Je 15:11 - Sơ̆p Hlabơar Nơ̆r 'Bok Kei-Dei

¹¹ Kră Yang khan: “Tơpă Inh gô dŏng pơklaih ih 'măn kơ tơdrong jang kăl. Inh gô ăn kơ lu ayăt kơ ih năm lung ih, kơplah lu sư đei tơdrong răm truh pơmat-tat.

Je 15:11 ပူးပေါင်းရင်းမြစ်များ

Horiso 106:46

Sư kư̆m ăn kơ lu sư đei pŭn hiôk 'bơ̆t anăp lu bơngai mă rôp lu sư pơm bơnă.

Horiso 138:3

Lăm năr inh krao apinh, Ih tơl tơwih, Ăn kơ jơhngơ̆m inh rai nuih pran kơtang.

Tơdrông Pơđơk 16:7

Dah chăl arih bơngai bu pơhiôk Kră Yang, Na Kră Yang kư̆m ăn lu ayăt oei hiôk hăm sư.

Tơdrông Pơđơk 21:1

Jơhngơ̆m pơtao lăm ti Kră Yang thoi đak glung ro; Sư ăn ro tơ yơ mơ̆ng kơ Sư wă.

Bôk Bơthô 8:12

Yua kơ lu bơngai mă pơm kơnê̆ hơdôm hrĕng wơ̆t, kư̆m oei arih sot; lei ră inh băt lu bơngai hli yom kơ Kră Yang 'Bok Kei-Dei, sĭt gô đei tơdrong pŭn hiôk yua lu sư hli yom Kră Yang 'Bok Kei-Dei.

Êsai 41:10

'Nĕ hli yua kơ Inh oei hơdai iĕm, 'nĕ tơrơ dêh, yua kơ Inh bơih Kră Yang 'Bok Kei-Dei iĕm! Inh gô ăn kơ iĕm pran; tơpă inh tơgŭm iĕm, Inh gô wei-lăng iĕm hăm ti gah 'ma 'Lơ̆ng Tơpăt Inh.

Je 21:2

“Apinh ih krao apinh bĕ Kră Yang tơgŭm lu nhôn, yua kơ Nebukatnessar pơtao đe Babilôn oei năm wang blah lu nhôn. Rŏ lăng băt Kră Yang pơm tơdrong mơsêh kơ nhôn kiơ̆ thoi tơdrong mơsêh Sư pơm sơ̆, pơm ăn kơ pơtao Babilôn kơdŭn weh đơ̆ng lu nhôn.”

Je 37:17

Pơtao Sêđekia wơh đe năm krao Jêrêmi ba tơ hnam pơtao, sư jet Jêrêmi hơdrô̆ lăm hnam sư: “Kră Yang hăm đei khan kiơ?” Jêrêmi tơl: “Đei mơ̆n, đe gô jao ih tơ lăm ti pơtao Babilôn.”

Je 37:3

Pơtao Sêđekia wơh Jêhukal kon drŏ-nglo Sêlemia păng Sephania 'bok soi kon drŏ-nglo Maaseia, năm tơ Jêrêmi bơngai khan lê̆ adrol păng khan: “Apinh ih krao apinh Kră Yang 'Bok Kei-Dei bơ̆n tơgŭm lu nhôn.”

Je 38:14

Pơtao Sêđekia athei đe năm krao Jêrêmi păng chông ba sư mơ̆t trong 'măng mă pêng mơ̆t tơ hnam Kră Yang. Pơtao khan kơ Jêrêmi: “Inh đei minh tơdrong wă jet ih; 'nĕ ôn kơ inh.”

Je 42:2

năm apinh lung Jêrêmi: “Mơ̆ng bĕ nơ̆r lu nhôn apinh ih krao apinh Kră Yang 'Bok Kei-Dei ih tơgŭm lu nhôn, lu bơngai mă oei oei âu. Sơ̆ lu nhôn oei lơ kơdrâ̆m, dang ei oei pă tŏ sĕt, thoi ih 'bôh âu.