Je 15:19 - Sơ̆p Hlabơar Nơ̆r 'Bok Kei-Dei

¹⁹ Thoi noh 'nâu Kră Yang khan: “Tơdah ih tơbral, Inh gô sơng iŏk ih, ăn kơ ih dơ̆ng 'bơ̆t anăp Inh; dah ih pơma nơ̆r sĭt ưh kơ chă pơma ngôi đĕch, ih gô jing thoi 'bơ̆r Inh pơma. Lê̆ lu kon pơlei pơla âu gô wih tơ ih, mă-lei ih 'nĕ wih tơ lu sư.

Je 15:19 ပူးပေါင်းရင်းမြစ်များ

I Pot 17:1

Êli bơngai Pơlei Tisbe, oei tơ Pơlei Tisbe lăm char Gileat, sư khan kơ Ahap: “Inh dơ̆ng 'bơ̆t anăp Kră Yang 'Bok Kei-Dei đe Isơrael mă arih khan: Lăm sơnăm tơ anăp 'nâu, gô đei tơdrong phang-ang, tŭk păng đak 'mi ưh kơ đei jur tơ teh, dĭng truh tơ Inh đei khan dơ̆ng.”

Le 4:12

Thoi ei, na năm bĕ; inh gô oei hơdai lăm 'bơ̆r păng bơtho ih dôm nơ̆r trŏ wă pơma.

Tơdrông Pơđơk 22:29

Ih hăm 'bôh ưh lu bơngai hơgei đei jang tơnăp? Sư gô dơ̆ng 'bơ̆t anăp lu pơtao sư ưh kơ dơ̆ng hơdai 'bơ̆t anăp lu bơngai hmă.

Je 1:9

Kră Yang yơ̆r ti Sư pel 'bơ̆r inh, Kră Yang khan kơ inh: “Âu, Inh dan boih nơ̆r Inh lăm 'bơ̆r ih.”

Je 15:1

Kră Yang khan kơ inh: “Mă khan Môis păng Samuel dơ̆ng 'bơ̆t anăp Inh, Inh kư̆m ưh kơ mơnat kơ kon pơlei 'nâu. Pơpuh tơweh bĕ lu sư đơ̆ng anăp Inh.

Je 20:9

Tơdah inh khan: “Inh ưh pă pơma roi gah nơ̆r Sư boih, inh ưh pă đei yua anăn Sư na pơma roi dơ̆ng,” nơ̆r Sư lăm jơhngơ̆m inh thoi ŭnh soh chhông, Nơ̆r Sư chĭt lê̆ lăm kơting inh, na jơhngơ̆m inh rơmơ̆n lap, ưh pă kĕ ĕnh boih.’

Je 35:19

Thoi noh na Kră Yang 'Bok Kei-Dei bơngai Isơrael khan: ‘Adrĕch adrung Jônađap kon drŏ-nglo Rêkap gô đei ling-lang bơngai jang kơ Inh.’ ”

Je 4:1

Kră Yang khan: “Ơ Isơrael, tơdah ih wă wih brŏk tơ Inh, wih brŏk tơ Inh bĕ, Tơdah ih hŭt lê̆ dôm tơmam kơkuh kơ yang kơnê̆ đơ̆ng anăp Inh, Păng ih huay pă weh tơ nai dơ̆ng.

Je 6:29

Hơtuh tơthu rai dêh, ŭnh pơm kơ bơlơ̆k lek, lu bơngai 'buh dơ̆ng wă kơ rơgoh ưh kơ yua ôh; lu bơngai kơnê̆ oei tam mă tuh hŭt.

Nhom 1:11

Đĭ kon pơlei chă tơmam sa păng tơtok rah; Tơplih đĭ tơdrong chơt hiôk iŏk tơmam sa, wă kơ chhơp hiôk lăm jơhngơ̆m sư kơdih. Ơ Kră Yang, apinh Ih 'blŏk kơ inh, yua kơ inh jing bơngai pă rơ-a boih;

Êsêkiên 2:7

Ih athei khan nơ̆r Inh âu kơ lu sư, mă lu sư mơ̆ng dah ưh, yua kơ lu sư jing adrĕch adrung ayăt.

Êsêkiên 22:26

Lu 'bok soi pơm glăi kơ khôi juăt Inh, pơm 'mê̆-'mach kơ tơmam rơgoh Inh. Lu sư ưh kơ băt lăng ayơ rơgoh, ayơ hmă, ưh kơ băt bơtho tơ'bôh ayơ 'mê̆-'mach, ayơ rơgoh. Lu sư tep măt ưh kơ kiơ̆ lu năr Sa'bat Inh, lei na pơm pơ'mê̆ kơ Inh boih lăm lu sư.

