Je 15:17 - Sơ̆p Hlabơar Nơ̆r 'Bok Kei-Dei

¹⁷ Inh ưh kơ lah ngôi chơt hiôk hơdai hăm lu bơngai et sa kơnê̆ ôh, Inh kư̆m ưh kơ lah hiôk hơdai lu sư; Inh ngôi minh drô̆ inh yua kơ ti Ih dan kơpal inh, Ih kư̆m tuh kơ jơhngơ̆m inh 'bĕnh kơ tơdrong Ih hil mĭl.

Je 15:17 ပူးပေါင်းရင်းမြစ်များ

Horiso 1:1

Pŭn dêh kơ bơngai bu, ưh kơ kiơ̆ trong lu bơngai kơnê̆, kư̆m ưh kơ oei lăm trong lu bơngai yoch, kư̆m ưh kơ ngôi hơdai hăm lu pơjăm đe;

Horiso 102:7

Inh kral, inh nhen thoi sem rĕch oei hơdrô̆ kơpal bơbŭng hnam.

Je 1:10

Năr 'nâu Inh pôk ih pơm yŏng kơ đĭ kon pơlei pơla păng đĭ kơ dêh char, ih gơh buch păng hŭt lê̆, dah pơrăm păng pơlôch dah man tơiung păng pơtăm ming.

Je 13:17

Mă-lei tơdah lu iĕm kuă kơ mơ̆ng, inh gô nhơ̆m lăm to, yua kơ tơdrong lu iĕm pơang. Măt inh gô nhơ̆m ơh ol dêh, đak măt inh gô lĕch ro, yua kơ triu Kră Yang đe gô rôp pơm bơnă.

Je 16:8

Ih kư̆m 'nĕ kơ et sa ngôi hơdai lu sư.”

Je 6:11

Gah inh, Kră Yang hil 'bĕnh kơ inh, inh ưh kơ kĕ kơ dơ̆ng ôh. “Tuh bĕ tơdrong noh tơ lu bơngai hơ'lơ̆p tơ rok trong pơlei, Tơ lu bơngai tơdăm oei akŭm băl; tơ klo hăm akăn, tơ lu kră păng lu kră jơnei.

Nhom 3:28

Trŏ, sư athei ngôi minh drô̆ păng ngăn, yua kơ Kră Yang đei dan boih 'long ăt tơ sư.

Da 7:28

dĭng dâu nơ̆r roi tơdrong tơ'bôh âu đĭ, gah inh Đaniel, tơdrong inh tơchĕng hơwơ̆l hơwang dêh. Muh măt inh jing dreng hơ'blă, mă-lei inh răk lăm đon inh dôm tơdrong noh.

Sa 1:12

Đơ̆ng noh linh jang Kră Yang khan: “Ơ Kră Yang Tih hloh! Ih gô ưh pă 'mêm kơ pơlei Jêrusalem păng lu pơlei lăm char Juđa dĭng truh dang yơ? Noh boih lu pơlei tih mă Ih đei hil kơ lu sư tơpơh-jĭt sơnăm kơ âu?”

II Kor 6:17

“Thoi noh yua kơ Inh Kră Yang iĕm na Inh athei iĕm lĕch jăk đơ̆ng lu bơngai ưh kơ lui. Tơklah đơ̆ng lu sư, 'nĕ pă pel 'bơm dôm tơdrong kơnê̆ 'mê̆-'mach lu sư, na Inh gô sơng iŏk iĕm.