ăn sem bri rôp lu kon hơ'lơ̆p iĕm păng kăp sa lu sem dơrong iĕm, pơm kơ kon bơngai iĕm jing kơtuei, tơ trong glung pă đei bu yak năm rơhiăng kơkot.

Lêwi 26:25

Inh gô ăn đao hơlă pơm kơ lu iĕm. Wă pơm 'mong đêl iĕm pơm glăi tơdrong pơgơ̆p Inh; tơdah lu iĕm akŭm băl lăm pơlei tih lu iĕm, Inh gô ăn tơdrong jĭ hơbuh 'bơm tơ lu iĕm păng jao iĕm lăm ti lu bơngai ayăt kơ iĕm.

Am 5:19

Thoi minh 'nu bơngai kơdâu đơ̆ng dăm-brang mă-lei oei tơ'bơ̆p chơgơu dơ̆ng; dah thoi lu đe mơ̆t tơ lăm hnam, hơgơn ti tơ tơnăr, na 'bih choh ti sư.

Both 28:26

Akâu lôch lu iĕm gô pơm tơmam sa ăn kơ lu sem păr kơpal plĕnh păng ăn kơ lu sem bri lăm teh sa, ưh kơ đei bơngai bu pơpuh lê̆ lu sư weh.

Both 32:24

Inh ăn tơdrong pơngot rơwĕt, tơngiĕt găng pơm kơ lu sư hiong răm. Ba tŏ sa pơm kơ lu sư rơmơ̆n rơmok ăn tơdrong jĭ apoh pơm kơ lu sư lôch rŭng. Inh gô ăn sem bri kăp hek sa lu sư. Athei 'bih đei bih hơkăm năm choh lu Sư lôch.

Tơdrông Tơ'bôh 6:8

Na inh 'bôh minh pôm aseh hiang hơlơp ưh kơ đei jơhngơ̆m. Bơngai mă hao aseh ei đe anăn sư yŏng pơgơ̆r gah tơdrong lôch. Đei minh 'nu nai kiơ̆ đơ̆ng rŏng sư, sư bơngai pơgơ̆r dêh atâu. Bre sư, 'Bok Kei-Dei ăn pơgơ̆r pơm yŏng đe năm tơblah chĕp khêl đao chă pơlôch đe păng pơm kơ kon bơngai lôch kơ pơngot rơwĕt, lôch kơ jĭ jăn păn hnong, lôch kơ sem bri pơlôch. 'Bok Kei-Dei ăn kơ bre sư gơh pơm tơdrong noh truh kơ minh pah lăm puăn pah teh đak.