Êsêkiên 44:23

Lu sư gô bơtho khan kơ kon pơlei băt kơ tơdrong kiơ mă 'lơ̆ng rơgoh Păng tơdrong kiơ mă hmă đĕch, tơdrong kiơ 'mê̆-'mach păng băt tơdrong kiơ mă rơgoh.

Lêwi 10:10

Wă kơ iĕm gơh kơnăl tơdrong 'lơ̆ng hăm tơdrong kơnê̆, tơdrong rơgoh păng tơdrong ưh kơ rơgoh.

Lêwi 14:57

Bơtho tơ'bôh wă kơ băt, liơ mă jing kơnê̆ 'mê̆-'mach păng liơ mă jing rơgoh 'lơ̆ng, noh jơ̆ khôi juăt tơdrong jĭ phơ̆k.

Jôna 3:2

Iung bĕ! Năm tơ pơlei tih Niniwe păng bơtho kơ lu sư nơ̆r mă Inh tơtă kơ ih.

Sa 3:7

“Kră Yang Tih Hloh khan thoi âu: ‘Tơdah ih năm yak kiơ̆ lăm trong Inh, chu yom, wei răk dôm nơ̆r Inh bơtho, na ih gô wei-lăng hnam Inh păng bơwei cham hnam Inh, Inh gô ăn kơ ih nơnăm tŏk-bŏk lu bơngai mă oei kơkuh kơ Inh âu.

Luka 1:19

Linh jang 'lơ̆ng ei khan: “Inh âu boih Gabrel. Inh ling-lang oei hơdai 'Bok Kei-Dei. Sư wơh inh jur pơtruh ăn kơ ih tơdrong noh,

Luka 10:16

Yêsu khan dơ̆ng kơ lu bơngai pơhrăm păng Sư: “Bơngai bu mơ̆ng iĕm, sư 'noh dang mơ̆ng Inh mơ̆n. Bơngai bu ưh kơ wă mơ̆ng iĕm, sư 'noh kư̆m ưh kơ wă mơ̆ng Inh mơ̆n. Bơngai bu ưh kơ wă mơ̆ng Inh, sư 'noh kư̆m dang ưh kơ wă mơ̆ng 'Bok Kei-Dei mă wơh Inh mơ̆n.”

Luka 12:12

yua kơ Yang Bơhngol 'Lơ̆ng gô tơgŭm iĕm kơplah iĕm wă pơma.”

Luka 21:15

yua kơ Inh gô ăn kơ iĕm 'bơ̆r đon hơgei, na lu bơngai ayăt 'noh gô thuơ kơ iĕm.

Luka 21:36

Thoi noh na iĕm athei kơchăng păng krao khan ling-lang wă kơ iĕm kĕ ĕnh dôm tơdrong noh na dơ̆ng 'bơ̆t anăp Inh Kon Bơngai ning-mônh.”

II Kor 5:16

Thoi noh na dang ei nhôn ưh pă lăng đe thoi kon bơngai ala teh juăt kơ lăng dih băl boih. Sơ̆ nhôn lăng Yêsu Krist thoi lĕ kơ kon bơngai đĕch, mă dang ei nhôn ưh pă lăng Sư thoi kon bơngai boih.

Galati 1:10

Inh pơma thoi noh kon bơngai ưh kơ lăp đon ôh. Mă-lei inh wă kơ 'Bok Kei-Dei lăp đon kơ tơdrong jang inh. Dah inh wă kơ kon bơngai lăp đon kơ inh đĕch lei ưh kơ sĭ inh jang tơdrong Yêsu Krist ôh.

Galati 2:5

Dôm tơdrong lu sư wă kơ nhôn pơm, nhôn ưh kơ chu ôh. Nhôn ưh kơ đei layơ wă tơplih tơdrong 'nao 'lơ̆ng Yêsu Krist mă 'lơ̆ng tơpăt ôh. Nhôn wă kơ iĕm huay kăl kiơ̆ dôm tơdrong juăt bơngai Juđê.

Hêbrơ 5:14

Pôm lu bơngai pơm kră đĕch gơh sa tơmam arăng, lu sư pơhrăm đunh boih, lu sư băt kơnăl kơ tơdrong 'lơ̆ng, tơdrong kơnê̆ boih.

Ju 1:24

Bơnê kơ 'Bok Kei-Dei, pôm Sư đĕch kĕ wei-lăng iĕm, huay ăn kơ iĕm lê̆ Sư, wă kơ iĕm dơ̆ng 'bơ̆t anăp Sư ning-mônh iĕm 'bôh Sư mơsêh mơyang, iĕm hiôk hơiă huay kơ hli kơ Sư, yua kơ iĕm ưh kơ đei tơdrong yoch.